دلوني على محل ممتاز .. ودي اركب نظام ملاحة وكاميرا خلفية ..تاهو2007

[No.1]

السلام عليكم

عندي تاهو 2007 ، وودي اركب عليه شاشة ملاحة ، وايضا كاميرا خلفية
واذا الله يسر شاشتين في تكايات الراس ..

ياليت تدلوني على محل شغله مضبوط ، ولكم مني الدعاء ..

ملحوظة

سمعت ان بعض الخصائص اللي في ازرار الدركسون تروح
مثل كتم الصوت ، وكذلك يختفي صوت التنبيه ( تبع الحزام والباب المفتوح .. الخ )
فياليت اذا فيه محل يضبط الامور بدون السلبيات هذي ..

اخوكم
ابو نواف

[سوبرمان]

أخي الكريمNo.1

السلام عليكم ورحمة الله وبركاته

نصيحه لوجه الله لاتحاول العبث بكهرباء السيارة ، فسوف تدخل في مشاكل أنت في غنى عنها ،لأن السيارة فيها كمبيوتر وحساس ضد أي شيء خارجي ، وأما من ناحية شاشة الملاحة فعليك بالنوفي ( جارمن ) الخارجي فهو ممتاز جداً .


ولك حبي وتقديري .

[حرنا بك]

اخوي ارجو الاطلاع على الرابط التالي.. وانا الان الشاشة راكبة في سيارتي والتحكم من الدركسون وكل التنبيهات شغالة ولا فيه اي مشاكل ولله الحمد..

تركب بدون ترهيم ولا تقطيع اسلاك


http://www.mekshat.com/vb/showthread.php?t=502234

[كاشت وحداني]

ما ازيد على كلام اخوي سوبرمان
واذا ولابد شف وكالة العيسائي خابر اسعارهم معقوله في الكاميرا والشاشه
لاني اكتشفت شي بين الكهربائين برا وشغل الوكاله
الوكاله يسحبون لك الاسلاك من كمبيوتر السياره
بينما برا
يجرح السلك ويشبك لك منه ويحوس


Sent from my iPhone using Tapatalk

[SAS2]

يالغالي فيه محلات متخصصه بالغرابي مثل محل دبي وغيره والشاشات كل شي له سعرة بس اهم شي يكون راكب مع الديكور

وما فيه مشاكل ان شاء الله انا مركبها من 3 سنوات على جكسار وممتاز

[عبدالرحمن الحربي]

نصيحة لوجه الله اقولها لك ولغيرك

انا مثلك عندي يوكن لكن لما شريت اليوكن من الوكالة كنت ناوي اركب الشاشة عندهم ثم لما سألت الوكالة

هل هي مضمونة قالي حق المبيعات شاب سعودي

قالي إحنا نأخذ منك ٣٠٠٠ ريال ونركب لك شاشة صينية من شاشات السوق ماهي أصلية تحسب إنها
منتجها شركة جي إم سي

قلت أجل أشتري لي جارمن أطلق نوع مونتانا ما يوصل ٣٠٠٠ ريال ولا أعبث بسيارتي
ولا أشيل الأصلي وأركب تجاري

وبعد التجربة وجدت أن جهاز الملاحة المستقل أفضل من الثابت في وسط الطبلون

والسبب إنك في السفر تقدر تحط الجهاز المستقل في أي مكان امام نظرك وانت تسوق

افضل من مكان المسجل اللي بعيد عن نظرك جرب وأنت تسوق تحاول تركز مع خطك ومع شاشة المسجل

الشي الثاني إن الماجلان المستقل تقدر تنزل عليه خرايط وينفعك في البر عكس اجهزة الملاحة الثابتة

كلها فقط خرايط طرق داخل المدينة

ثالث شي الماجلان المستقل لو بعت السيارة يبقى معك ولو سافرت بالطيارة تقدر تأخذه معك بحيث لو إستأجرت سيارة في اي مكان في العالم يرشدك

اما الثابت ان بعت السيارة بعته معها ولو سافرت بغير سيارتك ما إستفدت شيء

هذا رد سريع

[No.1]

أخي الكريمNo.1

السلام عليكم ورحمة الله وبركاته

نصيحه لوجه الله لاتحاول العبث بكهرباء السيارة ، فسوف تدخل في مشاكل أنت في غنى عنها ،لأن السيارة فيها كمبيوتر وحساس ضد أي شيء خارجي ، وأما من ناحية شاشة الملاحة فعليك بالنوفي ( جارمن ) الخارجي فهو ممتاز جداً .


