هل الوكيل في السعودية يستخف بعقولنا ؟؟!!

[abadi1]

السلام عليكم

أمس يا أخوان مريت محل يبيع قطع غيار أصليه وهو زميل لي

كيفك يا ....

تمام الحمدلله

ممكن تشوف لي طقم الوجيه بكم ..

أبشر على عيني

كم موديل السيارة ؟

باجيرو موديل السيارة 2006

أوفففف عارف بكم ... بـ 1500

الله المستعان

طيب شوف نص الطقم بكم

تصدق يا عبادي الوكيل يستخف فيكم عارف بكم .. بـ 1700 ريال

ترسمت في وجهي علامات تعجب كثيرة ولفت فوق راسي علامات الأستفهام

الحين يا .... تقلي الطقم 1500 و النص ب 1700

فهمني كيف تجي !!!!!!!!!!!!!!!!!

جا يرد .. والله مدري ..

يمكن يا ... في غلط في إدخال البيانات

لا لا مافي أي خطأ

طيب وش يجي في الطقم .. ؟؟

يجي فيه جلد بلوف ووجيه صدر ووجيه ثلاجة وكمان صوف مكينه

يا فلان طيب هذه الأشياء كلها عندي بس ما أبي الا وجيه الصدر ..

قلي ما تجي إلا كامل ..

قلتله جزاك الله خير

تبي خدمه شي

قلتله الله معاك وتسلم


قد كذا الوكيل يستخف فينا ؟؟!!

[مجنون نحم]

بدون ما اقرأ الموضوع , الاجابة نعم وليس الوكلاء فقط

[قاتل الذيب]

هذا الواقع والشكوا لله

[شل سوبر]

من أمن العقوبة أساء الأدب . .

الوكيل لا يستخف بعقولكم .. بل وجد خفاف العقول يشترون منه وكأنهم ينحتون الذهب من عرض الجبل ..!

[البعير المغوار]

من أمن العقوبة أساء الأدب . .

الوكيل لا يستخف بعقولكم .. بل وجد خفاف العقول يشترون منه وكأنهم ينحتون الذهب من عرض الجبل ..!

إيه هذا الكلام السنع،

ولاحد يجي يقول "طيب وش نسوي"، قاطعوهم إلين مايتأدبون،

بعدين منب ميتين لو ماشرينا سيارة، الأولين عاشوا من دون سيارات وماصار لهم شي.

[abadi1]

يا أخوان ..

خلينا نكون واقعيين .. الأن أغلب الوكلاء يرفعون الأسعار لشيئ لا يسوى

بس اللي مستغربه اللي يقول لا تركبوا سيارات ..

أخي الكريم

مشاغل الحياة وما ألت إليه أمورنا هي التي تحكم أن نفعل ذلك .. فما أدري هل نركب جمل مثلا أو خيل .؟؟

ويا شل سوبر .. صدقني قاطعت الوكيل وشريت كل القطع من الصين

والله يا أخوان قيمه القطع اللي أبيها من هنا 8000 الف سعودي

وجبتها من الصين 1200 ريال

شوفو الفرق

حسبي الله ونعم الوكيل

[Cyber]

هل الوكيل في السعودية يستخف بعقولنا ؟؟!!

الجواب : نعم والأسباب كثيرة

[ماجد الحايلي]

هل الوكيل في السعودية يستخف بعقولنا ؟؟

الجواب : نعم وبكل قوة وإستهتار
لايوجد من يمنعه او يراقبه
فماذا لايستهتر بك ويستغبيك
مع احترامي للجميع

لكن حنا نستاهل تاركينهم على كيفهم
لو قاطعناهم ربيناهم
بس حنا نقدر على الكلام ولا نقدر على الفعل

[ابوعبدالله46]

تعم اخوي يستخف بعقلونا جايز لك والله امسك الباب
والسبب وزارة التجاره
وحنا نايمين لا شكاوي للمصانع ولاشي
وممنوع تجيب شمعه جديده من الخليج لانها بنص السعر
او تجيب قطعه بلاستيك من تشليح الخليج لديكور سياره
والله ثم والله احد زملائي بالعمل لديه بليزر موديل 2009 مشتريه جديد ب 80 الف يحتاج دفرنس وقزازه خلفيه
تتوقعون بكم ؟؟؟؟واللي مو مصدق يروح للجميح ونا مسئول عن كلامي
سعر الدفرنس 25000 الاف ريال
وسعر الزجاج الخلفي 6800 الاف ريال

[You Like Me]

الله المستعان

[يكفيني نظرة]

ههههههه طبيعي لقى شعب كل ماطق عود بمسمار راح للوكاله تبيه يعني يخليك ؟؟
انا من ناحيتي اشتري تجاري واغيره كل فتره بس مايلعب علي بهالقيمه ..

