راح وقت الدلع يا الباث

[راعي الشبب511]

السلام عليكم ورحمة الله وبركاته



صباح ومساء الخير على الجميع
رغم نجاح الباث الجيل القديم شكلين وفعلين في المكاشيت ورحلات الصيد
الى ان الجيل الجديد يقال انه دمر ما بناه الجيل القديم
هذا ما يقال
ولاكن الواقع وبحكم التجربه هذا غير صحيح
صحيح ان شكله لا يوحي بالشراسه والقوه كأنه سيارت مدينه وعائله فقط
لاكن انا من قام بتحليل شخصيته :D
اول شي الموتر كعزم زين وللبر ممتاز لاكن يعيبه انه نازل تعلقبي 3 مرات :p
وعلى كثر ما اطلعبه ولله الحمد ما طلع اي صوت الى الباب الي ورا احيانن
والكبوت علشان فيه طقه
وغيره الحمد لله ما شكا من بطناج والى من حفر وعقوم




المطلوب ابي ارفع الموتر واقلبه حق قناصه وكشتات مدامه اثبت جدارته
وش احسن ورشه وش التعديلات برايكم
وهل تأيدوني اعدله والى ابيعه واخذ باترول او غيره
واذا فيه ورش لهلشعلات في جده دلوني عليها
وهذا الموتر




http://up.arab-x.com/Mar12/qsn85732.jpg



ابي شوركم يا اخواني والله مالنا غنا عنكم وكل يدلو بدلوه

[مواسي الطعوس]

** الباث موتر خط اذا هو بلد ....ماينفع للبر ابد .

** الموتر نشيط + اقتصادي رغم صغر التانكي .....+ وسيع + مريح بل مريح جدا + قطع رخيصه لانه امريكي .

*** تقدر تحوله من موتر فاشل في البر الى موتر من افضل مواتر البر وبشي غير مكلف وعملي جدا ولايؤثر على راحته ............وهو:

* تركيب ياي استرالي امامي وخلفي (((لكن لازم تقص الامامي لفه كامله ..علشان ماينتهي المساعد))) وبعدها انس شي اسمه تعلق ...حتى شكله يكون جميل احسن من البلد .

[HAS5SAN]

الباثفندر أنتهى هنا :
http://www.t63ys.com/up/grraf/hafmon/2-6/hafmoon025.jpg

[مواسي الطعوس]

** اللي يقول انتهى الفاندر عند 2005 ....اقول له:


** ماعندك سالفه ابد .

** الجديد اريح واقوى .....ولافيه مشكله لاحراره ولامسامير ....وكلها عن تجربه .

** 2005 مايحتاج رفع لكن لو رفعت 2006 وطالع طلع روعه ....وموتر مابه مشاكل ابد .

[ابونبيل]

مع احترامي للي يقول الباث انتهى في 2005
اقوله الباث انتكس في 2005 وابتدا في 2006

انا مجرب 2005 شهر وصرفته حساسات و ومسامير الثلاجة و وووووو..

ادخل قسم الباثفندر واسمع المشاكل

[البعير المغوار]

إسمه يترجم إلى: مكتشف الدرب،

وش تبي أكثر من كذا؟

[escape_man]

وراها علقت بين عوال العم :)

خذو هالصورة وروقو

http://a2.sphotos.ak.fbcdn.net/hphotos-ak-snc7/65375_151754961528923_100000832597301_227632_83206 57_n.jpg


بالنسبة للباث الي معك مايبيله الا يايات استرالية والباقي ماعليه خلاف

لا صرت بالوعر ترفق واما النفود فعز الله ان الباث يدورها دوره

[HCW]

شوف هذا الطقم يرفع تقريبا 6 سانتي او 2 انش بالضبط سعره معقول نوعا ما
http://performancelifts.com/cgi-bin/cart/PRG-MK-P.html

او تقدر تاخذ الفكره و تطبقها في اقرب مخرطة

[التعـ King ـديل]

الباث 2005 افضل سياره جربتها خفه نفس وقوه عزم وسرعه استجابه لا مثيل لها

بالنسبه لموترك تقدر ترفعه بالياي الاسترالي وتزين امورك

لاول مره اوافق حسان على شي ان الباث انتهى في 2005 :good2:

[راعي الشبب511]

يالله انك تحييهم
والله اصحاب الجيل القديم شايفين انفسهم علينا
الميدان يا حميدان
خلني بس ارفع الموتر والله منتم حوله لا في راحه ولى نشاط ولى دبل ولى سعه في داخل السياره


لاكن نضل اخوان;)
ابي رايكم وش غير اليايات
وش رايكم اشيل الدعاسات الي تحت الباب
والكفرات اذا رفعته وش احسن كفر عملي ومنضر
والله يعطيكم العافيه

[راعي الشبب511]

الي عنده شور

[بدوي جنوبي]

أقول لأصحاب 2005 ونازل
جربو 2006 وطالع صدقنى راح تغير فكرتك عنه
لكن يعيبه يحتاج الى تعديل بسيط ليصلح للبر

وترا جربت الاثنين في البر والخط وطرق وعره

[مواسي الطعوس]

أقول لأصحاب 2005 ونازل
جربو 2006 وطالع صدقنى راح تغير فكرتك عنه
لكن يعيبه يحتاج الى تعديل بسيط ليصلح للبر

وترا جربت الاثنين في البر والخط وطرق وعره

&**********************************
-- صدقت مشرفنا .
- انا جلست موديل 2006 و2007 و2008 اقول مايصلح . لكن بعد تجربته بالياي الاسترالي دريت اني غلطان .....طلع موتر روعه للخط والبر والنفود .

