اقبل الصيف ...ومانرحم المواتر .....حنا الخسرانين ....لكن ادخل وشف ....

[مواسي الطعوس]

بسم الله الرحمن الرحيم


_ السلام عليكم ورحمة الله وبركاته :


- من خلال روحاتي وجياتي ((ابن بطوطه...ههههههه)) لاحظت على الناس عدم رحمة السيارات وهذا اكيد رايح يتعبهم في التصليح ....لكن عندي بعض الملاحظات اللي تفيد ان شاء الله وعملها بسيط وهي : كل الكلام على السفر الطويل .


1/ قبل ماتوصل مكان التوقف عليك بتقليل السرعه اذا تمشي 140 ((وهو الغالب للناس)) عليك بالتقليل الى 100 او 80 ان حصل قبل الوقوف بدقائق . للماكينه والقير والكارونه ((الزيوت تبرد))

2/ لاتطفي الموتر اتركه يشتغل ((دامك تتمغط ههههه))

3/ افتح الكبوت فور الوقوف . لتخرج الحراره .
4/ اجعل وجه الموتر جهة الهواء . ولاتصير مثل اللي يوقفه تحت جدار حتى يصدمه .

_ اذا بغيت تشوف قوة الحراره بعد السفر اذا اطفيت الموتر تعال بعد 5 دقائق وشغله .

_ تسلم حتى من خرابات القزوز ..

--- لاتبخلون علينا بخبراتكم لنستفيد ويستفيد النش الجديد .

((والسلام ختام ))

--

[سيوف الدهناء]

كلام جميل

وياليتنا نتقيد بالي يحافظ على السيارة

بس اننا شعب مستعجلين جداً ههههههه

[التميمي 6]

موضوع جيد وبصراحة انا افكر اخترع شي يبرد على الموتر والتحكم من داخل السيارة مثل رش الموية للمساحات تكون رش الموية على الاديتر او على خرقة (قطعة قماش)للتبريد على الاديتر مثلا وشكرا

[ابو العز بلس]

وعليكم السلام ورحمة الله وبركاته

افضل شيء وانا مجربة وهو
بعد ماتوصل بالسلامة
خل السيارة تشتغل اقل شيء من 5 -10 دقائق
وبعدها اطفئ المحرك
اعتقد هذا يوفر كل اللي الامور الاخرى مثل التهدئة وغيرها

[مواسي الطعوس]

- الناس مارايح تنتظر 10 دقائق يكون متعب من السفر .

- افضل شي فتح الكبوت . وان حصل ناحية الهواء افضل ..

[كاشت وحداني]

الف شكر لك على الافكار الجميله
وايضا هناك كتاوت بالامكان تركيبها تخلي المراوح تشتغل فتره بسيطه بعد ما تطفي الموتر


Sent from my iPhone using Tapatalk

[أبوعذااب707]

2/ لاتطفي الموتر اتركه يشتغل ((داكم تتمغط ههههه))


انا من ناحيتي ما اطفي الموتر اخليه تقريبا 5 دقائق

كثير يقولون لي طفي الموتر خل المكينه تبرد ؟
كييف ارد على كلامهم اني ما اطفي الموتر على طول؟

[التعـ King ـديل]

الالمان ابدعو في هذا الشي .. ونلاحظ سيارات المرسيدس لمن تطفي السياره سواء بعد سفر او بعد مشوار تبقى المرواح شغاله وبعدين تطفى

اخوي مواسي الطعوس الله لايحرمنا من مواضيعك

[السومر]

انا اشوف ما فيها شي اذا طفيت السياره على طول عند وصولك

لو فيها مشكله كان ما طفينا السيارات عند المحطه لتزود بالوقود

[مخاوي دابذريع]

ماشاء الله نصائح مفيده شكرا لك اخونا مواسي

[ماون ماركز]

للأسف كل اللي ذكرتها لا تقدم او تأخر بالمحافظة ع السيارة بالصيف
وبعدين .. السيارات اللي تشتغل بالبنزين ما يحتاج تنتظر لأطفائها



بالنسبة للمحافظة على السيارة .. أثناء الصيف

@حافظ على مستويات ماء الرديتر وعلبة الماء الزائد

@أفحص أماكن دخول الهواء للسيارة في مقدمتها

@أفحص المراوح الكهربائية للتأكد من عملها بشكل صحيح

@أفحص المروحة الميكانكية للتأكد من عملها الصحيح

@أفحص خراطيش الماء للتأكد من أنها لا تنغلق عند السير

@أفحص طرمبة الماء وأنها تعمل بشكل صحيح

@تأكد من عدم وجود تسربات وتنسيم بنظام التبريد للسيارة

@تأكد من غطاء الرديتر أنه يقوم بعمله على أكمل وجه

@لا تسرع .. أمش عاقل حسب السرعات المحددة

@لا تدوس للسيارة وتسوي نفسك أنك أحسن واحد وتقدر تتجاوز الأخرين

@عند الوقف بالزحمات .. أتبع نظام التوقف خلف الأخرين .. وهو ترك مسافة بحيث أنك تشوف كفرات اللي قدامك مو تلصق باللي قدامك ..


أما كلمة أنك مسرع وتهدي السرعة .. و تنتظر 5 او 10 دقائق عشان تطفيء الموتر
فهذه غير صحيحة يالغالي .. لا تسرع من الأساس ..

المحافظة تبداء من الصيانة الوقائية والقيادة الراكدة .. وفحص السيارة بشكل شبه يومي

وشكرا لك

[مواسي الطعوس]

انا اشوف ما فيها شي اذا طفيت السياره على طول عند وصولك

لو فيها مشكله كان ما طفينا السيارات عند المحطه لتزود بالوقود

****************************************

- لو ماطفيت وش فرقت ؟؟؟؟ يقولون البنزين يتحرك في التانكي ....قلت واثناء القياده يضرب فوق تحت ....ملفات ومطباااااااات .

__ البنزين التعبئه اقل من دقيقه ((اذا طفيت للتعبئه)) بعدين تشغل وتبرد المراوح وتكون الماكينه واقفه ماعليها دوس وضغط قوي .

-- المشكله من انك تطفي الموتر وهو قزوزه وماكينته تطبخ من السرعه ((هنا لايجيها هواء __ولايدخلها ماء بارد من الاديتر )) فهنا تكمن المشكله والحراره .

