اللي له طير ضايع قرب الهافمون يدخل [الأرشيف]

سعيد القحطاني

30/04/2012, 08:32 AM

اخواني اسعد الله صباحكم بالخير اللي له طير ضايع قرب الهافمون منذ فتره يدخل ويعطينا له صوره ومواصفات له
بالتحديد فيه صفه تميزه على كلام اللي عنده الطيرر

لاني ممغوص من اللي الطير عنده ماهو براعي طير والشكوى لله
انا مجرد وسيط لكي نرد الحلال لاهله
والله يعقل على الكل بحلاله
في انتظاركم !!!
اخوكم سعيد القحطاني

سلطان راشد

30/04/2012, 08:39 AM

الله يجزاك خير ويثيبك ويكتب لك الاجر

و الله يعقل الطير على صاحبة

بس ليتك تحط وسيلة اتصال عشان تسهل على اللي بيستفسر الله يسهل عليك

ابوماجد6641

30/04/2012, 08:56 AM

السلام عليكم أخوي أنا ضاع لي طير في الهفمون حر مثلوث أرقط منطح الطير أبيض فيه سبوق تقريبن أخضر وأبيض فيه ريشه رقم سبعه تشوف اثر القطاب في عينه وفي دقه في زور ه في ألعضم. والصوره ونا أخوك تحكم شف فيه موضوع مكتوب بسمي حر مثلوث أرقط فيه الصور ’ والله لا يهينك 0548947876

م العجمي

30/04/2012, 09:03 AM

ابوماجد6641

30/04/2012, 09:17 AM

الله يبيض وجهك يا ألعجمي ’ هذا والله من طيبك

سعيد القحطاني

30/04/2012, 11:01 AM

ابوماجد عنده العلم الاكيد وان شاء الله لاوصلته الصوره من الرجال يكون هو بس اهم شي العزيمه يابوماجد

والله يعقل عليك بطيرك ويكون هو .......
اشكركم كلكم على الرد ومازال البحث جاري من بعد مايرد لنا ابو ماجد ويفرحنا معه

ابوماجد6641

30/04/2012, 11:24 AM

أخوي سعيد انت علمك غانم وما قصرت الله يبيض وجهك والعزيمه والله تستإهلها واتشرف في مجيك. حتى لو ما طلع هو ’

سعيد القحطاني

30/04/2012, 11:31 AM

امزح معك فديت راسك يالنشمي
باذن الله انه هو
قولو يالربع معي الله يرد ضالة ابوماجد عليه ويعقل بها
يارب ياكريم اجبر قلبه بعقلانها عليه

راعي مذعوره

30/04/2012, 12:23 PM

الاخ سعيد القحطاني أنا مضيع شيهانه بحريه اذا كان الطيره شيهانه كلمني وانا أعطيك مواصفاتها أخوك عبدالله الهاجري ٠٥٤٣٩١٨٣٩٢

ابن حويد111

30/04/2012, 01:04 PM

جزاك الله خير وكثر الله من امثالك

انا مضيع قريب من الموقع جير

فيه علامات واضحه اذا هو جير
ارجو الاتصال
واعطيك الاوصاف دقيقه وابشر بالطراحه يالنشمي
0558404495

majeed 11

30/04/2012, 04:22 PM

الله يرد كل ضاله لراعيها

مربي الصقور

30/04/2012, 05:04 PM

كثر الله من امثالك ياالقحطاني وان شاء الله بتلقى راعي الطير

الطبشي

30/04/2012, 06:02 PM

السلام عليكم
مسيك الله با الخير
انا ضايع علي فرخ شاهين وافي
واذا هو هذا رقمي عشان اعطيك الوصف مضبوط 0562330096
ابو محمد

عـــــزام

30/04/2012, 07:14 PM

اذ الطير جير حر ادهام
يرجى الاتصال

0533353756

سعيد القحطاني

30/04/2012, 08:05 PM

يالربع الله يمسيكم بالخير
زي ماقلت لكم ان الطير ماهو بعندي الطير ذكر لي عند واحد سماك ماله ولطيور وامتغثت منه ومن طريقة تعامله مع الطير ولازال ابوماجد بيتابع مع الرجال ويرد لنا الخبر الاكيد هو ولا ماهو بهو وش مواصفات اللي شافه ادعو ان الله يلين قلب السماك

يقولون لي اخواياه معاد نزل البحر شاش راسه مع ذالطير هههههههههههههههههه يبغى يصير صقار والصقاره صعبه عليه
ابو ماجد ترانا في حرااااك والله يرد عليك ضاتك يابوماجد وعلى كل مسلم

ابوماجد6641

30/04/2012, 08:35 PM

علمك غانم يا القحطاني ’ أما الرجال لا أرسل صور ولا عاد يرد. على تليفونه ’ والضاهر انك يا القحطاني حديته على أقصاه’ الرجال لو بيرد الطير كان رده من زمان ’ الطير له شهرين عنده ويقول أنه مريض وعلى قول أخوي سعيد أنه حاطه في قفص حمام ’ حسبي الله ونعم الوكيل’ لكن ان رد على بعطيكم الخبر حتى لو ماهو طيري

