افيدوني في سياره نيسان Titan

[الوعب]

السلام عليكم و رحمه الله و بركاته
اخواني كلفني احد الاصدقاء بالبحث عن مواصفات و مميزات سياره نيسان تيتان لانه ناوي بحول الله يشتري وحده
الي هي الغمارتين
بعد البحث عن الامكانيات و مواصفات السياره اكتشفت انها سياره زينه و تستاهل
طبعا مثل ماقلت الاربع ابواب
لكن لقيت فيه نوعين من السياره نوع SE و نوع LE ايش الفرق الي بين هالنوعين اذا احد يعرف
و اذا فيكم احد جرب السياره او يعرف عنها شي يقولي خصوصا في موضوع المواصفات
يعني مثلا ما راح ناخذ سياره جلد من داخل نبي مخمل و مثلا جهاز النفقيشن الـ gps ماينفع لانه مصمم في لامريكا بس و مثلا عداد الطبلون بالميل وليس بالكيلو مثل وارد الخليج ,, و غيره من المواصفات ايش المواصفات الي تنصحوني فيها و ايش المواصفات او الزيادات الي ماتنصحون فيها ,, يعني مثلا شي لو ما اطلبه في السياره يكون احسن او شي ماله داعي
ابي نصيحتكم يا اخواني
وانا ناوي اروح الامارات اشتري وحده من دبي هل فيه مكان القى فيه هذي السياره احسن من دبي
http://www.mekshat.com/pix/upload/images4/side_1.jpg

[الوعب]

السياره انتها امرها و اندفع عربونها و بعد اسبوع ان شالله بتوصل من امريكا
مع انه محد رد علي لكن للاجر و الفايده
بعد مارحت رجعت من السفر خصيصا لهذي السياره
عرفت انه فيها انواع من السياره و مواصفات
و المقصوت بكلمه انواع شي و كلمه مواصفات شي
الانواع:
- Le وهذا افخم نوع ( جلد , فتحه , دي في دي , جي بي اس , وحجم الرنق 18 انش , الخ الخ )
- Se و هذا النوع الزين ( مخمل , وبدون دي في دي حجم الرنق 17 انش )
المواصفات :
- فيه شي اسمه اوف روج يجي مكتوب ورى عند 4x4 وهذا يعني ان السياره مصفحه من تحت و الجامبينات مدبله من الشركه و فيه قاعده الونش ورى و موصل كهربا جاهز اذا تبي تقلص عربه فيها اسطابات و اشاراه ورى
- ون بكج : المناظر الجانبيه كبيره و مقسومه و تتحرك لبرى و داخل و دواسات
- تو بكج : القزازه الي ورى الي تطل على البدي ( الحوض ) لها زر ترتفع و تنزل بالكهربا و سيدي و سستم صوت
من الاخر اذا بغيت تشتري السياره شوف تبي جلد ولا مخمل و اطلبها ون بكج و تو بكج و اوف رود
السياره الي خذيناها Se تو بكج + ون بكج و سعرها واصل الدوحه بالجمارك بكل شي 140 الف