[الباشاء]

كلامك على متمه فعلن مواسي الطعوس .. ترك السيارة تشتغل لبعض الوقت تطول عمر المكينة .. مجربها على سيارة فورد ومشاء الله ستة سنوات لا تنقص زيت ولا يطلع دخان مثل باقي الفورد

[بدوي جنوبي]

1/ قبل ماتوصل مكان التوقف عليك بتقليل السرعه اذا تمشي 140 ((وهو الغالب للناس)) عليك بالتقليل الى 100 او 80 ان حصل قبل الوقوف بدقائق . للماكينه والقير والكارونه ((الزيوت تبرد))

كلام غير صحيح ولا يستند الى أدلة ،،،


2/ لاتطفي الموتر اتركه يشتغل ((دامك تتمغط ههههه))

تكون حرارة المحرك مركزة في الجزء الاوسط أسفل الراس وأعلى السلندر
المنطقه اللى يحصل فيها الأحتراق ،،، فالأفضل ترك المحرك شغال فترة دقيقتين كافيه
لكي يهدأ .

3/ افتح الكبوت فور الوقوف . لتخرج الحراره .
4/ اجعل وجه الموتر جهة الهواء . ولاتصير مثل اللي يوقفه تحت جدار حتى يصدمه .

هذا في حال الانتظار مطولا والمحرك شغال مع التكييف
بالرغم ما أنصح بعمل المحرك والوقوف مطولا .

أذا فتحت الكبوت الاهم هو :
فحص سير المحرك
البحث عن وجود تهريبات بعد التوقف (ماء او زيت او وقود )
فحص الاطارات من وجود تشققات مع ضغط الهواء
تنظيف الزجاج الامامي
التزود بماء كافى .

[مواسي الطعوس]

- الجزء الذي عارضت عليه يامشرفنا : هذا اخذته من ((ابو عبد الله الصمعاني)) وهو مشهور في القصيم في الكوارين خاصه . والدفرنسات يعدلها ..لان الوكالات تغيرها . وبعد الاجازات الشتويه تحصل ورشته مليانه جيوب يعدلون الدفرنس .

يقول هذا عن تجربه له ومن يعرفهم . وهو شخص ناصح . واذا ما اعجبك او غيرك لاتسويه ماانت مجبور .

[السومر]

اخوي الله يعطيك العافيه

موضوعك مفيد ولا تحرمنا جديدك

[هواوي الشمال]

الله يعطيك العافيه لكن سوينا هالامور ومع ذلك تخرب خخخخخ الله يعين ع هالقرنبعات

[اذاني]

ترك السياره شغاله بعد المشوار ........ هذا لسيارات الديزل والشاحنات هذا ما نعرفه طول عمرنا

[طحنون]

للأسف كل اللي ذكرتها لا تقدم او تأخر بالمحافظة ع السيارة بالصيف
وبعدين .. السيارات اللي تشتغل بالبنزين ما يحتاج تنتظر لأطفائها



بالنسبة للمحافظة على السيارة .. أثناء الصيف

@حافظ على مستويات ماء الرديتر وعلبة الماء الزائد

@أفحص أماكن دخول الهواء للسيارة في مقدمتها

@أفحص المراوح الكهربائية للتأكد من عملها بشكل صحيح

@أفحص المروحة الميكانكية للتأكد من عملها الصحيح

@أفحص خراطيش الماء للتأكد من أنها لا تنغلق عند السير

@أفحص طرمبة الماء وأنها تعمل بشكل صحيح

@تأكد من عدم وجود تسربات وتنسيم بنظام التبريد للسيارة

@تأكد من غطاء الرديتر أنه يقوم بعمله على أكمل وجه

@لا تسرع .. أمش عاقل حسب السرعات المحددة

@لا تدوس للسيارة وتسوي نفسك أنك أحسن واحد وتقدر تتجاوز الأخرين

@عند الوقف بالزحمات .. أتبع نظام التوقف خلف الأخرين .. وهو ترك مسافة بحيث أنك تشوف كفرات اللي قدامك مو تلصق باللي قدامك ..


أما كلمة أنك مسرع وتهدي السرعة .. و تنتظر 5 او 10 دقائق عشان تطفيء الموتر
فهذه غير صحيحة يالغالي .. لا تسرع من الأساس ..

المحافظة تبداء من الصيانة الوقائية والقيادة الراكدة .. وفحص السيارة بشكل شبه يومي

وشكرا لك

احسنت شكلك ماخذ دوره القياده الوقائيه باارامكو

[الربذي]

عدم السرعة هو الي يطول عمر المحرك والمواظبة على تشييك الزيوت والماء ويغير الزيت كل 4000كم
مدرس فاك كابرس 2001 وللحين معه ماشي 850الف !!!! نعم
ولا ينقص ولا شي واعتبره ابن بطوطة بس مشيه 120 وين ماراح لو الطريق 1000كم
واعرف 2008 تحت التوظيب الان

[ماون ماركز]

كلامك على متمه فعلن مواسي الطعوس .. ترك السيارة تشتغل لبعض الوقت تطول عمر المكينة .. مجربها على سيارة فورد ومشاء الله ستة سنوات لا تنقص زيت ولا يطلع دخان مثل باقي الفورد

أذا أنت 6 سنين بس
كان عندي فورد 89 له 21 سنة .. ولا نقص زيت ولا تهريب ولا دخان
وكل جهاز فيه شغال . وكل أمبير فيه زي الساعة شغال .. ومكينته شد بلد
ومقصاته وكل مافيه .. شد بلده .. ولا تسمع فيه اي صوت قرقعه ..

فقط صيانة وتغير ما هو يستهلك ..

وأول ما أوصل أطفىء السيارة ..

وبعته بالمعرفة والمطالب والتوسط عندي .. وب 15 ألف ريال بالغصب علي وحب خشوم
كنت أبي زود .. 20 ألف وفيها ..

والى الأن أشوفه مع صاحبه الجديد .. شغال

كلمة أني اسرع .. واذا وصلت أنتظر كم دقيقة عشان أطفيه
هذا غير صحيح .. بتاتاً ..

