ايش رايكم في الجيب شيروكيموديل99-2001

[حروف وحتوف]

السلام عليكم ورحمة الله وبركاته

يا جماعة الخير اريد نصيحتكم بخصوص شراء سيارة للأودية والرمول والجبال ويكون سعرها مناسب وقطع غيرها متوفره ورخيصة فبعض الاخوان نصحني بالجيب شيروكي موديل 98-2001 وحبيت اخذ رايكم
ايش نصيحتكم لي من خلال خبرتكم
بارك الله فيكم:l

[راعي الشروكي0]

هلا وغلا اخوي
انا معي شروكي موديل 2001 بهباني
بصراحه ماخذه تقريبا من شهر ولكن ماتوفقت فيه واتعبني
من ناحية القطع اشوف انها غاليه شوي وفي اماكن قليله جدا تحصل قطعه
اخذت الفحمات الاماميه الاصليه بـ 180ريال
وبلف الحراره بـ 30ريال
ليان المكيف اللي بالمكين الاثنين بـ 120ريال
وقليل الورش اللي تحصلهم يعرفون ويشتغلون فيه
طبعا اتكلم عن حفر الباطن
والحين
قررت بيعه واشتريلي جيب نسيان جميع الورشه تشتغله وقطعه متوفره في كل مكان حسب نصيحة بعض الاخوان
والخيار راجع لك
وتقبل تحياتي

[يزيد 999]

نصيحتي تبعد عنه انا كنت مثلك ابشر شروكي لكن بعد استشاره الخبراء أفادوني بالتالي:-
1-حرارة سواء بالديره او البر
2- حجم السياره صغير وقريب من الارض= يعلق بسرعه
3- اذا احتمى طفى لازم تحتريه لحد ما يبرد
4- الدبل ضعيف واذا كنت بنفود وشغلت الثقيل يحفر ويقعد بمكانه
5- عدم توافر جميع قطع الغيار وان وجدت تكون غالية
6- قلة الورش الفاهمة بهذا النوع
هونت عن شراءه واشتريت باترول 97 وسيارتي الحاليه فوردf150

[حروف وحتوف]

كثير من الاخوان نصحوني بـــه لانه قوي وما يغرز في الرمول ويستحمل التكسير في الاودية والجبال واخبرت عن مشكلة الحراره بس الربع قالوا زيده مروحه ثانية وما راح يحر

والله احترت ويش اخذ

[.أبوعبدالرحمن]

وعليكم السلام ورحمة الله وبركاته


عليك بالباترول 97 و 96 أو اللاند من 92 إلى 97


هي السيارات اللي يُعتمد عليها في البران والوعر والجلد


وفي الخطوط خصوصا النظيف منه

[وهج الحياة]

شف يا اخوي بحكم تجربتي معه ما انصحك فيه

الشروكي له اهله يعني اذا انت تعرف تصلحه اشتره ما تعرف خله
انت تبغى سيارة تكد معك ما تبغى سيارة قليل من الورش يعرفون لها
الشيروكي مثل ما قالو الاخوان قطع غالية ولا تلقاها في كل مكان وفيه مشكلة الحرارة اذا غرزت وهو قوي صراحة بس يخونك وهذي مشكلته
انصحك بالنيسان احسن وخصوصا الربع عشان تقارب الكفرات وسهولة صيانته

[حروف وحتوف]

شكرا على النصائح الطيبه