[أبوغيث 2003]

أنا أشوف الباترول أحسن خصوصاً إنه دفرنس مهوب فليور


لكن إذا أنت تبي الباثفندر فركب له يايات استراليه

موفق يالذيب

[راعي الشبب511]

أقول لأصحاب 2005 ونازل
جربو 2006 وطالع صدقنى راح تغير فكرتك عنه
لكن يعيبه يحتاج الى تعديل بسيط ليصلح للبر

وترا جربت الاثنين في البر والخط وطرق وعره



يا هلابك اخوي بدوي جنوبي
تشرفت بمرورك
طيب انت تقول يحتاج تعديل وش التعديل غير الياي الأسترالي
وهل اغير المساعد بعد
مشكورين اخواني على المرور

[بدوي جنوبي]

&**********************************
-- صدقت مشرفنا .
- انا جلست موديل 2006 و2007 و2008 اقول مايصلح . لكن بعد تجربته بالياي الاسترالي دريت اني غلطان .....طلع موتر روعه للخط والبر والنفود .


هو روعه من غير التعديل ،،، أقصد ان السياره خفيفه في القومه
وتسارعها ممتاز ،، يعنى قد ما تضغط على البنزين أستجابه سريعه
المحرك والقير يعطيك تجاوب سريع ،،،
في الخط تمشي 160 ما تحس انك ماشي ،، غير كذا أقتصادى في البنزين
والسياره ناجحه بكل المقاييس
يعنى تخيل اول ما أنتجت عام 2006 لم يحصل اى مشاكل تذكر
كل المستخدمين مرتاحين مع السياره من ناحية القيادة وزاوية الدوران
يعنى يوجد سلاسة وسهولة في قيادتها
يعيبها انها ليست مخصصه للبر بشكل يقنع المستخدم بخلاف الموديل الاقدم
يعنى أعطى السياره نسبه 60 % مخصصة للخط و 40 % مخصصه للبر



أنا أشوف الباترول أحسن خصوصاً إنه دفرنس مهوب فليور


لكن إذا أنت تبي الباثفندر فركب له يايات استراليه

موفق يالذيب


كل نوع من الدفرنسات سواء كان جرم دفرنس كامل
او نظام فريول له ايجابيات وسلبيات

اللى يميز الفريول أنه أخف على السياره من ناحيه الوزن يعنى أعطيه وزن
كامل (جرم الكرونه + العكوس ) ممكن 150 كيلو بعكس دفرنس كامل قد
يصل وزنه أكثر من 300 ك
يستخدم أقل كمية زيت
مريح في القيادة ومطبه خفيف ،،،
سهولة في الصيانه
من عيوبه جلدة العكس تتلف لكن بعد فتره طويله ويحتاج السائق ان يغيرها فورا لكي لا يتلف الرمان .

أما دفرنس كامل
لا يوجد مميزات تذكر غير أنه لا يحتاج الى صيانه بشكل دورى
يعيبه ثقل وزنه وهذا على حساب خفة السياره في البر والخط
غير مريح ومطبه قاسي نوعا ما يحتاج بعد فتره الى تغيير جلد الركب







يا هلابك اخوي بدوي جنوبي
تشرفت بمرورك
طيب انت تقول يحتاج تعديل وش التعديل غير الياي الأسترالي
وهل اغير المساعد بعد
مشكورين اخواني على المرور


مرحبا بك
طبعا وظيفة المساعدات هى أمتصاص الصدمات عند النزول في حفر ومطبات
الياي هو من يحمل السياره ،، لكن فيه مستخدمين يركبو مساعدات تكون قاسيه
وهى مخصصه للبر أكثر .

[sgl2002]

انا اللي اعرفه ان الباثفندر 2005موتر نشيط جدا لكن كله مشاكل
ومن 2006 وفوق اختفت مشاكله لكنه اصبح موتر ديره وخط اكثر من البر ويحتاج فك صدامه الامامي ورفع ويضبط ×

[راعي الشبب511]

مشكورين على المرور

[تميم2222]

مشكووووور وما قصرت عن التقرير لسياره ...كفيت ووفيت

[هواي الدهناء]

كان عندي باثفندر وسقت الجديد صراحه راح زمن القديم بس يبيله تعديل زي ماذكروا الاخوان

[هواي الدهناء]

وركب زموروا تراها حلوه

[PATHFINDER 4]