لا تسرع من الأساس . وحافظ على سيارتك بالصيانة

[ماون ماركز]

احسنت شكلك ماخذ دوره القياده الوقائيه باارامكو

هلابك .. هههههه

لا بس أقراء واستفيد من أرامكو وغيرها .. مو شرط أكون أخذت دورة عندهم

تحياتي

[ماون ماركز]

عدم السرعة هو الي يطول عمر المحرك والمواظبة على تشييك الزيوت والماء ويغير الزيت كل 4000كم
مدرس فاك كابرس 2001 وللحين معه ماشي 850الف !!!! نعم
ولا ينقص ولا شي واعتبره ابن بطوطة بس مشيه 120 وين ماراح لو الطريق 1000كم
واعرف 2008 تحت التوظيب الان

هذا مثلي ,, ما أتعدى 100 كيلو بالساعة وصيانة دورية بشكل منتظم

وموتري الأول جلس معي 21 سنة .. والكيلو فوق المليون بشوي ..

[كيري ميري]

طيب حنا نبي نسرع تعودنا !! وطريقه مواسي الطعوس ممتازه . انت شكلك يالله تمشي ماخرب معك شي !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!

[مواسي الطعوس]

الاخ ماون ماركز : ماعمرك سافرت بعمرك كله ههههههههههههههههههه.

_____ تمشي 100 انت موترك عليه خطر يتفتف من البروده .

_____ حنا نقول يهدي 100 او 80 وانت مهدي خلقه .....وافتح الباب وحط رجلك بالزفلت ((بريك)) ههههههههه.

_____ انت موترك ابرد من الموتر اللي واقف ...سرعة 100 . لايوجد لك مثيل في المنتدى ((انت تراث)) ههههههههه.

____ انت اللي مسكر الخطوط على الناس ..... هذا الفرد اللي يتمططططططط بالشوارع . ويعطل العالم .

____ المفروض يصير معك سياره ((ديزل)) عشان يعذرونك الناس ..... فورد و100 .....

_____ ماخرب معك ولاقطعه ولا فيه اصوات والماكينه ماخربت .....مابعد مشت تحت التمرين 100 ههههههههههههههههههههههههههههههههههههه.

___ الله يعين اهلك وعيالك وكل من يركب معك ......جهاااااااااااد ؟؟؟؟ ذكرتنا بسفر الاباء والاجداد !!!!!

____انت لاتعلم على نفسك ...لاتفطن الناس لك .....تراك تروح تشليح ؟؟؟؟ وش سعة ها الصدر .


____ انت احذر من القوقسي .....مارايح تصدم ابد .....ولو صدمت مارايح يجيك شي ...100 ....

[مواسي الطعوس]

ترك السياره شغاله بعد المشوار ........ هذا لسيارات الديزل والشاحنات هذا ما نعرفه طول عمرنا

**********************************
** كلامك صحيح ونعطيك تفاصيل اكثر ...المحركات المشهوره ثلاثه :

1/ الديزل التيربو : وهذا ضروري جدا التبريد ....ولو ماتبرد خرب عليك التيربو . وهذا سبب فشل ((السكودا ..والسيات)) لان مالهن فصله الاولى تجيب 200 سرعه واكثر شوي ....والثانيه تجيب 230 الى 240 سرعه ..وايظا ارتفاع قطع غيارها .

__ وايظا الهايلكس والددسن 2006 وطالع كثير خراب التيربو من قلة التبريد ((وقلة الثقافه ))عندنا بسيارات الديزل التيربو .

2/ الديزل العادي : وايظا يحتاج التبريد لكن اقل من التيربو .

3/ محركات البنزين : محور حديثنا ....مع السفر الطويل والسرعه والجو الحار تحتاج تبريد ...

[moooj]

كلامك صحيح اخي مواسي الطعوس وسليم 100% والأخوة الذين اضافو بعض النقاط مثل المشي بسرعات معقولة وفحص السيارة وتغيير ما يلزم
الي حبيت اوضحه واضيفه هو الآتي:
بخصوص تخفيف السرعة العالية قبل الوقوف بدقائق اقول نعم وعن تجربة تدعمها قوانين فيزيائية فزيادة الأحتراق في وقت اقل اكيد يحتاج الى معدل تبريد اعلى وان كان امبير الحرارة على المستوى الطبيعي لكن لا ننسى احرارة الكامنة في البلك والي تتوسع دائرته لتطال الراس والكرنك فتكون اعلى من المعدل وهذي تأثيرها المباشر على الزيت وصلاحيته
بخصوص الأخوة الي يقولون ما له داعي تخلي الموتر شغال اقول بل لازم ولمدة من 5 الى 10 دقائق
وهذا الكلام للي يوقف عند محطة وكلام غير سليم للي يقول اطفي السيارة على طول
لأن الحرارة الكامنة في بلك المكينة ترفع حرارة الموية داخل البلك الى ما فوق درجة الغليان بكثير وتبقى كمية الماء هذي داخل البلك بينما الي بالرديتر بردت بفعل مرورها بالرديتر ومكوثها لمدة تعتبر كافية لتبريدها الى مستوى مقارب لحرارة الجو وهنا يتعرض المحرك عند اعادة التشغيل لما يسمى ال thermal shock او الصدمة الحرارية وهنا تكمن المشكلة حيث تتأثر اجزاء كثيرة بسبب التغيير المفاجيء في درجة الحرارة بشكل كبير وفي وقت وجيز
وهذا بدوره يقلل من العمر الأفتراضي للأجزاء المتحركة مثل السبائك ووجيه المكينة والشنابر وجلد البلوف وغيرها
في التطعيس بالصيف اذا طفيت السيارة اول ما اوقف لازم ينفقع خرطوش او يصير فيه تهريب موية او صوت بعكس اذا خليت الموتر شغال وموجه للهوا
اختم بالشكر لكاتب الموضوع وكل من اضاف واثرى الموضوع
وكما قال الشاعر (شهلوها للخلا والهبوب تلوفها) ههههه
شكرا للجميع

[مواسي الطعوس]

الالمان ابدعو في هذا الشي .. ونلاحظ سيارات المرسيدس لمن تطفي السياره سواء بعد سفر او بعد مشوار تبقى المرواح شغاله وبعدين تطفى

اخوي مواسي الطعوس الله لايحرمنا من مواضيعك


**************************************

__ ليت نظام الالمان يطبق على السيارات الثانيه ...واحوج مناطق العالم حنا ...لكن حنا نصفنا ضبان ونصفنا الثاني بعارين ...والا السيارات تنهيها الحراره .

