بطارية إضافية ..... لليوكن.

[أبو حنشل]

السلام عليكم ورحمة الله وبركاته ...


سيارتي يوكن 2002 سعودي ...


محتاج يا إخوان أركب بطارية إضافية للسيارة للإستخدامات التالية :

-عمل إشتراك للبطارية الأساسية في أماكن لايتواجد فيها من يعطيك إشتراك....... (كأني قريت إنهم يقدرون يشبكون البطاريتين سوا بحيث لو تعطلت الأساسية تشغل السيارة على الإحتياطية .... لكن مافهمت وشلون تقدر تعرف إن الأساسية انتهت لأن السيارة بتشتغل على كل حال!)
-تشغيل ثلاجة ويكر 50 ل عن طريق منفذ الـ 12 فولت
-تشغيل الآيكوم .... ( إحتمال أتركه على الأساسية)
-إحتمالية وضع فيش 110 و 220 ......(تعتمد على الميزانية وعلى الشغل)


في البداية أبي نصايحكم يا إخوان ...

-وش أفضل ورشة في الرياض؟ تضبط هالشغلة وبسعر معقول أو حول المعقول ...... (هذا كهرب ومافيه مزح نبي الشغل مجرب ومضبوط)


والله يجزاكم عنا كل خير ...
والسلام عليكم ورحمة الله وبركاته ...

[يزيد 999]

بالنسبه لعمل اشتراك بين البطاريتين هذا عن طريق جهاز منظم الشحن بين البطاريتين من رفيق الدرب وسعره 290 ريال وانا مركبه ولا منه ضرر وبالنسبه للمحلات واجد منها الصبي وسوافي والمنديل و4*4 والسعر من ألف وطالع أنا مركبها عند سعودي أخذ شغل يد 200ريال بس!! واللي علي بطاريه وقاعده ومنظم الشحن ومحول كهرب وبعض الاسلاك = تقريب 800 ريال والشغل :good2::good2::good2:

[أبو حنشل]

الله يعطيك العافية ويجزاك خير :good2: ...


أنا بحثت بناء على كلامك في المنتدى عن سوافي والصبي ولقيت كلام كثير مفاده إذا وصلت للقمة إحذر من الهاوية! ...

لكن السؤال ....

وش الأفضل الكتاوت أو المنظم ؟ ....... (من ناحية الصبر والتحمل وتلافي الحرائق :f ).


وبالنسبة لورشة الصبي ... مريتهم اليوم قبل الظهر ومالقيت السعوديين لقيت الزول وقال البطارية مع المنظم والقاعدة بـ 1000 ريال والباقي انتظر عبدالقادر يجي يقيمها لك ويعطيك موعد .... لكن بناء على تجارب الأعضاء السعر مابين 800 إلى 900 ريال !

مع العلم إني سألت عن أبوشهد وقال مسافر وما أدري متى بيجي.

هل فيه ارتفاعات صارت وإلا الخصم يجي بعد مايحسب جميع الطلبات ؟

[يزيد 999]

إيه نعم أخوي الافضل المنظم وفوائده
1- اطاله عمر البطاريه
2-عمل اشتراك بين البطاريتين
3-تنظيم الشحن بين البطاريتين بحيث يعبي الاساسيه واذا تفللت يعبي الاحتياطيه
وبالنسبه للورش والله ماعندي علم لاني من القصيم

[ابو زياد 90]

للرفع :)

وان شاء الله الاخوان موب مقصرين


تحياتي لك ,,,

[ع س ل087]

السلام عليكم

الخي الكريم انا ركبة بطارية اضفية للسيارة لكن قبل ان تركب البطارية لبد ان يكون هناك منضم خاص بين البطاريتين وهذا المنضم موجود وسعرة 290 ريال ولكن لبد ان يكون موجود لتنضيم بين البطارية الاساسية والاضافية ويعطي الاساسية الاولوية في الشحن وبدون المنضم لا تستفيد من البطارة الاضافية انا مركبة وله فترة وماشي تمام معي لا يسمح بالاستهلك من البطارية الاساسية الابعد شحنها كامله وتقدر تشبك علية اي شي بدون مايخذ من البطارية الاساسية والسيارة واقفة وبعد التشغيل يقوم المنضم بالمرحلة الي قلة قبل وانشالله اصور الطريقة كاملة واضعها هنا في المنتدا