يقبلها الوكيل أو لا؟؟؟

[يزيد 999]

بسم الله الرحمن الرحيم
السلام عليكم أخواني موتري فورد f150 موديل 2004 أمريكي فيه تقطيع وعزمه ضعيف رحت لاكثر من ورشة ماأحد فهمله فقررت أدخله الوكالة أفحصه وأصلحه طبعا أقرب فرع لي يبعد 100كم في بريدة اتصلت على الوكالة خمس مرات على قسم الصيانة محد رد ولا ودي أقطع المسافه هذي بعدين يقولي مانقبله
ياليت أحد يفيدنا؟؟!!

[adkmz]

على حد علمي الوكالة لا تقبل الا السيارات ذات المواصفات السعودية

[mohmad]

بقروشك كل شي تبيه يصير

[PHANTOOM]

من ناحية انه ما يقبلها لانها امريكية لا يقبلها ورجله فوق خشمه
لكن ترى الوكالات تقبل السيارات على حسب الموديل موتري جمس سييرا 2002 رفضوا يقبلوه الجميح بحجة ان الموديل قديم ولا قبلوه الا بواسطات وبلاوي

[كاشت وحداني]

دامك بتدفع لهم يقبلونه


Sent from my iPhone using Tapatalk

[(هزاع)]

الشكوه على الله حتى الوكاله يبيلها واصطه

[HCW]

اللي اعرفه فورد بالدمام يقبلون اي سياره وارد امريكا دامها تنزل السعوديه بنفس المكينة

[m3ax]

توكيلات الجزيره ما تقبل الاستخدام الامريكي

لكن اذا فيه عندكم فرع للحاج حسين على رضا اللي كان ماسك وكالة ميركوري وده لهم وهو بيقبله وقطع غياره وشغله ارخص من التوكيلات بكثير

[ابوسند9]

اخوي يزيد
مر على ورشة الشيبان بخضيراء وهي ورشه متخصصه بالامريكي وورشه جيده والمهندس سعودي

[يزيد 999]

يعطيكم العافية ماقصرتوا وبيض الله وجيهكم وحرمها عن النار والله احترت ناس نعم وناس لا لكن ان حصل ورشه فاهمه بالسياره هذي خصوصا فورد f150 بالقصيم الرجاء ذكرها مع رقم الهاتف
جزاكم الله خير

[asd133]

من أفضل الورش في بريدة في هذا النوع من السيارات :
-القافلة في صناعية السليم ..غرب بريدة / شمال طريق الملك فهد ..
-ورشة الشيبان في خضيراء .

[يزيد 999]

تم التوجه لورشة الشيبان وظبطت ولله الحمد

[moooj]

سيارتي اكسبدشن 2005 امريكي سويت لها صيانة عندهم اكثر من مرة لكن للاسف ما عاد استقبلوها من سنة تقريبا
بالنسبة لمشكلتك غير البواجي كانت عندي نفس المشكلة تفتفة والعزم رايح فيها ولا يتعدى 100 ولمبة المكينة تأشر (بس ما وقفت لها) هههههههه
المهم غيرت البواجي بالبيت وزانت الأمور ولله الحمد

[moooj]

2004 سهل مو مثل ال 2005 و 2006

[يزيد 999]

اخوي الموج انا رحت للورشه وغيرلي كويلين وبوجيين ونظف بخاخين رقم 6و8 ورجع الموتر والعزم زان ولمبة المكينه ماولعت واهم شي التقطيع راح
وترى 2004 و 2005 و2006 نفس بعض بكل شيء مايختلف الا الكشافات الاماميه اما المكينه والقير والدفرنس نفس بعض 100%

[moooj]

اخوي الموج انا رحت للورشه وغيرلي كويلين وبوجيين ونظف بخاخين رقم 6و8 ورجع الموتر والعزم زان ولمبة المكينه ماولعت واهم شي التقطيع راح
وترى 2004 و 2005 و2006 نفس بعض بكل شيء مايختلف الا الكشافات الاماميه اما المكينه والقير والدفرنس نفس بعض 100%


زين الحمدلله
لكن ودي لو غيرت البواجي الثمانية كاملة لا ترجع باقي البواجي تخورها
بخصوص المكاين نفسها لكن 2005 و 2006 فيه تعديل طفيف على راس المكينة صار 3 صمامات بدل 2 وغيرو شكل البوجي (صار اطول)
اما المكاين فهي نفسها الى 2012
طبعا التعديل اضاف حوالي 10 احصنة من 2005 وفوق صارت 310 صافي
وبالتوفيق

[يزيد 999]

زين الحمدلله
لكن ودي لو غيرت البواجي الثمانية كاملة لا ترجع باقي البواجي تخورها
بخصوص المكاين نفسها لكن 2005 و 2006 فيه تعديل طفيف على راس المكينة صار 3 صمامات بدل 2 وغيرو شكل البوجي (صار اطول)
اما المكاين فهي نفسها الى 2012
طبعا التعديل اضاف حوالي 10 احصنة من 2005 وفوق صارت 310 صافي
وبالتوفيق
لا يالذيب المكينه 3 صمامات (v3) والبواجي قارنتها ب 2005 ونفس الطول
بحكم انه معك اكسبيديشن يمكن انت تتكلم عن موترك لاكن موتري ابد اخو2005 و2006