__ ودي انزل مواضيع ...لكن بعض القراء يحسبك تجبره على هذا الشي ...يرد وهو زعلان ويخانق .

[فيضة الشيح]

احنا شعب مسرع اذا بقي على المدينه عشر كيلو زاد السرعه واذا بقي على البيت عشرمتر طفى وطبح وكمل الباقي على رجليه وخلى السياره دحدر لقرب جدار ههههههههه دعابه مجرد دعابه

[تميم2222]

ههههههههههههههه مستعجلين ولا عندنا شغل ... مكثور الخير على المعلومات

[PATHFINDER 4]

موضوع جيد وبصراحة انا افكر اخترع شي يبرد على الموتر والتحكم من داخل السيارة مثل رش الموية للمساحات تكون رش الموية على الاديتر او على خرقة (قطعة قماش)للتبريد على الاديتر مثلا وشكرا

هذي الحركة فعالة وناجحة بكل المقاييس
شفت كذا مرهم من اللي يراقون بام دكة مسوين هالحركة اذا رقى مرة ومرتين يضغط المساحات وترش على الرديتر وعلى طول يبرد :good:

[وجعين]

انا اول ما دخل الصيف طقيت اديتر جديد الله يدوم الرخص (صيني) ويجي اردني وخليت المراوح شغاله بدون توقف فيش الحساسات افصله ولا تطفى المراوح ابد بلف الحراره انتبه تشيله الابحاله وحده اذا كان الا ديتر تعبان ولا انتب مغيره . وكما ذكر اخونا لا تسرع بنهار تعدم المكينه لان الحراره عندنا تعدا الخمسين بعز الضهر العام يا جماعه بمقياس الحراره الي بسياره وصلت 55 وصورته بلجوال برمضان

[أطلال نجد]

وعليكم السلام ورحمة الله
المحافظة على السيارة تبدأ من الفحص الدوري والوقائي على الأقل مرة كل أسبوع
كذلك قبل وبعد كل مشوار طويل ( مهم )
كذلك تجنب السرعة الزائدة فوق 140 خصوصاً مع حرارة الصيف والمكيف، لأن السرعة تعجل في هلاك محركات السيارة مكينة ، قير ، دفرنسات .. الخ
بالنسبة لإطفاء المحرك عند التوقف من سفر طويل لا يلزم الإنتظار 5 أو 10 دقائق
ويكفي 2 دقيقة فقط من وجهة نظري ( الكلام هذا ينطبق حتى عند التوقف للتزود بالوقود )
شكراً لك

[مسير عليهم]

اتفق مع كلام الاخ ماون ماركز

وبخصوص انتظر 5 دقائق او اكثر فمن الطبيعي انا راح اخفض السرعه وتهداء المكينة قبل الوقوف لانك ماراح توقف فجأة وتطفي السيارة

وعن كلام الصمعاني فتختلف الفكره كون السيارات اللي عنده معدله فطبيعي بيكون الضغط على الدفرنس والكارونه اعلى من السيارة الطبيعية

[مواسي الطعوس]

- الصمعاني اللي تكلمت عنه ((محمد الصمعاني )) ابو عبدالله وليس احمد ابو وليد راعي الترهيم .

الرجاء تأكد من الشي قبل ترد . لايكون اكبر همك المشاركه فقط . وماون رجال يقول امشي 100 والله يرحم والديك هو مسرع علشان يهدي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مواسي الطعوس]

- الصمعاني اللي تكلمت عنه ((محمد الصمعاني )) ابو عبدالله وليس احمد ابو وليد راعي الترهيم .

الرجاء تأكد من الشي قبل ترد . لايكون اكبر همك المشاركه فقط . وماون رجال يقول امشي 100 والله يرحم والديك هو مسرع علشان يهدي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Hwer]

الي يسمعك يقول معك تريله
يارجال سيارات البنزين الحين كل سرندلاتها المنيوم تبرد وهي تمشي 200

[مواسي الطعوس]

-- خل عنك الهياط ....ماتعرف شي خلك ساكت .

[vxr 1998]

كلام سليم اخوي مواسي الطعوس وهذا دليل علا حب الخير لناس لاكن اسمحلي ادلو بدلوي وهو سوال ولو اني جاهل الان المعروف انك اذا كنت مسافر مثل من بريدة الا الرياض ووصلة الرياض ومع الزحمه والاشاراة ماتعتبر كافيه عن اني اهدي السرعه الا ١٠٠ او ٨٠ وعن اني اترك الموتر شغال ٥ دقائق والله يجزاك الف خير وتراني عقب ماعيلت صرت اثبت السرعه علا ١٢٠ علشان ماتقول اني من الي يطلقون الارض ههههههههه������

[بدوي جنوبي]

- الجزء الذي عارضت عليه يامشرفنا : هذا اخذته من ((ابو عبد الله الصمعاني)) وهو مشهور في القصيم في الكوارين خاصه . والدفرنسات يعدلها ..لان الوكالات تغيرها . وبعد الاجازات الشتويه تحصل ورشته مليانه جيوب يعدلون الدفرنس .

يقول هذا عن تجربه له ومن يعرفهم . وهو شخص ناصح . واذا ما اعجبك او غيرك لاتسويه ماانت مجبور .

والله ما أعجبني

زيت الدفرنس وتروس الكرونه تتحمل درجات حرارة عاليه
والرجال قالك قبل توقف هدئ السرعه عشان الزيت يبرد وما يأثر على الدفرنس
كلام جديد ،،، يعنى كل ما بغيت اوقف أهدي من بعيد .


كلامك صحيح اخي مواسي الطعوس وسليم 100% والأخوة الذين اضافو بعض النقاط مثل المشي بسرعات معقولة وفحص السيارة وتغيير ما يلزم
الي حبيت اوضحه واضيفه هو الآتي:
بخصوص تخفيف السرعة العالية قبل الوقوف بدقائق اقول نعم وعن تجربة تدعمها قوانين فيزيائية فزيادة الأحتراق في وقت اقل اكيد يحتاج الى معدل تبريد اعلى وان كان امبير الحرارة على المستوى الطبيعي لكن لا ننسى احرارة الكامنة في البلك والي تتوسع دائرته لتطال الراس والكرنك فتكون اعلى من المعدل وهذي تأثيرها المباشر على الزيت وصلاحيته
بخصوص الأخوة الي يقولون ما له داعي تخلي الموتر شغال اقول بل لازم ولمدة من 5 الى 10 دقائق
وهذا الكلام للي يوقف عند محطة وكلام غير سليم للي يقول اطفي السيارة على طول
لأن الحرارة الكامنة في بلك المكينة ترفع حرارة الموية داخل البلك الى ما فوق درجة الغليان بكثير وتبقى كمية الماء هذي داخل البلك بينما الي بالرديتر بردت بفعل مرورها بالرديتر ومكوثها لمدة تعتبر كافية لتبريدها الى مستوى مقارب لحرارة الجو وهنا يتعرض المحرك عند اعادة التشغيل لما يسمى ال thermal shock او الصدمة الحرارية وهنا تكمن المشكلة حيث تتأثر اجزاء كثيرة بسبب التغيير المفاجيء في درجة الحرارة بشكل كبير وفي وقت وجيز
وهذا بدوره يقلل من العمر الأفتراضي للأجزاء المتحركة مثل السبائك ووجيه المكينة والشنابر وجلد البلوف وغيرها
في التطعيس بالصيف اذا طفيت السيارة اول ما اوقف لازم ينفقع خرطوش او يصير فيه تهريب موية او صوت بعكس اذا خليت الموتر شغال وموجه للهوا
اختم بالشكر لكاتب الموضوع وكل من اضاف واثرى الموضوع
وكما قال الشاعر (شهلوها للخلا والهبوب تلوفها) ههههه
شكرا للجميع