[Magellan]

تعم اخوي يستخف بعقلونا جايز لك والله امسك الباب
والسبب وزارة التجاره
وحنا نايمين لا شكاوي للمصانع ولاشي
وممنوع تجيب شمعه جديده من الخليج لانها بنص السعر
او تجيب قطعه بلاستيك من تشليح الخليج لديكور سياره
والله ثم والله احد زملائي بالعمل لديه بليزر موديل 2009 مشتريه جديد ب 80 الف يحتاج دفرنس وقزازه خلفيه
تتوقعون بكم ؟؟؟؟واللي مو مصدق يروح للجميح ونا مسئول عن كلامي
سعر الدفرنس 25000 الاف ريال
وسعر الزجاج الخلفي 6800 الاف ريال

صادق اخوي الوكيل غالي قطعه
لكن محلات قطع الغيار والتشليح تؤدي المهمة
للمعلومية في الأردن سعر المكينة كاملة نظيفة جدا للتريل بليزر لاتتجاوز 2500 ريال

[.أبوعبدالرحمن]

صادق اخوي الوكيل غالي قطعه




لكن محلات قطع الغيار والتشليح تؤدي المهمة

للمعلومية في الأردن سعر المكينة كاملة نظيفة جدا للتريل بليزر لاتتجاوز 2500 ريال






للأسف حتى المحلات الأخرى والتشليح استغلوا غلاء الوكالات ورفعوا الاسعار



يعني صدام خلفي كامل للهايلكس موديل 2010 في الوكالة تقريبا بـ 1200 ريال تلقاه في التشليح


بـ 1000 ريال وفيه طعجة بعد ، وتقوله الوكالة بـ 1200 ريال يقولك وبكل قوة وجه رح للوكالة


واشتر منها ( يعني أنت نصاب ) ، نسافة هايلكس موديل 2000 خلفية بـ 70 ريال في الوكالة


تروح للتشليح تلقاها جايها ديزل وخطوط يعني النسافة تركبها تلقاها متعلقه على ورا


بـ 85 ريال تقوله الوكالة بـ 70 ريال يقول لك رح اشترها من الوكالة !!!



والعتب ما هوب على الوكيل ولا هوب على التشليح ولا غيره من المحلات لأنهم ضعاف نفوس


إلا من رحم ربي



العتب وكل العتب على وزارة التجارة العتب وكل العتب على حماية المستهلك ، وبعدين ليش


ينتظرون المواطن المسكين لين يجيهم يشتكي ؟ ، ليش ما يسوون جولات ميدانية ؟ ، وليش ما يسوون جولات


مفاجئه للمحلات والوكالاء وغيرهم ؟


الدولة اللهم لك الحمد ما قصرت بصرف رواتب لهم ومكافئات وإذا تأخرت في صرف الرواتب الدولة يوم إلا يومين لقيتهم


في سبق وإلا الوئام يتشكون ، طيب وين الأمانة والذمة والضمير حقك لازم تاخذه بأسرع وجه


وحق المواطن بالطقاق



ما نقول إلا اللهم أرزقهم بمن يصحي ضمائرهم

[خبايا انسان]

قالوا من امن العقوبه اساء الادب ,,


وشفناهم اساءو الادب ولا اخذوا العقوبه


وقالوا قاطعوهم ,,


ولا شفنا احد قاطعهم والمعارض مليانه والزباين تدفع ولا همها

[hdm]

حنا ملعوب علينا والمسؤولين عن هالمواضيع بوزارة التجارة وغيره ما تهمهم هالشغالات لأنهم شبعانين ولايدرون المصلحة العامة همهم السرق وبس فطبيعي تصير الامور كذا

[Ababidoo]

وهل تعتقد أن الوكيل يدري عن شيء...
هو له هدف مبيعات سنوي والباقي على شلة حسب الله اللذين يتصرفون على هواهم ....
أشتري من النت او من أحدى الدول المجاورة....ولو اقدر اغير الزيت خارج السعودية لفعلت...

نسيت أن اذكر أن أحدى اصدقاء أبني حصل له حادث بدراجة نارية وكانت أسعار قطع الغيار بأحدى عشر الف من الوكالة هنا ، ووجدها من نفس الوكالة في دبي بأربعة الاف ريال....

وياقلب أحزن .....

[abadi1]

وهل تعتقد أن الوكيل يدري عن شيء...
هو له هدف مبيعات سنوي والباقي على شلة حسب الله اللذين يتصرفون على هواهم ....
أشتري من النت او من أحدى الدول المجاورة....ولو اقدر اغير الزيت خارج السعودية لفعلت...

نسيت أن اذكر أن أحدى اصدقاء أبني حصل له حادث بدراجة نارية وكانت أسعار قطع الغيار بأحدى عشر الف من الوكالة هنا ، ووجدها من نفس الوكالة في دبي بأربعة الاف ريال....

وياقلب أحزن .....