انا من ملاك الباثفندر الجيل القديم من 3 سنوات تقريبا
وبكل صراحة اعتقد ان الفرق بين الموترين فرق كبير جدا
انا اشوف ان الباثفندر الجيل القديم يتفوق على الجديد في ميزة واحدة فقط (موتر بر اكثر من الشكل الجديد)
اما الباثفندر الجديد تفوق على القديم في امور كثيرة
حجم المكينة
اوسع بكثير من القديم
اكثر راحة (امريكي)
اقل خرابات ومشاكل وعيوب مصنعية
(ماسمعنا فيه نقص زيت او حرارة او طقطقة او مسامير ثلاجة او دخان من الشكمان او او)

الباثفندر 2005 عز بوقته اما الان خلاص قليل تحصل نظيف وان حصلت غالي


ولا يهمك اللي يقول الباثفندر وقف 2005 انا اتمنى اني شريت الجيل الجديد
صحيح انه نازل شوي ونظامه مب دفرنسات مثل الشكل القديم لكن حله سهل وهو تركيب يايات استرالية (فقط)
لاتركب لامساعدات ولا كعكات ولا اي شئ

الموتر بيصير ارفع من الباثفندر الشكل القديم وبيكون موتر بر من الدرجة الاولى
ايضا لا انسى الكفرات ومقاسها له دور في رفع الموتر
انت موترك جنوطه 16 سياحيه ركب جنوط 17 وكفرات 265 75 17 واذا ودك بعد فك الوطايات وعقبه شف موترك (صدقني بيتغير عليك وبتنسى شئ اسمه تعليق)

والله يكتب لك مافيه الخير

[sgl2002]

مشاء الله يالباترول

نفسي يوم اسمع بطنه او وجهه يحك بالبر بس ماش يرفض

[راعي الشبب511]

كان عندي باثفندر وسقت الجديد صراحه راح زمن القديم بس يبيله تعديل زي ماذكروا الاخوان

مشكور على شهادتك ومرورك اثرا الموضوع

وركب زموروا تراها حلوه

حياك الله اخوي وش هي الزموروا

انا من ملاك الباثفندر الجيل القديم من 3 سنوات تقريبا
وبكل صراحة اعتقد ان الفرق بين الموترين فرق كبير جدا
انا اشوف ان الباثفندر الجيل القديم يتفوق على الجديد في ميزة واحدة فقط (موتر بر اكثر من الشكل الجديد)
اما الباثفندر الجديد تفوق على القديم في امور كثيرة
حجم المكينة
اوسع بكثير من القديم
اكثر راحة (امريكي)
اقل خرابات ومشاكل وعيوب مصنعية
(ماسمعنا فيه نقص زيت او حرارة او طقطقة او مسامير ثلاجة او دخان من الشكمان او او)

الباثفندر 2005 عز بوقته اما الان خلاص قليل تحصل نظيف وان حصلت غالي


ولا يهمك اللي يقول الباثفندر وقف 2005 انا اتمنى اني شريت الجيل الجديد
صحيح انه نازل شوي ونظامه مب دفرنسات مثل الشكل القديم لكن حله سهل وهو تركيب يايات استرالية (فقط)
لاتركب لامساعدات ولا كعكات ولا اي شئ

الموتر بيصير ارفع من الباثفندر الشكل القديم وبيكون موتر بر من الدرجة الاولى
ايضا لا انسى الكفرات ومقاسها له دور في رفع الموتر
انت موترك جنوطه 16 سياحيه ركب جنوط 17 وكفرات 265 75 17 واذا ودك بعد فك الوطايات وعقبه شف موترك (صدقني بيتغير عليك وبتنسى شئ اسمه تعليق)

والله يكتب لك مافيه الخير

الف الف شكر اخوي على المرور والتعليق الأكثر من رائع
وجاري تنفيذ النصيحه

مشاء الله يالباترول

نفسي يوم اسمع بطنه او وجهه يحك بالبر بس ماش يرفض

هلابك الخوي
علشانك ما جيت الساحل
لاكن تعال وشف والله ياكم واحد تعلق فالعقوم :D

[مواسي الطعوس]

- انتبه : الياي الاسترالي الامامي لازم تقص ((لفه كامله)) علشان ماينتهي المساعد ويطق ويخرب

[Bader-M]

2006 افضل من السابق
اقوى محرك 290 حصان و عزم 41
افضل قير و خاصة من 2009 م ومافوق
مشكلة الباثفاندر كما ذكرتة انه طامن وهذا اغلب السيارات الحدثية التي من نفس فئة باستثناء البرادو
بنسبة للحل
لا اعلم ولكن اعقتد ان الياي وحدة لا يكفي تحتاج الى تغير طقم التعليق كامل وانا لا املك خبرة بهذا الامور

موفق

[راعي الشبب511]

مشكورين اخواني
مواسي
بدر
والله لا يهينكم

[عبدالرحمن السالم]

ابد زي ماذكرو الاخوان يايات استرالية توفي بالغرض بس لا ترفع اكثر من 3.5 سم
تفادي للمشاكل ، لان عاده السيارة كل ما ارتفعت اكثر تطلع به مشاكل بالدفرنسات والقير وغيره

موفق خير ياراعي الشبب511