ابي رايكم في دينمو كهرب للشفر تاهو 2003

[asd20009]

السلام عليكم قبل كم يوم تعطل علي دينمو كهرب الموتر تاهو 2003 امريكي
وقلت ابغيره بس ابي رخيص وكويس لانه حق الوكاله غالي مرررررررررره بالنسبه لي ..

حصلت لي استرالي ب300 ريال ضمان ست شهور

فما ادري رايكم هل احد جربه ويمدحه مايلعب بالظفيره لاسمح اللله ...؟
هل فيه اسعار مناسبة لدينموات ثانيه افضل وجوده اداء ...؟


انتظر ردكم يالغالين ....

[كاشت وحداني]

من واقع التجربه ياعزيزي الاصلي مامثله
التجاري ابو ٣٠٠ وحتى الامريكي اللي يسمونه مجدد
يعطي كهرباء اقل مما تحتاج السياره ويسبب مشاكل اخرى
انا اذكر سعر الاصلي مبطي ٩٧٠ ريال
مدري انت لقيته بهالسعر ولا اكثر
الله يسهل امرك


Sent from my iPhone using Tapatalk

[كبسولة2]

الأصلي أفضل من الأمريكي

وإذا تبي أرخص خذ تشليح تلقى شئ نظيييييييف ورخيص

[Magellan]

ان شاء الله مافي شيء يلعب بالظفيرة لو اخذت غير حق وكالته
واتوقع ان من وكالته يجي الماني نوع بوش وهو في غالبية السيارات
اذا تبي شوري من الافضل تاخذ دينمو اعلى تيار يعني ما ادري عن الوكالة
الظاهر 105 امبير فلو اخذت 145 افضل
لكن ماني متأكد كم امبير يجي من وكالته
الوكاد كل مازادت الامبيرات افضل من ناحية صفاوة الموتر والعزم وفتح وتسكير الدرايش
والله اعلم

[asd20009]

ماقصرتو واخذت امريكي ب400ريال
لكن يوم ركبته بالموتر مافي اي كهرب
ولماا اجي بشررك الموتر يعطي شراره قويه للموتر الاخر الي اخذ منه الااشتراك ويحتمي السللك بسرعه ولافيه اي كهرب يوصل الموتر وش تتوقعون الخلل ..؟؟

[asd20009]

مع احترامي للمنتدى واصحابه ... ويسلمون الي دخلو واجتهدو معاي ...

جيت بقولكم المشكله لكي يستفيد غيري منها لاسمح الله ...

حصلنا مسمار طايح في السلف ومسبب كل هالالتماسات وفك الله الكومبيتر حق المكينه والدينمو الجديد لايخرب..


اتمنى اجد منتداكم يطمح اكثر للحلول الي زي كذا وشكرا للجميع

[abo naser 1]

مع احترامي للمنتدى واصحابه ... ويسلمون الي دخلو واجتهدو معاي ...

جيت بقولكم المشكله لكي يستفيد غيري منها لاسمح الله ...

حصلنا مسمار طايح في السلف ومسبب كل هالالتماسات وفك الله الكومبيتر حق المكينه والدينمو الجديد لايخرب..


اتمنى اجد منتداكم يطمح اكثر للحلول الي زي كذا وشكرا للجميع


السلام عليكم

تدري وش المشكلة بالمنتدى فيه أعضاء الله يهديهم مايفرق بين المفك والزرادية تلقاه شغال فتاوي بدل مايحل المشكلة يعقدها زياده ويشعب الموضوع
والشي الثاني في أعضاء يستفسر عن عطل معين ماينتظر الردود يوم يومين اسبوع او يحدث الموضع ليطلع الأعضاء الي عندهم خبرة او مر بنفس المشكلة لكي يفيدة يحسب الناس تنتظره متى يطرح تسأوله لكي يفيدونه وكذلك ما يوضح الموضع بالكامل وش فك وش غير ولا نفع معه حتى بعض الأحيان ما يذكر نوع السيارة

وانا انصح اخوانا الأعضاء انه مايكون لعبه بين ها الأجانب سواء في صناعية محل قطع غيار تشليح الي قبل كم سنة كان سعوديين الأن سيطرة عليه المافيا البلد كله أجانب اصبحو هم السادة وحنا الأجانب وخذلك غش وخداع قبل امس جاي من اليمن على حمار اليوم يوضب موتر موديل 2008 هذا الصوت والله من العامود تحتاق توضيب وحنا الضعوف الشكوى لله طيب وش تبي قطع

البلدية الشرطة الجوازات وزارة التجارة الغرف التجارية حماية المستهلك مكتب العمل كلهم شركاء في الجريمة

[asd20009]

يارجال عساك سالم بس .. كله كلاب لابستن ثياب ..حاميها حراميها مانقول الا ياللله السلام وبك الامان...

لا بس قهروني بعض الفاهمين مسوي نفسه : اطرح مشكلتك وحنا نظبطك ومااذكر حطيت لي مشكله وحلوها كلها اجتهادات ناس مثلي وشرواك ...

[كاشت وحداني]

مع احترامي للمنتدى واصحابه ... ويسلمون الي دخلو واجتهدو معاي ...

جيت بقولكم المشكله لكي يستفيد غيري منها لاسمح الله ...

حصلنا مسمار طايح في السلف ومسبب كل هالالتماسات وفك الله الكومبيتر حق المكينه والدينمو الجديد لايخرب..


اتمنى اجد منتداكم يطمح اكثر للحلول الي زي كذا وشكرا للجميع


الحمدلله انها انحلت مشكلتك
بس تراك ماطرحت المشكله
كانت مشاركتك استفسار عن الدينمو فقط
موفق خير


Sent from my iPhone using Tapatalk

[escape_man]

مع احترامي للمنتدى واصحابه ... ويسلمون الي دخلو واجتهدو معاي ...

جيت بقولكم المشكله لكي يستفيد غيري منها لاسمح الله ...

حصلنا مسمار طايح في السلف ومسبب كل هالالتماسات وفك الله الكومبيتر حق المكينه والدينمو الجديد لايخرب..


اتمنى اجد منتداكم يطمح اكثر للحلول الي زي كذا وشكرا للجميع

لو بحثت بالمنتدى لقيت سيناريوها متعددة لاكتشاف عطل سيارتك .. اضف لذلك لو انك شمرت عن ساعديك وتتبعت العطل من البطارية للدينمو كان ميزت المشكلة هي من البطارية - الدينمو - التماس !!

[asd20009]

جزاكم الله خير وانا ماجيتكم اطرح المشكله الا اني شمرت ساعديني كلهن وجلست ابحث يوم لقيته جيت استفسر ..

والي متابع الموضوع يعرف وش مريت فيه جزاكم الله خير ....