تكفون والله العظيم تحسفت من كثر السوال !

[قناص الجنوب11]

اخواني والله كل ماني التذكر السيارت الثلاث تحسف وقلت في نفسي؛( وش اخذ وفكرت وطالت الايام وانا افكر واتت الفكره وقلت ؛؛ مالك الى اهل مكشات ياقناص الجنوب)

تكفون عطونا علم الوكاد لاني راعي مقانيص وطلعات !

السيارات::؛

جيب ربع تويوتا نص فل خليجي 2012

جيب سزوكي جيمني فل كامل 2012

جيب ربع نيسان نص فل خليجي 2012



ها وعطونا بالتفصبل الممل ولدق التفاصيل:good:×

[AxR979]

انا اقول هج عن السوزوكي و خلك بالباترول و الا التويوتا

[You Like Me]

اخوي قناص الجنوب
انا شفت كل مواضيعك اخوي
احسم امرك وعليك بالإستخارة
وشف اللي تهواه نفسك واللي ترتاح فيه
وخل عنك قول فلان وعلان
اذا كل يوم بتفتح موضوع والله بتتعب ولا راح تشتري
المشكلة بعض اللي يملي لك الشور مايملك السيارة ولا جربها
شف اللي تميل له نفسك
والله يعطيك خيرها ويكفيك والمسلمين شرها

[اسبيدر مان]

ياالغالي الباترول هو موتر القنص ماتحتاج سؤال
والله يكتب لك الى فيه الخير

[HAS5SAN]

يابن الحلال استخر الله سبحانه
وتراك حاط الربع في توقيعك
يعني القلب يميل للغالي
ولو لا سعر ربع النيسان كنت نصحتك فيه
حالياً انصحك بجيب التويوتا الخليجي 2012
http://img718.imageshack.us/img718/4043/33791494.jpg

[HCW]

يا صاحبي السوزوكي خارج المنافسه لضعف الامكانيات من ناحية قوة المكينه ولا هو موتر صبور و يتحمل.

النيسان قوي و يتحمل و احلى مافيه المكينة و مركبه مريح خصوصا بالنفوذ و الضلعان.

التويوتا قوي و يتحمل لاكن المكينة الجديده ضعيفه مقارنه بموديلات 2009 و تحت و كل المكينتين اضعف من الفتك النيسان.
يعيبة انه ضيق من داخل و مافيه راحة ابد خصوصا بالطرد والله من المطامر و قلبتة سريعه.

اذا تتكلم على المحركات و قوة التحمل انا اشوف الموترين سواء نيسان او تويوتا كلهم صبورات و يتحملون الجلد و انا واحد من الناس اللي امتلك النيسان ولا شفت منه اي مشاكل مع العلم ان استخدامي للموتر فيه جلد نوعا ما ولا عمري غيرت فيه غير الاستهلاكيات.
اما التويوتا الربع عند خويي و دايم نطلع نقنص سواء و موتره 2010 ولا فيه مشاكل ابدا غير انه غير مريح و يطامر.

يبقي الخيار او المفاضلة تعمد على ذوقك الشخصي اذا تهمك الراحه خلك مع النيسان و اذا ما تهمك الراحه خلك مع التويوتا.
اما الشكل الخارجي هذي مسالة ذوق شخصي.

التحمل و الصبر كلهم مثل بعض
اما السعر هذا يرجعلك و قناعتك بكل سياره و قدرتك المالية.

[التعـ King ـديل]

جيب ربع نيسان نص فل خليجي 2012

:good2:

[محطم عنيد]

الباترول خذه وأنت مغمض

[كاشت وحداني]

اولا
طلع السوزوكي من السالفه
ثانيا
اذا مقناصك بالمنطقه الجنوبيه غالبا خذ الربع التويوتا
اذا مقانيصك بنجد والشمال يعني في رمال خذ الباترول
والاهم من ذلك الاستخاره والنفس وماتهوى


Sent from my iPhone using Tapatalk

[ابونبيل]

انت تبي ربع خذه قلبك معلق فيه

والي يقولون مكاين التايوتا ضعيفه

ترا يارب انه ربع يعني لو عليه 4 سلندر بيدهر ماشاء الله

انصح بالربع التايوتا واذا خايف من المكاين الجدد اطلع اقرب مرقى وشف حيله وقرر

[غواص وقناص]

اولا
طلع السوزوكي من السالفه
ثانيا
اذا مقناصك بالمنطقه الجنوبيه غالبا خذ الربع التويوتا
اذا مقانيصك بنجد والشمال يعني في رمال خذ الباترول
والاهم من ذلك الاستخاره والنفس وماتهوى


Sent from my iPhone using Tapatalk
انا اظم صوتي للصوتك
في الجنوب يتفكك النيسان
وقطع غياره لك عليها في الجنوب
لأنه ما له رغبه في الجنوب

واهم شيء الأستخارة

[تمنيتك لي]

