شباب فزعتكم الله يرضى عليكم

[a-s-i3]

السلام عليكم ورحمة الله وبركاته . ياشباب انا شفت اعلان اخونا كبسوله 2 عن الزيت اللي ينظف البلوف والسلندر اللي يصب في تانكي البانزين . دورته ياشباب والله ماحصلته مدري وين مكانه ليت تدلوني على محل بيعه أنا في الخرج ولا خليت محل الا دورت فيه حتى وكلاء الزيوت ماعندهم وهذي صورته



http://im25.gulfup.com/2012-04-28/1335625141581.png

:l

[سيف وقلم]

هو وش حقه هل هو ينظف البخاخات لان فيه حق مستوبيشي منظف البخاخات وتحصله عن حقين قطع مستوبيشي أو الوكالة نفسها

وشف يمكن تلقاه عند بترومين اكسبرس الي يغيرون زيت بحكم إنهم يبيعون منتجات بترومين

[You Like Me]

انا شفته في واحد من محلين
يا ساكو او يلوهات
في واحد منهم متأكد اني شايفه
والله اعلم

[قناص الجنوب11]

موجود عندنا في القنفذه في محلات بنقله السمك

في محل اسمه الصياد العربي وهو متخصص في عدد القوارب وادوات الصيد

يبيع ب٦ ريال للعلبه

[كبسولة2]

يباع في محلات صيانة الدبابات البانشي والمواطير

يباع كذلك في محلات بيع قطع محركات السفن واللانشات

[a-s-i3]

مشكورين وبيض الله وجيهكم . بروح لمحلات الدبابات وبشوف عندهم .

[بدوي جنوبي]

المنظفات هذي ما أحب أستخدمها أحس انها كلام فاضي
مع أحترامى للجميع وخاصة المشرف الكبير كبسولة :)
لان 90% منها ،، ما تؤدي الغرض مجرد أعلانات تجارية فقط

بالنسبه للمنظف في الصوره أعلاه
هو ليس منظف بلوف او لغرفة الاحتراق
هذا زيت مخصص للمحركات ثنائية الأشواط
مثل ماطور الماء حق الويتات
وماطور القواراب ،،، والدبابات والطائرات الصغيره
كل المحركات هذه ثنائيه الاشواط عدا بعض مواطير المويه الجديدة ركبوا لها بلوف
وتلاحظ مكتوب على غطاء السلندر SHC ؟؟؟

طبعا يحتاج مع البنزين أضافه علبة الزيت اللى فوق TWO STROKE ENGINE OIL
الزيت يقوم بتليين غرفة الاحتراق أثناء التشغيل ،،، ويحترق الزيت عند الانفجار ويخرج مع العادم
لذلك يحتاج الى أضافته بعد كل فترات تشغيل . (يعنى محرك ثنائي الاشواط لا يحتفظ بالزيت )

أنظر صورة محرك ثنائي الاشواط

http://www.2strokeoil.net/wp-content/uploads/2010/01/2_cycle_motor.jpg

ترا هو ثنائي الاشواط في الاصل لكن في الصورة يوضحو لك
طريقة عمل 4 أشواط في رحلة 2 شوط لمرفق عمود الكرنك
لاحظ مكان دخول الوقود يكون بجانب السلندر ،، ولا يوجد بلوف للمحرك

اللى يميز المحركات ثنائيه الاشواط قوة أداء المحرك .

والله تعالى أعلم .