تربيط بالقصيم !!

[الأزرقاني]

السلام عليكم ورحمة الله

الله لا يهينكم بغيت أنشدكم ،،
انا معي جي اكس 2004 ،، وودّي بتربيطه

فوش أفضل محل تربيط له بالقصيم ..؟!

وعآفآآكم الله :)

[الربذي]

وعليكم السلام سالفة التربيط ماهي داخلة مخي ياكثر النصب اذا تركت السيارة عند الي مايخافون الله ينزل تحت ويشد لك مسمار ولا مسمارين ويقول 400ريال ؟؟؟
دور عن الي يوم تدفع 400 الا على شي يسوى وحتى الموتر مافيه اي صوت بعضهم يغثونك ماتروح الاصوت ولا يتغير شي الا اخذين فلوسك وبس
صراحة لازم واحد امين وانا ماني بالقصيم ولا اعرف ورشة معينة بالقصيم لكن ان شاء الله يفيدونك

[الأزرقاني]

بيّض الله وجهَك ..

[الأزرقاني]

وننتظر الأخوان :)

[AxR979]

و عليكم السلام

انا جربت النجيبان بعنيزة ربطت عنده ددسن تربيط كامل و شغله ما عليه بس مشكلته السعر و المدة يطول ..

[ابوسند9]

والله يا خوي
وش المقصود بالتربيط؟ ونا مع اخوي الربذي
وفلوس التربيط دور لك ميزان وانزل مع العامل وشيك بنفسك وشوف جميع الربلات اسفل السياره اللي تحتاج تغيير مثل الرباطات وربلات عمدان التوازن وكراسي البدي وكراسي القير والمكينه وركب المقصات والصليب والمساعدات
وصدقني راح تتغير عليك السياره 180 درجه
اما مسئلة التريبط والله لو تلحم المسامير وويش ما تربط وعضلات اسفل السياره متهريه ماراح يتغير عليك شي
وكلامي من تجارب

[يزيد 999]

أبد رح لم النجيبان بعنيزة انا وديتله الباترول وقالي ب250 من الصدام للصدام والمدة 3ايام بس رح لمه بوقت فاضي

[اتجاه السحاب]

ورشه الهبيش ببريده
شغله مضبوط لكنه مزحوم ..