ما تلاحظ فترة 10 دقائق كثيره جداااا
أخى الكريم مثل ما ذكرت سابقا فترة دقيتقين الى 3 دقائق كافيه ليبلغ المحرك درجة حرارة متساوية ،،، من أعلى المحرك ألى أسفله ،،، قبل أطفائه
وأكثر جزء يتأثر عند أطفاء المحرك فورا بعد الوقوف هى البلوف (تقفل) لان المنطقه هذه خصوصا أكثر جزء معرض للحرارة خاصة بلف خروج العادم

وأغلب البلوف لا تبرد بالماء يعنى لا يوجد بالقرب منها مجرى تبريد
تبرد بالزيت فقط ،،،
أعتقد بعد مشوار طويل وفي فتره الصيف خاصة أن ترك المحرك يعمل لمدة 10 دقائق
هذا يرهق المحرك كثيرا خاصة ان الحمل يكون على عمود الكرنك . (وزن - أجهاد )

عند الوقوف مطولا للضرورة يفضّل رفع سرعة دوران المحرك من 850 الى 1000 دورة في الدقيقه في هذه الحالة يعمل المحرك بكفائة عاليه أفضل من عمله على الوضع الطبيعي
عند 650 د ف د المعدل المعروف لدوران المحرك في أغلب السيارات . خصوصا v8
أخيرا ،،
فترة الانتظار التى ذكرتها ال 10 دقائق تسمي فترة التليين او التوزيع لحرارة المعدن
وكلام صحيح ،،، لكن أختلف معك في الفتره
أستفدت من ردك كثيرا :good:
بارك الله فيك

[مواسي الطعوس]

كلام سليم اخوي مواسي الطعوس وهذا دليل علا حب الخير لناس لاكن اسمحلي ادلو بدلوي وهو سوال ولو اني جاهل الان المعروف انك اذا كنت مسافر مثل من بريدة الا الرياض ووصلة الرياض ومع الزحمه والاشاراة ماتعتبر كافيه عن اني اهدي السرعه الا 100 او 80 وعن اني اترك الموتر شغال 5 دقائق والله يجزاك الف خير وتراني عقب ماعيلت صرت اثبت السرعه علا 120 علشان ماتقول اني من الي يطلقون الارض ههههههههه������

*******************************

__ الله يعطيك العافيه ....ومشكور على التوضيح والمرور .

__ والله نفس السؤال سألني شخص قبل كم يوم ..لو دخلت ديره ووقفت في اشارات؟؟؟؟ قلت هذه كافيه واحسن شي ..لانك رايح تمشي بسرعة 50 و60 داخل المدن .

__ لكن لو وقفت قبل تدخل الديره بشوي ...او كان السفر الى مكه ومشيت 400كم او 500 او 600 كم وجيت توقف لتستريح شوي . او من الرياض لابها ...اكيد رايح توقف .

[فلر]

انت مواسي الردود مهوب الطعوس :D
كلما احد رد نقزت بحلقه يا خوي وسع صدرك ترى كلامك ما يستند على اساس علمي ولا وين ها الكلام في كتلوجات السيارات ما قرينا عنه ولا بتبدع شيئ الي صنعوا السيارات ما فكروا فيه تراهم يجربون السيارات في جميع الضروف عشان ما تجي وتقول جوهم يختلف عن جونا.
ولا وش سالفه الكرونه الي لازم تهاديها عشان ما تصلب يا اخي الكرونه لاتعتمد في تبريدهاالا على الزيت وش علاقه انك تخلي السياره تشتغل 10 او20دقيقه واراح تبرد او تزود حرارتها ما دامها واقفه لانها غرقانه في الزيت تدري بس مانيب مكمل والله يعين على ردك;)

[وجعين]

اضم صوتي لك يا فلر وش دخل كوارين الموتر ودفرنساته هذولا اصلان يبردهن الهوه والسياره تمشي المكينه صح لاكن الي ماشي من مدينه الى مدينه هذا اول مايوصل البيت يطفي لان السياره اثناء دخول المدينه يبي يهدي ويوقف عند الاشاره وباالتالي تبرد السياره. الي مسافر وقف لصلاة اوعند استراحه غلط يطفيه على طول وتوقع فيه ضرر على المحرك خاصه اذا كان مطلقن الارض يعني اذاكان الوقفه عشر دقايق لا يطفي الموتر اما اذاكان يبي يجلس نص ساعه لا يطفي الابعد مايبرد الموتر خمس دقايق اتوقع كافيه

[مواسي الطعوس]

انت مواسي الردود مهوب الطعوس :D
كلما احد رد نقزت بحلقه يا خوي وسع صدرك ترى كلامك ما يستند على اساس علمي ولا وين ها الكلام في كتلوجات السيارات ما قرينا عنه ولا بتبدع شيئ الي صنعوا السيارات ما فكروا فيه تراهم يجربون السيارات في جميع الضروف عشان ما تجي وتقول جوهم يختلف عن جونا.
ولا وش سالفه الكرونه الي لازم تهاديها عشان ما تصلب يا اخي الكرونه لاتعتمد في تبريدهاالا على الزيت وش علاقه انك تخلي السياره تشتغل 10 او20دقيقه واراح تبرد او تزود حرارتها ما دامها واقفه لانها غرقانه في الزيت تدري بس مانيب مكمل والله يعين على ردك;)

******************************************

__ االله يعين عليك ...اقول وش اللي اتعبني ..اثري اناقز وانا مادريت ههههههههه.

__ التهدئه تبرد الماكينه وجميع الزيوت ...لكن بعد الوقوف التبريد للماكينه .
__ الشركات : لو اتكلم من اليوم الى شهر قدام مامريت على كل اخطائهم ...والدليل الاستدعااءت .