أول شئ أستخر الله سبحانه وشف

وثآني شئ خذ لك ربع نيسآن لا مكينتة جت فتك 4800

[يزيد 999]

أخوي اذا تدور الراحه والامان والقوه والفخامه والمواصفات والشكل والرساوه= ربع فتك12
واذا تدور كسر الظهر ولا قدر الله الانقلاب السريع والداخليه اللي تجيب الهم والمواصفات اللي ماتغيرت من يوم طلع الربع والحذفه والتخبيط بسرعة البرق = ربع باترول

[باترول 4500]

جيب ربع تويوتا نص فل خليجي 2012 = نشيط (مكينته 4000 ) , غير مريح , سريع الإنقلاب

جيب سزوكي جيمني فل كامل 2012 = ماعندي أي معلومه عنه

جيب ربع نيسان نص فل خليجي 2012 = نشيط (مكينته 4800 أقوى من الربع ) , مريح , مواصفات حلوه

[بواسامه]

جيب ربع نيسان نص فل خليجي 2012 = نشيط (مكينته 4800 أقوى من الربع ) , مريح , مواصفات حلوه

وغيره تضييييييع وقت

[sgl2002]

انا بعرف اللي يقولون النيسان يتفكك

انا جربت ٣ ربوع نيسان ٢٠٠٩ وجلدتهم جلد الويل ولاتفككت ولاشي

ياقناص

فكر على المدى البعيد، الربع التويوتا غصب عليك بتبيعه بعدين لانه بيطفشك ولاتقدر تركب اهلك معك ولا اي احد غير الشباب

النيسان بيقعد لك لانه منظر ومريح ورزه وامن

[تميم2222]

والله يالغالي في الطرد في الصيد وراحه المطب وقوه المكينه انا اشوف ربع نيسان الجديد جاي وبقووه لسوق و حتى المنظر اشخص واوجه من ربع التويوتا ..... يعني لونقول ان ربع التويوتا ارخص من نيسان كان قلت لك ربع تويوتا لكن مادم نفس السعر لا والله الا باترول ولا الفرق شوي وعسى الله يرزقك بالسياره اللي تطرب خاطرك وتقبل مروري

[صياد الجبل]

ياحبيبي اذا بتقنص من الجنوب خذ لك ربع تويوتا لان اصغر حجم واقوى في البدي

ولاتنسى انه سست خلفيه يعني بيفدك في الضلوع

اذا بتقنص ببر خذلك نيسان الجديد

لان النيسان يايات مايقدر يخدمك في الضلوع مثل التايوتا وعلى قول اخوي انه بالجنوب محد يرغبه

اسمع تبي نصيحه اخ

خذلك تويوتا ربع 2009

تحصله مخزن ماشي حول 50 و 60

وراح تعرف الفرق جرب 2012 و 2009

وتعرف الفرق

[قناص 28 عفيف]

شل السزوكي من القائمه
انصحك بالربع النيسان مكينه فتك
موتر وسيع وراسي ومريح

[جي تي]

شف اذا تبي موتر سنع وقوي خذ الربع النيسان طبعن بدون تقصيب عشانه نيسان انا معي تويوتا

اول شيء لو ما طلع الربع بمكينة 4800 كان قلتلك خذ التويوتا اول شيء

ربع النيسان /

1- راحه .
2- دبل الباترول ازين من التويوتا
3- مكينه جباره
4- معروف عند اهل القنص والمكاشيت
5- اوسع والداخليه تفتح النفس
6- يوجد له تجهيزات واكسسوارات

عيوب ربع النيسان /:(

1- المعروف عن مكينة الفتك من 2005 الى 2009 قبل ظهور الربع 4800 ان المكينه تصرف بنزين ما ادري اذا زينوها

2- القزازه الخلفيه ما تنفتح بعكس الربع التويوتا
----------------------------------
الربع التويوتا /

1- مكينه حلوه
2- يمسك سعره
3- دبله ممتاز ( لاكن ليس افظل من النيسان )
4- داخليه افخم لوجود التخشبه
5- اجمل شكل ( برأيي )

العيوب /:(

1- سريييييييع الانقلاب
2- عدم الراسواه والرحه
3- ضيق
-----------------------------

هذا الي عندي والقرار الاول والاخير لك ولا استعمالك:good2:

[ماجد الحايلي]

اولا
طلع السوزوكي من السالفه
ثانيا
اذا مقناصك بالمنطقه الجنوبيه غالبا خذ الربع التويوتا
اذا مقانيصك بنجد والشمال يعني في رمال خذ الباترول
والاهم من ذلك الاستخاره والنفس وماتهوى


Sent from my iPhone using Tapatalk

مابعد كلام اخونا كاشت وحداني سؤال

انا خبري بالجنوب جبال وعرة والنيسان مايصلح
لها مع احترامي الشديد لاهل النيسان
الجبال مالها الا التويوتا وبس
والنيسان للرمل والخبوب
ولك في سيارات سلاح الحدود خير مثال
وبعدين الباترول النيسان غالي بالحيل
وبعد سنه من مشتراه يطيح 25 % من سعره

