المساعد الشخصي الرقمي

مشاهدة النسخة كاملة : الباث فندر بدا يقرقع من عند الشنطه ((وش الحل لاتسفهوني))


كبريت
23/05/2006, 11:51 AM
السلام عليكم كيف حالكم

ما ابي اطول انا معاي باث فندر 2005 ماشي 15000 والحمد لله هو مزبووووووط ميه ميه في البر ولا يعلى عليه

بس بدا في ((الاونه)) الاخير يطلع صوت من عند الشنطه اذا كنت في ردميه ولا طلعت مطب ولا كان الشارع معوج

اما اذا كان الخط سالك ماله اي صوت يعني بالعربي ااذا اهتزت السياره يطلع الصوت هذا

مادري وش الحل برايكم ؟؟:confused:
بواسامه
23/05/2006, 02:12 PM
من مزايا الباث انه يقرقع0000000امزح
طبعا عيب لان الباب كله ما يمسكه الا المعلاق اللي اسفل الباب
وممكن تشتري من ساكو الربل اللي يركب على الابواب
وجربته حفف الصوت شوي
عموما مقبول بقرقعته
الكايف2
23/05/2006, 03:10 PM
ابو محمد حياك الله هاذي مشكلة الباث فندر انا معي 2002 ونفس المشكله لا والمشكله اللي بتوصلك الثانيه ان التنده بتقرقع بس اصبر شوي وتجيك . وان لقيت حل للشنطه فعلمنا الله لايهينك .
ابو عاذر
23/05/2006, 07:56 PM
السلام عليكم كيف حالكم

ما ابي اطول انا معاي باث فندر 2005 ماشي 15000 والحمد لله هو مزبووووووط ميه ميه في البر ولا يعلى عليه

بس بدا في ((الاونه)) الاخير يطلع صوت من عند الشنطه اذا كنت في ردميه ولا طلعت مطب ولا كان الشارع معوج

اما اذا كان الخط سالك ماله اي صوت يعني بالعربي ااذا اهتزت السياره يطلع الصوت هذا

مادري وش الحل برايكم ؟؟:confused:

أبو محمد عليك بورشة النويصر بالصناعية القديمة يحلون لك المشكلة نهائياً
الكايف2
23/05/2006, 10:41 PM
ابوعاذرمساك اللة بالخيرلوتوصف لى الورشه اوتعطينى رقمهم ىلله يعافيك اخوك الكايف2
نمر بن حثلين
24/05/2006, 04:22 AM
الدعوى سهالات

رح لاقرب ورشة سمكره قلهم ابي شخص عنده خبره بوزن البيبان
وخله يحل المعلاق الي ماسك الباب على قولة ابو اسامه وخله يوزنه مره ثانيه

ولمزيد من التاكد انه ظبط خله يركب ورا ويستمع الباب وامش بمطبات عشان يشوف الصوت راح ولا يعيد الوزن

وبس
ابو عاذر
25/05/2006, 11:10 AM
ابوعاذرمساك اللة بالخيرلوتوصف لى الورشه اوتعطينى رقمهم ىلله يعافيك اخوك الكايف2


(معلومات دعائية )

تم التعديل من قبل المشرف .....إلا في حالة الأعلان في مكشات ... حفظا لحقوق المعلنين
كبريت
25/05/2006, 09:47 PM
مشكورين الف شكر

وشكلنا بنمشي على راي ابو اسامه واذا ما نفع

نجرب راي نمر بن حثلين

والف شكر لكم مره ثانيه
كبريت
26/05/2006, 12:42 PM
بس عندي سوال ياشباب

وين محل ساكو هذا؟؟

في انتظار ردكم
كبريت
30/05/2006, 06:08 PM
ارجو الرد على سوالي
ابوالعبد
02/06/2006, 05:20 PM
السلام عليكم انا ابحث عن سياره فورد اكس كيرجن نظيفه من مالك واحد
برق تميم
03/06/2006, 11:35 AM
يا جماعه نبي وصف لورشة ابن نويصر دقيق ورقم تلفونهم الله لا يهينكم
ترتر
10/06/2006, 11:33 AM
بصراحه ما عرف وصفهم زين لاكن يقولون بالصناعيه القديمه دوار الخرج عند مسجد حجر
وارقامهم هاذي هي
ورشه عبد الله النويصر :4480233 جوال 0505232097