_ الشركات عندها اخطاء كبيره هي اللي تعدلها والاالصغيره ماتخبر عنها . والشركات ماهي فاضيه تعلم الناس ...يحبون بعد نهاية الضمان تخرب .

[جمس_454_97]

كلامك سليم 100%100
واحب ازيد عليه نقطه
الكفرات عندما تمشي بسرعه عاليه تحمى وممكن تتعرض للأنفجار او البنشر
وخااااصه بووقت الظهر واذا هديت تبرد الكفرات ويبرد زيت القير ولا ننسى زيت الدفرنس والمكينه
وهذا من باب المحافظه والاهتمام الزايد...

ولكن المشكله بمن يستهزي ويسخر بمن يأتي بموضوع متهوب عليه سواء كان كلامه صحيح او خطاء
اذا كان ترى كلامه خطاء رد عليه برد مقنع بدل من استهزائك يكون افضل
وجزاك الله خير على الموضوع يا صاحب الموضوع

[مواسي الطعوس]

__ 454 ....اشكرك على الاضافه ..... وبوجود مثلك يكتمل الموضوع .... واللي يناقش في بداية الموضوع طلع مشيه بالخط 100 فقط .!!!!!!!!!!!!!!!!! .

__ بعضهم وهو يقراء الموضوع ((شفايفه واصلات الجهاز ((براطمه)) زعلان بس يبي يرد . يحسبك تغصبه على هذا الشي .

[الساهر2003]

ههههههه
هلا بالجميع
هلا بصاحب الموضوع
بصراحة استخدم الطريقة هذي من زمن بعيد
اذا مشيت سفر او في الطعوس مسافات طويلة واحس ان السيارة مجهده اعطي وجه السيارة الهواء وافتح الكبوت واخليها تشتغل فتره بسيطه ثم اطفي
اكبر دليل شوف اللي يطعسون لو يطفي مباشرة على طول يقوس الراس
للمعلومية الشركات تعطيك الخطوط الحمراء يعني مثال يقول الحرارة طبيعية الى قبل الاحمر
والمعلومة الصحيحة انه في حال تغير مؤشر الحرارة عن المعتاد فانه فيه ضغط كبير على السيارة والمكينة
ومن نايحيت اذا وصلت بعد السفر اريح السيارة يعني افك الدعسه وتدحدر من 140 الى 80 وبتشوف الفرق في برودة السيارة
ولله الحمد اموري تمام

[مواسي الطعوس]

__ ياويلك يالساهر .... ليش تطبق الطريقه هذه الان يزعلون منك ؟؟؟ تحصلهم الان رافعين يديهم ويهوشون ((مايصير)) .

__ وبعضهم ((خشته)) تضرب الجهاز تقل ((بعير فاطر)) زعلانين عليك .

__ اشكرك على المرور .

[فواز الشيباني]

- الناس مارايح تنتظر 10 دقائق يكون متعب من السفر .

- افضل شي فتح الكبوت . وان حصل ناحية الهواء افضل ..

اخوي مواسي على فكرة هذي الطريقة هي اللي تعدم القزوز خصوصا اللي مسافر
الى مناطق باردة مثل الطايف والجنوب على طول تطق القزوز وتشعر

[ابن مكرز511]

الشياب الله يجزاهم عناء خير اذا سافرو الى مكان بعيد ووصلو تلاحض انهم يوجهون الموتر الى الهواء ويتركونه يشتغل 10دقايق سواءموتر صغير اومتر كبير للذلك ترى معهم علــــــم

[قدر مكتوب]

اخوي مواسي الطعوس بالنسبة لتبريد المكينة مااعرف ولا عمري جربت اطفي واشغل على طول والحل والربط عند اهل العلم من الفيزياء وميكانيكا السيارات والهندسة

مهما كان كلامنا والخلاف كلنا راح نرجع للعلم فقط هو من يفتي بالجواب الصحيح

بالنسبة للدفرنسات فاختلف معك شوي

اخوي الدفرنس ليه اخلية يبرد وهل هو اصلا حار يوم اهدي واخلي السيارة تشتغل عشانة
وبعدين الدفرنسات مالها علاقة بدورة التبريد اللي بالماكينة عشان اخلي السيارة شغاله عشان يبرد الدفرنس !!

اخوي مواسي الطعوس والاخوان اللي ردو وسعو صدوركم ترى الدعوى نقاش وتبادل اراء وكلن ماشي بدربة يعني مااحد يجبر احد على تصرف معين والكلام مايضر, اللي يضرب ظلك يعورك !!!

وسعو صدوركم ياجماعة

[مسير عليهم]

- الصمعاني اللي تكلمت عنه ((محمد الصمعاني )) ابو عبدالله وليس احمد ابو وليد راعي الترهيم .

الرجاء تأكد من الشي قبل ترد . لايكون اكبر همك المشاركه فقط . وماون رجال يقول امشي 100 والله يرحم والديك هو مسرع علشان يهدي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


والنعم فيهم كلهم لكن هل هم اللي صنعو السيارة وصلنا عام 2012 والبعض يمشي على كلام غيره وكلام المصنع في قريح

وليس همي المشاركة فقط بل اظهار الحقيقة وترك يقولون وقالو

كل الطرق اللي ذكرتها كانت تستخدم قبل 20 سنه وأكثر والصناعة تطورت

طيب في الشتاء لازم نحمي السيارة الصبح لمده 10 دقايق خاصة السيارات الجديدة واحط كرتون في الشبك :D





الشركات عندها اخطاء كبيره هي اللي تعدلها والاالصغيره ماتخبر عنها . والشركات ماهي فاضيه تعلم الناس ...يحبون بعد نهاية الضمان تخرب


الشركة مهيب ملزومه تجي تطق عليك الباب وتقول تعال اعلمك كيف طريقة الاستخدام عندهم مواقع ينشرون فيها الطريقة الصحيحة لإستخدام السيارة فبدل ماتنقل كلام يقولون انقل كلامهم الصحيح

[البواردي5]

1/ قبل ماتوصل مكان التوقف عليك بتقليل السرعه اذا تمشي 140 ((وهو الغالب للناس)) عليك بالتقليل الى 100 او 80 ان حصل قبل الوقوف بدقائق . للماكينه والقير والكارونه ((الزيوت تبرد))

كلام غير صحيح ولا يستند الى أدلة ،،،


2/ لاتطفي الموتر اتركه يشتغل ((دامك تتمغط ههههه))

تكون حرارة المحرك مركزة في الجزء الاوسط أسفل الراس وأعلى السلندر
المنطقه اللى يحصل فيها الأحتراق ،،، فالأفضل ترك المحرك شغال فترة دقيقتين كافيه
لكي يهدأ .

