( مشورتكم في ترهيم باترول )

[Saudi ARB]

سلام عليكم . مساكم الله بالخير ..
صراحه افتر راسي بين هالمواقع
ولا حصلت اللي ابيه
اخواني عندي نيسان 4 ابواب
المكينه مش ولا بد .. والحمدلله معي كم ريال
وأفكر اركب له مكينه .. ومحتار بين اللكزس والـ vxr والـ ls1 ..
ومدري عن اليوكن لا اعلم اذا هي حلوه ولا لا
لكن ابي مشورتكم يـ الربع .. وابي اللي جرب وحده من هالمكاين يفيدنا
واذا فيه أحد مبدع بـ المجال هذا يدلنا عليه ..
والله يجزاكم خير

[جني صغير]

اول شي
اذا انت تحب تراقي الدركال مثل(ام دكه او ام حزم)تاخذ LS1
اما اذا تحب مرقا خفيف افضل تحط فتك او لكزس
لان اشوف بام دكه كلهم مركبين LS1 حقين جيوب باترولات

[AxR979]

و عليكم السلام

الموضوع طرح اكثر من مرة و بتلقى ان شاء الله اللي تبيه هنا

http://www.mekshat.com/vb/showthread.php?t=496915

http://www.mekshat.com/vb/showthread.php?t=467264

[You Like Me]

وعليكم السلام ورحمه الله

بصراحه كل المكاين اللي ذكرت حلوه
وليتك اخوي حددت استخدامك وغرضك من المكينه اللي بترهمها

مثال

اللكزس حلوه وصبوره تنفع لراعي الخطوط والصيد
وراعي الطلعات الخفافي
لكن كمقارنه لراعي المراقى والشيل والحط في النفود
بأمانه ولحد يقولك غير هالكلام
في المراقى باترول 4500 عليه هدرز وفلتر يروح ويخليك
الـ VXR
رائعه ما تطلب وصبوره ولك وللزمن
بصراحه انا ماجربتها على صالون جربتها على ربع 91
ولا احلى منها واطلع مع ربع نيسان عليه مكينه فتك
متقاربه جداً إلى ان الفتك توركه اعلى شوي ويشد في المرقى اكثر مني

الـ Ls1
حبيبتي :D
جبارة ودواء لراعي المراقى والخطوط ايضاً
مشكلتها تبي مداراه واذا انت رجل ما تفك وتربط بيدك انصحك ماتفكر فيها
والاهم من هذا وذاك الاستخدام
اذا انت راعي تفجير في كل طلعه طبيعي حتى مكينة البلد بتشتكي منها وبتطلب
لا تقول انا يكفيني هدرز وفلتر وماني مراقي
لو جربتها صدقني ما ترضى بغيرها حتى لو انت متأكد انو اعطالها كثيرة
لكن هذي ضريبة للي يبغى القوه لازم يتحملها
ومع الايام بتفكر بالتزويد لانه ماراح يرضيك الهدرز والفلتر
وللأمانه شهادتي فيها مجروحه وعن نفسي لو بتكلم اكثر ماراح اخلص

اليوكون - التاهو
5300 من مديل 2006 وماسبق

حلوة واداء وقوه بالعربي فيها حقها
من مميزاتها متواجده بكثره يعني ماتتعب تدور على النظيف
سلبيات ؟ للأمانه ماسمعت احد اشتكى منها

****************

طبعاً الاهم من كلامنا كله التجليس
اذا التجليس صح الباقي يهون
تجليسك مضبوط بإذن الله ماراح تطفش من السيارة المرهمه

نصيحه
اذا فكرت وعزمت لا تفكر بالرخص
بتلاقي كباتن يا كثرهم يرهمون ويشغلون لك السيارة
وفرق باسعار شغل اليد بتلاقي فرق فوق الـ 2000 ريال وتوصل لـ 3
لكن بصراحه هذول ناس عندهم إمكانيه وهوايه وموسعين صدورهم مع الشباب

يعني انت غيرت مكينة وشغله طويله عريضة لا تبخل على نفسك وسيارتك
اذا تبي تطلع بالنتائج المرجوه وتبي ترتاح .

انا تكلمت عن ماذكرت انت بالتحديد
وباقي خيارات اكبر واوسع وهي لصالح الامريكي طبعاً
وعليك بالإستخاره والله يكتب لنا ولك اللي فيه الخير
وآسف على الإطاله

[Saudi ARB]

بيض الله وجيهكم يالنشاما كفيتو ووفيتو ..
بس المشكله الاسعار .. كم سعر اللكزس والفي اكس ار .. و ال اس ون .. والدنيالي ..
سعر المكاين يتاروح من كم لكم .. وهل فيه احد يسلم بـ المفتاح ؟

[مسير عليهم]

ارخ ريالك وحط في بالك تجهيز السيارة كاملة بتكلفك حدود 30 الف

[You Like Me]

ارخ ريالك وحط في بالك تجهيز السيارة كاملة بتكلفك حدود 30 الف

:good2:

احسب حسابك
لا تفكر تشتغل اي مكينة معك اقل من 30
ولا تنسى قيمه مكينه سيارتك بتخفف عليك شوي

هذي بالنسبه لمكينه ال اس
والدينالي والفكسار

بالنسبه للكزس
إلى الآن ماخذنا علم اكيد
ناس تقول 18 الف جاهزة
وناس تقول بـ 9 الآف جاهزة
الفرق كبير ومبالغ

إلى الآن محد أكد لنا شغل اللكزس من البدايه للنهايه كم يكلف

[Saudi ARB]

مشششكورين يالذيابه .
والله الظاهر صفت على الدينالي ..
انا دخلت منتدى امراتي وفيه كراج عندهم بالشارقه
على ما اظن يمدحونه .. هل فيه احد عنده خلفيه عن هذا

[قناص خلاوي]

اخوي قبل تروح الامارات لازم يكون عندك خلفية عن الترهيم
وش مطلوب كيف الكهرب نظافة المكينة .........الخ
والا اكلوك هناك ورجعت بالخسارة
تركيب مكينة اللكزس عند بدر الحمد بالزلفي يكلف 17-18 الف
ويعطيك ضمان سنة على الشغل حسب ماسمعت من ربعي اللي رهموا عنده
وشغل بدر معروف واسأل أهل الترهيم
موفق خير اخوي

[medo112]

شوف الفرق بين المكاين كبير ..
ls1 حجمها 5.7
الدينالي اللي هي ls3 حجمها 6.2

أكيد لصالح الدينالي ..
طيب ليش ما تفكر في ls2 ?? حقت كابرس .. أفضل من ls1 وخفيفه ؟؟

شوف اذا معاك ميزانيه .. ركب حقت الدينالي ولا تفكر ..
بتطلع مجنونه .. او الـ 6 لتر بعد حلوه .. ط