وانت استخر وانت اكثر واحد اعلم بحاجتك

[سحاب1]

اذا مقناصك في المنطقة الجنوبية فعليك بالتويوتا..
ومميز في انك تكده كم سنه وسعره ما ينزل وصيانته اسهل من النيسان..
والله يوفقك

[abo naser 1]

السلام عليكم


النيسان لاتعده قوة دبل وقير وقوة دفرنسات وقوة مكينة رساوة ومريح مطبه داخلية حلو شكله حلو ممتع في القيادة الكلام على 4800 ابو رفارف سود

وسمعت الأن ان الصالون الحمراني مسوي على عرض ب 139 مكيفين كان سعره ب 152 اما الربع مانزل عندنا بالسعودية 4800 الى الأن خليجي فقط


اما التويوتا صبور ويمسك سعره وعزمة طيب بس ما يقارن ب 4800 لاكن مطب غير طبيعي ممل ف الخط تهريب هواء سسسسريع الأنقلاب كانك راعي قنص وشف المعارض كلها مرشوش كامل مرشوش جنب اذن وانت ماشي

[ابوسند9]

اخوي قناص الشباب ما قصرو
لكن تبي النصيحه لايروح عمرك مع التايوتا مثلي جرب الباترول والله ان تندم انك استخدمت تويوتا
راحه في بر وسفر
رساوه
قوه
حتى وانت تسوق السياره تتمتع وخاصه الفتك 4800
واذا انت راعي طرد في وعر ركب بالون وحط الهواء 20 وقل لا اهل الربع التويوتا الحق
اخوي قناص صدقني لو تسافر بربع تويوتا والخط فيه شوي هواء ان تعجز تمسك السياره غير صوت الهواء تقل ركب سياره مويلها 85
اما اللي يقول يتفكك الباترول من موديل 88 الى اخر موديل للحين مع اهل البر
اخيرا اخوي قناص
همسه في اذنك اذا تبي تنبسط خذ باترول
تبي الشقاء خذ ربع

[تميم2222]

الله يوفقك بالموتر اللي يطرب خاطرك ويسعدك

[Abusliman]

اما سوزوكي هج منه شين مرهـ
وشف من ناحية الشكل والنصب من صالح ربع تويوتا ومقارب للنيسان .. وطبعاً هي اذواق
ومن ناحية التحمل ربع تويوتا .. بس النيسان ما يقصر وسالفة انه يتفكك ترا لو قلنا كل 3 سنين تربطه ما اشوف انها مشكلة
من ناحية الانقلاب هذا الي مكرهني بربع تويوتا سرريع الانقلاب اما النيسان صعب انقلابه
من ناحية المواصفات كلهم حول بعض مهب ذاق الفرق
ومن ناحية الداخلية كلهن خايسات الصدز على موتر فوق الـ 120 قيمته بس النيسان افضل
ومن ناحية الراحة للنيسان راحته جيدهـ اما ربع تويوتا يكسر الظهر سلامات موتر قيمته 120 ويناقز بي

بالنهاية انصحك بربع نيسان خاصتاً مع مكينتة الجديدة فتكـ ( :
وتراي اميل لتويوتا اكثر بس ربع تويوتا مشكلة الصدز لا راحة وانقلاب سريع وسمعة شينه .. مدري اذا عندكم بالجنوب سمعته زينا بنجد ولا لا

[طيير شلوى]

انصحك بربع تويوتا ... القديم موديل 2009

[salih100]

التايوتا بتاخذه فتره ثم بتقول باتزوج وما يصلح للاهل يعني فتره وبتخسر فيه وبتبيعه

والي يقولك انصحك ب 2009 لقوة مكينته انا اقولك صح قويه بس ما تحتاج كل ذي القوه ع ربع لانها اكبر منه لو شاص صح انا معه .

النيسان يركب معك شايب عمره 90 مايتعب ونصيحه لوجه الله احسب لبعيد خل نظرتك بعيده الامد

بعدين حتى لو مقناصك بالجنوب يعني بالجبال النيسان افضل مليون مره ما يعلق لانه سلس فيه ليونه مو مثل التويوتا اذا تخالفت الدفرنسات قام يحفر وتراني من اهل الجنوب واعرف الديره زين

بعدين النيسان فيه قوة دبل للجر عجيبه وتكفيك خفة النفس في النيسان مو مثل الشايب التويوتا

اما السوزوكي شيله من القائمه مره مره

نيسان ولا بتندم باذن الله والخيره في ما يختاره الله

[ابونجم 1]

ياخوي اخذلك 4 ابواب ارسى وتقدر تشيل الربع معك واغراضك ترا عزالله انه هو الموتر
طبعا الفتك النيسان