3/ افتح الكبوت فور الوقوف . لتخرج الحراره .
4/ اجعل وجه الموتر جهة الهواء . ولاتصير مثل اللي يوقفه تحت جدار حتى يصدمه .

هذا في حال الانتظار مطولا والمحرك شغال مع التكييف
بالرغم ما أنصح بعمل المحرك والوقوف مطولا .

أذا فتحت الكبوت الاهم هو :
فحص سير المحرك
البحث عن وجود تهريبات بعد التوقف (ماء او زيت او وقود )
فحص الاطارات من وجود تشققات مع ضغط الهواء
تنظيف الزجاج الامامي
التزود بماء كافى .





يازين كلام الفاهمين .

وانا اوافقك الرائي . لخبرتي المتواضعه.

[مواسي الطعوس]

يازين كلام الفاهمين .

وانا اوافقك الرائي . لخبرتي المتواضعه.

********************************

__ لخبرتك المتواضعه : سكوتك احسن من تقييمك . ومشرفنا سبق تناقشنا عن اسماء محركات الامريكي وصار الموضوع لصالحي وتم حذف الموضوع .

[vxr 1998]

*******************************

__ الله يعطيك العافيه ....ومشكور على التوضيح والمرور .

__ والله نفس السؤال سألني شخص قبل كم يوم ..لو دخلت ديره ووقفت في اشارات؟؟؟؟ قلت هذه كافيه واحسن شي ..لانك رايح تمشي بسرعة 50 و60 داخل المدن .

__ لكن لو وقفت قبل تدخل الديره بشوي ...او كان السفر الى مكه ومشيت 400كم او 500 او 600 كم وجيت توقف لتستريح شوي . او من الرياض لابها ...اكيد رايح توقف . يعطيك العافيه علا الرد والتجاوب

[ددسن مسدرك]

طيب اللي مثلي أنا أطفي الددسن قبل ما أوصل المحطة وانا أمشي 140
المهابيل اللي مثلي وش حلهم؟ أنا عارف اني مهبوول بس متعود على كذا ولا شفت اي ضرر الحمد لله هههههههههههههههههههههههههههههههههههه

[vxr 1998]

********************************

__ لخبرتك المتواضعه : سكوتك احسن من تقييمك . ومشرفنا سبق تناقشنا عن اسماء محركات الامريكي وصار الموضوع لصالحي وتم حذف الموضوع .

بس ياليت بعد حذف الموضوع ندري يعني يترك عنوان الموضوع فتره بسيطه ويوضح انه تم ايقاف الموضوع للحذف لاني سراحه ادوخ ابحث عن مواضيع ابغي اكمل الاطلاع عليها ولا احصلها بسراحه تعب والله يستر علا موضوعك من 👟!!!

[مواسي الطعوس]

- هم ماودهم تدوخ ...لذلك يحذف مباشره بلا اثر ............ الله يستر منك شكلك خطير . اللي تهقاه يصير .

[مواسي الطعوس]

طيب اللي مثلي أنا أطفي الددسن قبل ما أوصل المحطة وانا أمشي 140
المهابيل اللي مثلي وش حلهم؟ أنا عارف اني مهبوول بس متعود على كذا ولا شفت اي ضرر الحمد لله هههههههههههههههههههههههههههههههههههه

************************************

__ انت مسدرك صحيح والا بس كلام ؟؟؟؟

__ انتبه لايقفل الدركسون ؟؟؟؟؟؟؟؟؟ ههههههههههههههههه.

__ الطيور على اشكالها تقع ....لعل المهبول تصير سيارته مهبوله مثله ماتدري !!!

__ ان شاء الله انك مثل ارسال الجوال ماتبعد عن الديره ...واقصى سرعه 140 ثم تدور محطه مباشره .

__ صدق عاد ...والله اكلمك جد....انت تسافر ؟؟؟؟؟؟؟؟؟؟؟

[vxr 1998]

- هم ماودهم تدوخ ...لذلك يحذف مباشره بلا اثر ............ الله يستر منك شكلك خطير . اللي تهقاه يصير .

من عندي دربك اخضر لاني استمتع ببعض الردود واشوف نفسيات الناس لاكن عليك تصريح حاول تضبط الوضع قبل تجي تهقاه ونت عارف المقصود هههههه وارجو انك تتقبل كلامي بصدر رحب ;)

[ددسن مسدرك]

************************************

__ انت مسدرك صحيح والا بس كلام ؟؟؟؟

__ انتبه لايقفل الدركسون ؟؟؟؟؟؟؟؟؟ ههههههههههههههههه.

__ الطيور على اشكالها تقع ....لعل المهبول تصير سيارته مهبوله مثله ماتدري !!!

__ ان شاء الله انك مثل ارسال الجوال ماتبعد عن الديره ...واقصى سرعه 140 ثم تدور محطه مباشره .

__ صدق عاد ...والله اكلمك جد....انت تسافر ؟؟؟؟؟؟؟؟؟؟؟


هلا بك شفت شلون المهابيل اللي مثلي مالهم حل هههههه
ايه نعم الددسن عليه مكينه سدرك لا وبعد ابشرك ١٤٠ أعتبر نفسي ما اسرعت اذا جيت أسافر القارمن ما ينزل عن ال٢٠٠
و تسأل تقول انت تسافر. شكلك تستهبل انت يا حبيبي الددسن هذا رايح عليه لدبي و أبو ضبي الله يخليك هههههههههههههه

[ددسن مسدرك]

أذكرو الله قولو ما شاء الله

[البواردي5]

********************************

__ لخبرتك المتواضعه : سكوتك احسن من تقييمك . ومشرفنا سبق تناقشنا عن اسماء محركات الامريكي وصار الموضوع لصالحي وتم حذف الموضوع .


انا لست ممن يتكلم بالسان فقط شرواك....... بل امارس الميكانيكا من صغري.