أزيدك من الشعر بيت

أنا كنت في الصين وأخذت أرقام القطع وأسعارها قبل أسافر

وكانت أكثر من 8000 ريال

وأشتريتها من هناك والله العظيم 1200 ريال

فرق 6800

والله على ما أقول شهيد

ولما جبت القطع من الصين ووريتها زملائي اللي يشتغلوا في قطع الغيار قالو نفس حق الوكالة ونفس الكراتين

مثلا المقص هنا يبله جلب يقلك مافي لازم مقص كامل وقيمته 700 ريال

رحت الصين وجبت جلب وما كلفتني 50 ريال

شوف النصب بعينه

[YUKON_GMC]

الله يرحمنا برحمته .. الدنيا ولعت حريقه ياعيال بعد ايام تشوف الموتر يبنشر على جنب الخط ولانقدر نشتري له كفر .. لأنه بكل بساطه يبي يصير الكفر ب 5 الاف

بعد ايام بتشوفونا نمشي على رجولنا لأن الهونداي الاكسنت صارت ب 500 ألف والدباب ثلاث كفرات ب 100 ألف

الغلا فاحش وكل يوم بزووود الله يزينها لعيالنا عزالله اكلوها .. الوظايف لازم بكالريوس وماجستير والراتب 2000 ريال والخبر على وقتهم يبي يصير ب 10

يعني يحلمون يشترون سياره وخبر او حتى يستأجر شقة بالدور العاشر

[abo naser 1]

قد كذا الوكيل يستخف فينا ؟؟!!

[B]في الأساس ماحسب لك حساب ولا انت أكبر همهم لاحسيب ولا رقيب والمسئول عنهم هو شريك لهم

ولعلمكم جميع وكلاء المملكة سواء بسيارات او غيرة تتراوح ارباحهم ما بين 300% الى 1200% وطالع هذا بأسعار قطع الغيار هذا من واقع خبرة في مجال القطع وادخل المواقع الأجنبية لتعرف الحقيقة...

[Magellan]

صادق ابوعبالرحمن الصفيان
سبب الإرتفاع للتشليح هو القرارات غير الموفقة ضد المواطن
1- منع استيراد السيارات التي تزيد عمرها عن 5 سنوات
2- منع استيراد قطع الغيار المستعملة الا وفق ضوابط منها وضع لوحه عليها مجدده
وكأني بالمسموح هو ماينطبق عليه بيضة الديتس:D او لبن العصفور
بالإضافة هناك قرارات قادمة ستفجعكم بشان تقنين ومنع الاستيراد من المنافذ ويقصدون بذلك دبي الابشروط قاسية جدا تحت طائلة منع الغش التجاري
ويامالك انا تعرضت لموقف من الجمارك استدعى احضار رقم سجل تجاري وفحص مختبرات وتعهد بشأن احضار كم علبة عطر معي ، لكن البعض يمرّر الجمل بما حمل والكل يضرب له سلام

[تميم2222]

الوكيل مالقى ناس توقفه عند حده ومقصدي معروف..وزاره الخساره (التجاره) ياخي المفروض موظفينها يخلونهم يبعون برسيم احسن لهم ما فيه اي انتاج ولا مراقبه تبا لهم...بعدين صراحه بعض المواطنين مغفل يدفع وبس .. طيب اسال وتاكد وسو مقارنه بين المحلات وارخص واحد بعد معاينه الجوده طبعا خذ منه كذا تمشي السفينه بسلاااااام

[volcano]

بالإضافة هناك قرارات قادمة ستفجعكم بشان تقنين ومنع الاستيراد من المنافذ ويقصدون بذلك دبي الابشروط قاسية جدا تحت طائلة منع الغش التجاري
ويامالك انا تعرضت لموقف من الجمارك استدعى احضار رقم سجل تجاري وفحص مختبرات وتعهد بشأن احضار كم علبة عطر معي ، لكن البعض يمرّر الجمل بما حمل والكل يضرب له سلام


اذكر قبل سنتين شريت حبوب للتخسيس عرض خاص 6 علب مع شحنها للدمام اقل من 200 ريال ومكوناتها نفس حبوب جي ان سي بس علبتهم الوحدة فوق ال200 ريال شوف الفرق .. المهم وقفوها في مكتب ارامكس في نيو يورك بحجة ان في حظر على هالمنتجات ولازم تجيب فسح من هيئة الغذاء والمرض :mad: الدواء ورحت لهم وبداية رفضو بعدين قالو اكتب خطاب وروح للرياض وكلمت لي واحد وراجعهم في الرياض مع الخطاب وقالوا بيدرسونه والغالب بيرفضونه وطلبت منهم ادخال الحبوب وتحليلها على حسابي ورفضوا وقالوا كان ريحت عمرك واخذتها من جي ان سي .. يعني ادفع 1200 ريال !!:mad: حرام ..

المهم حولت الشحنة على البحرين على حساب خويي (خليجنا واحد ودربنا واحد يعيش يعيش :D) جلست الحبوب في البحرين يومين للفحص ثم ارسلت خويي راعي الحساب وجابها عن طريق الجسر ويادار ما دخلك شر:good2:

شباب اللي عنده احد من اهله مشترك بحافز لازم يدخل الموقع مرة كل اسبوع ولا ينقصون 200 ريال مستمرة لنهاية المكرمة ..

العلاقة بين المسؤول والمواطن سيئة جدا وغالب القرارات تصب ضده