الشلاعي

30/04/2012, 09:11 PM

لاحول ولاقوة الا بالله ..... هذي الاشكال اللي ماود الواحد الله يطش طيره بيديهم

ابوماجد6641

30/04/2012, 10:15 PM

أخوي سعيد القحطاني ’ الرجال مأعععععععععاد يرد ونا بعد معهههههادني داق عليه وأرسلت له أربع صور للطير. وجعلها في ذمته سوا هو أو لا ’

محمد ابن سعود

30/04/2012, 11:21 PM

ابو ماجد حلال المسلم مايضيع ابد اذا كان طيرك وعنده ذمه اكيد بيرده ومالك الا الدعاء ولا دق على والله ان نوصله لو في المريخ ....

فهد بن مشبب العاصمي

01/05/2012, 12:44 AM

أبو ماجد راجع الخاص والله يعقله ان شاء الله

راعي اطيور

01/05/2012, 01:21 AM

السلام عليكم
ياخوك انا غادي مني جير شاهين ماهوب وافي فرخ
الله يعقل الطير لراعيه ويرفع ميزان حسناتك

راعي فتان

01/05/2012, 01:59 AM

السلام عليكم و رحمة الله و بركاته
أنا مضيع لي طيرين

الأول حر مغتر بين الاحمر والأشقر واقرب ماله الاشقر
فيه دق خفيف في اسفل الظهر
وفيه ماريه اللافح طايح منه الاظفر
والطير فيه تل خفيييف في منخره والجهه الثانيه فيه تل على راس المنخر والطير سبوقه سود وفيه حجلين واحد اصفر والثاني ذهبي كلها بأرقام واحد بأسم والثاني برقم فقط

والطير الثاني وكريه بيضاااااء منطلقه من البيت بجريرها ما فيها من المواري إلا الرابعه منكسر راسها من الجناح الايسر أو الايمن والله اني ناسي

والطيور ادفع عليها البشاير كلها
و عسى الله يعقل علينا وعلى كل مسلم

وللتواصل هذا رقمي
0500300822 أبو بدر

روووح

01/05/2012, 02:46 AM

ان كانت جيره سوداء
فيها جدره
ترى معتقينها قبل ايام لوجه الله

ابوماجد6641

01/05/2012, 08:06 AM

صبحكم الله بالخير جميع ’ أرسلى الرجال الصوره إليوم الصباح طلع ماهو طيري الصوره صورة وكري امحقور فرخ أسود ما يجي مقاسه حتى’ اثنعش’ ولا يسوا حتى خمس مئة ريال ’ الله يجزاك خير أخوي سعيد القحطاني ’ والأخوان الى حطو ردود انهم مضيعين طيورهم ’ الله يعقل لى ولكم ’ والله يجزاكم خير

صقارعزاااام

01/05/2012, 12:44 PM

عسى الى مثلك يكثرون ولا ينقطعون تحياتى يالامير

راعي مذعوره

01/05/2012, 10:44 PM

تسلم يابو ماجد ويكثر من أمثالكم والله يعقل علي كل مضيع ضيعته تقبل مروري

ط مباركي

02/05/2012, 03:23 AM

الله يرد ضالة ابوماجد عليه ويعقل بها
يارب ياكريم اجبر قلبه بعقلانها عليه

سعيد القحطاني

03/05/2012, 11:26 PM

المعذره على الانقطاع ورد ابوماجد وكفى ووفى
ودعناكم الله

عواد الشمري2

04/05/2012, 10:51 AM

الله يجزاك خير ويعقل كل طير على راعيه

طيب دامه مايعرف يطيور ليش مخلي الطير عنده وبعد حاطه بشبك حمام لحول
يروح للشيخ الصقاقير ويعطيه الطير اذا مايعرف له
ولا يسوي به هلون

وريث الشعر

04/12/2014, 12:35 AM

اذا هو حر مثلوث احمر فرخ وجريره بني بابيض انطلق مني اول الموسم ولخويي بعد راحله وكري فرخ بجرير ابيض اذا هو هذا رقمي ( ٠٥٠٠٩٢٢٣٣٩)وياليت تعطيني رقم جوالك ارسلك الصور للطيرين كلها

Hamad18

04/12/2014, 08:07 AM

اذا هو حر مثلوث احمر فرخ وجريره بني بابيض انطلق مني اول الموسم ولخويي بعد راحله وكري فرخ بجرير ابيض اذا هو هذا رقمي ( 0500922339)وياليت تعطيني رقم جوالك ارسلك الصور للطيرين كلها

اْخوي وريث الشعر هذي السالفه قديمه دقق على التاريخ بارك الله فيك