واسماء المكائن وعدد الاحصنه هذي بأمكان اي شخص ان يحفظها واغلب الشباب عارفينه لاكن مايعرف يركب البليتين لاجاء الصدق .
لاكن لو تجي لمهندس وتقوله مكينه الاند كروزر كم حصان رايح يقولك مادري .
لاكن لوتجيب له مكينة بخيشه منثرة خلال يوم رايح يرجعها زي ماكانت.

[ماون ماركز]

الاخ ماون ماركز : ماعمرك سافرت بعمرك كله ههههههههههههههههههه.

_____ تمشي 100 انت موترك عليه خطر يتفتف من البروده .

_____ حنا نقول يهدي 100 او 80 وانت مهدي خلقه .....وافتح الباب وحط رجلك بالزفلت ((بريك)) ههههههههه.

_____ انت موترك ابرد من الموتر اللي واقف ...سرعة 100 . لايوجد لك مثيل في المنتدى ((انت تراث)) ههههههههه.

____ انت اللي مسكر الخطوط على الناس ..... هذا الفرد اللي يتمططططططط بالشوارع . ويعطل العالم .

____ المفروض يصير معك سياره ((ديزل)) عشان يعذرونك الناس ..... فورد و100 .....

_____ ماخرب معك ولاقطعه ولا فيه اصوات والماكينه ماخربت .....مابعد مشت تحت التمرين 100 ههههههههههههههههههههههههههههههههههههه.

___ الله يعين اهلك وعيالك وكل من يركب معك ......جهاااااااااااد ؟؟؟؟ ذكرتنا بسفر الاباء والاجداد !!!!!

____انت لاتعلم على نفسك ...لاتفطن الناس لك .....تراك تروح تشليح ؟؟؟؟ وش سعة ها الصدر .


____ انت احذر من القوقسي .....مارايح تصدم ابد .....ولو صدمت مارايح يجيك شي ...100 ....

لا يا عزيزي ..

أسافر ولا أخلي مدينة ولا دولة قريبة ..

الحمد الله من الدمام للرياض الى مكة .. والسرعة 100

سوالف وضحك وتمشي وأعصاب مرتاحة ..

أسافر بعقل عشان أرتاح ويرتاح من معي وترتاح سيارتي

أما أني أطاير تقل مهبول على أعصابي ومهدد غيري .. هذه ما تعلمناها

-

والسيارة ما خرب فيها ولا قطعة وكل شيء شغال ..

لأن اللي يسوقها أنا .. مو أنت .. :p

فهمت يا بعدي

-

القيادة ذوق وفن وأخلاق

تحياتي لك

[يكفيني نظرة]

للأسف كل اللي ذكرتها لا تقدم او تأخر بالمحافظة ع السيارة بالصيف
وبعدين .. السيارات اللي تشتغل بالبنزين ما يحتاج تنتظر لأطفائها



بالنسبة للمحافظة على السيارة .. أثناء الصيف

@حافظ على مستويات ماء الرديتر وعلبة الماء الزائد

@أفحص أماكن دخول الهواء للسيارة في مقدمتها

@أفحص المراوح الكهربائية للتأكد من عملها بشكل صحيح

@أفحص المروحة الميكانكية للتأكد من عملها الصحيح

@أفحص خراطيش الماء للتأكد من أنها لا تنغلق عند السير

@أفحص طرمبة الماء وأنها تعمل بشكل صحيح

@تأكد من عدم وجود تسربات وتنسيم بنظام التبريد للسيارة

@تأكد من غطاء الرديتر أنه يقوم بعمله على أكمل وجه

@لا تسرع .. أمش عاقل حسب السرعات المحددة

@لا تدوس للسيارة وتسوي نفسك أنك أحسن واحد وتقدر تتجاوز الأخرين

@عند الوقف بالزحمات .. أتبع نظام التوقف خلف الأخرين .. وهو ترك مسافة بحيث أنك تشوف كفرات اللي قدامك مو تلصق باللي قدامك ..


أما كلمة أنك مسرع وتهدي السرعة .. و تنتظر 5 او 10 دقائق عشان تطفيء الموتر
فهذه غير صحيحة يالغالي .. لا تسرع من الأساس ..

المحافظة تبداء من الصيانة الوقائية والقيادة الراكدة .. وفحص السيارة بشكل شبه يومي

وشكرا لك
اقول :
ماعقب هالرد رد..
عن خبره ودرايه ..
شفى الله والدتك ..
واخرج زوجتك من معناتها..

[مواسي الطعوس]

هلا بك شفت شلون المهابيل اللي مثلي مالهم حل هههههه
ايه نعم الددسن عليه مكينه سدرك لا وبعد ابشرك 140 أعتبر نفسي ما اسرعت اذا جيت أسافر القارمن ما ينزل عن ال200
و تسأل تقول انت تسافر. شكلك تستهبل انت يا حبيبي الددسن هذا رايح عليه لدبي و أبو ضبي الله يخليك هههههههههههههه

**************************

__ لا انا سألت هو مسدرك علشان القاري يكون على علم انك مغير الماكينه .....وقد يكون قبلك وهذا من المحافظه عليها .....هههههههه.

__ ماكينة السدرك ((اغلى ماكينه بالسوق)) 1400 ريال ههههههههههه. دس على كيفك .

__ اذا رحت للشمال او الجنوب اصعب من ابو ظبي او دبي ....والا علشانهن برا .

__ 200 قارمن يعني 210 ...... يعلمك ماون ماركز !!!!!!!!!!!!!!!!!!!!!!.

[مواسي الطعوس]

اقول :
ماعقب هالرد رد..
عن خبره ودرايه ..
شفى الله والدتك ..
واخرج زوجتك من معناتها..

*************************************

__ من شاهدك يا ابا ..............قال ....................


___ لاتصير تسافر وتمشي 100 .

[مواسي الطعوس]

ماشاء الله نصائح مفيده شكرا لك اخونا مواسي

******************************

شاكر لك مرورك ......الله يكفينا شر الحديد ....قولوا آمين.

[مواسي الطعوس]

كلامك على متمه فعلن مواسي الطعوس .. ترك السيارة تشتغل لبعض الوقت تطول عمر المكينة .. مجربها على سيارة فورد ومشاء الله ستة سنوات لا تنقص زيت ولا يطلع دخان مثل باقي الفورد

************************

__ ياعيني عليك يامدور الحقيقه ....الله يبارك لك فيها.

[بدوي جنوبي]

تم ايقاقف عضويتك لكتابة ردود غير لائقه


يغلق الموضوع