ولك حبي وتقديري .


جزاك الله خير اخوي
سمعت عن شاشات تشابه بالضبط شاشة السيارة الاصلية ، ومتوافقة مع الديكور
ولا تقص شي ، فيش يركب باخوه وخلصنا ..
وتفيدني ايضا عند استخدام الكاميرا الخلفية للسيارة ..
خوفي من ضياع بعض المميزات الموجودة بازرار الدركسون ، وصوت التنبيهات
كما سمعت ايضا ..

في هذا الفيديو طريقة تركيب شاشة ملاحة ، والاصلية نفس الموجودة بسيارتي


http://www.youtube.com/watch?v=sl2xAtGdqG8

اما بالنسبة لجهاز ملاحة خارجي فلدي تحفظ عليه ، فكم تكسرت قزاز سيارة وطار
جهاز القارمن الخارجي ..


اشكر لك اهتمامك ومشاركتك ..

[No.1]

اخوي ارجو الاطلاع على الرابط التالي.. وانا الان الشاشة راكبة في سيارتي والتحكم من الدركسون وكل التنبيهات شغالة ولا فيه اي مشاكل ولله الحمد..

تركب بدون ترهيم ولا تقطيع اسلاك


http://www.mekshat.com/vb/showthread.php?t=502234

شكرا لك اخوي ، لكن الشاشة لا تشبه شاشة السيارة الأصلية ( شد البلد )

وفقك الله ..

[Chevy VP]

انا والله مثلك ابي لي وحده للجمس

وتعبت كل الي في السوق صيني ما اعجبني

بس حصلت وحده صناعه كورية اخت حقت الوكاله

اول ما تدخل الغرابي تحصله على اليمين اسم المحل افالون

بس الكمره ما اعجتبني ما عليها ضمان بس الشاشه :good2:

وسعرها 2200 بدون مكاسر اما الصيني 1300

تحياتي

[aziz2727]

بقولك عن تجربتي
انا مركب شاشه على لاندكروزر 2011
بخصوص عدم العبث في الاسلاك وما شابهه ،، الشاشات الجديده تركب على نفس الاسلاك وما فيه تقطيع وتلصيق مثل اول ..
بنسبه للتحكم من الدركسون الشاشه الي عندي يكون من ضمن الاعدادات خيارات متعدده لانواع كثيره من السيارات بمعنى ( برمجه تلاقائيه ) يعرفها الي يركب الشاشه .
عندك محل الحوشان انا مركب عنده الشاشه وشغلهم زين وفاهمين .
والله يوفق

[فرحان 01]

توكل على اللة التركيب اليوم غير كلابسة الرادو القديم يشيلها ويحط الكلبسة الجديدة للشاشة وكلها سلامات وموفق

[jamli]

نصيحة لوجه الله اقولها لك ولغيرك

انا مثلك عندي يوكن لكن لما شريت اليوكن من الوكالة كنت ناوي اركب الشاشة عندهم ثم لما سألت الوكالة

هل هي مضمونة قالي حق المبيعات شاب سعودي

قالي إحنا نأخذ منك ٣٠٠٠ ريال ونركب لك شاشة صينية من شاشات السوق ماهي أصلية تحسب إنها
منتجها شركة جي إم سي

قلت أجل أشتري لي جارمن أطلق نوع مونتانا ما يوصل ٣٠٠٠ ريال ولا أعبث بسيارتي
ولا أشيل الأصلي وأركب تجاري

وبعد التجربة وجدت أن جهاز الملاحة المستقل أفضل من الثابت في وسط الطبلون

والسبب إنك في السفر تقدر تحط الجهاز المستقل في أي مكان امام نظرك وانت تسوق

افضل من مكان المسجل اللي بعيد عن نظرك جرب وأنت تسوق تحاول تركز مع خطك ومع شاشة المسجل

الشي الثاني إن الماجلان المستقل تقدر تنزل عليه خرايط وينفعك في البر عكس اجهزة الملاحة الثابتة

كلها فقط خرايط طرق داخل المدينة

ثالث شي الماجلان المستقل لو بعت السيارة يبقى معك ولو سافرت بالطيارة تقدر تأخذه معك بحيث لو إستأجرت سيارة في اي مكان في العالم يرشدك

اما الثابت ان بعت السيارة بعته معها ولو سافرت بغير سيارتك ما إستفدت شيء

هذا رد سريع

كلام صحيح واقعي انا اوفق عليه

نوي اشتري جهاز واقدر اعمل له تحديث واحمله معي وغيرها من مميزات ...

تحياتي لك