اتمنى اني افدتكم

تقبلوا احترامي


اخوكم .......ترتر
كبريت
10/06/2006, 11:50 AM
طيب ساكو هذا وينه
aziz2727
10/06/2006, 12:00 PM
يا بو محمد
الله يسلمك ساكو على الدائري الشمالي تتعدى مخرج 5 بتجاه الغرب يجيك على اليمين بجانب العيسى للسيارات
بواسامه
10/06/2006, 09:38 PM
للفايده
طريقة ورشت النويصر في الطقطقه
بيحط لك في الربل الخلفي لي كنديشن الابيض الخفيف مو الاصلي الاصفر سعره بخمسه ريال
وبيمزعك ب300 ريال على وشو ما ادري والله بس لاقي له ربع000 اللهم لا حسد 000 الله يرزقه
واشوف ان الامر ما يستاهل وممكن انك تسويه قدام البيت او تحت المظله كانك حرفي وراعي سعة صدر
يخفس خفس في الربل ويمشي اللي من داخل واذا دقر دفه بفيري ولا زين فورتي دبليو حق التزييت

عموما الطريقه جدا ممتازه وعمليه ولا ربل ساكو يقضي اللزوم بس مو مثل اللي اللي داخل الربل
عموما وفقك الله
التميمي
20/06/2006, 03:34 PM
بسم الله الرحمن الرحيم
الحل عندي وما يكلف شي ومجرب 100في 100 يعني 100%
وهو
اشتر لي مكيف صحراوي ازرق يكفي متر واحد وبعدين جب مشرط وقص قطعتين كل قطعة حوالي 10سم تزيد او تنقص ثم افتح باب الشنطة ورح للزاويتين السفلة وافتح فتحة صغيرة جدا في الربل الاسود وممر قطعة اللي بداخلة وحدة يمين وحدة يسار

والشغل مجرب والعملية سهلة
والسلام
هاوي الله
20/06/2006, 03:41 PM
الله يقطع الباث قرقعه ومشاكله واجد لا ويمدحونه بعد !!!؟


واحد - صفر
جلوبلستار
20/06/2006, 04:19 PM
انا جربت الطريقه الي ذكروها ابو اسامه والتميمي في الباث عندي وانحلت المشكله لمدة اسبوع وبعدها رجعت المشكله مثل أول .
واستخدمت طريقه ثانيه حلت المشكله نهائيا وبدون تقطيع في الربل .
الأدوات : قطعة لي من الي يستخدم في غسل الحوش . مقص قوي من النوع الي يقص الليات ( أفضل من السكين والمشرط ).
الطريقه : اقطع قطعتين من " اللي "كل وحده طولها تقريبا 2 سم وأدخلها في الربله السوداء الي تجي في طرف الباب ( ربله سوداء اسطوانية الشكل تجي في طرف الباب في الأسفل وحده يمين ووحده يسار ) .
جرب إغلاق الباب واذا لم ينغلق قص من اللي شوي وبدون ما تطلعه من الربله . وجرب إلى ان ينغلق الباب بشكل جديد .
وبعدها رح تمش على المطبات وادع لي .
منتعش
20/06/2006, 08:22 PM
حياكم الله
يمكن هذا الرابط يفيد الشباب
http://www.mekshat.com/vb/showthread.php?t=49713
كبريت
21/06/2006, 01:52 PM
ههههههههههههههههههههههههههههههه

تدرون ياشباب واتمنى ماتزعلون علي القرقعه اللي كانت كانت من الجلده اللي تجي ماسكه في باب الشنطه تجي جلدتين اصلا وانا ما كان عندي الا واحده بس فرحت للوكاله واعطوني الجلده ببلاش وركبتها ورااااااااااح الصوت مره مره


بس بغيت اسالكم وين محل ساسكو؟



والف شكر لكم
التميمي
22/06/2006, 01:22 AM
محل ساسكو في الرياض على الدائري الشمالي مخرج 5 مقابل حي المصيف
ثعل البرد
22/06/2006, 01:46 AM
عموما النيسان كله قرقعة في قرقعة والتويوتا الأخير نفس الشي
كبريت
22/06/2006, 11:20 AM
سلمت يالتميمي
المنبسط
23/06/2006, 08:14 PM
السلام عليكم ورحمة الله وبركاته

الأخ جلوبستار مساك الله بالخير

هل طريقتك تأثر على وزنية الباب الخلفي؟

ولك جزيل الشكر

المنبسط