ياربع الطير مريض

[(شقاوي)]

عندي طير فرخ من امس والطير ما يكل شكيت انه مريض بالقلاع وديته لدكتور وعطاني 14 حبه كل يوم حبيتن مع بعض وكل حبه تختلف عن الثانيه وانا العام مات عندي طيرين وسبه القلاع والمشكله هي نفس لبحبوب الي عطانيه من قبل وماتت الطيور بصرحا ابي الفزعة انا مو مرتاح من الحبوب هذا احس ان الطير ما يتحسن والطير هذا طير لوين وخايف يلحق ربعه الي عندة خلفيه يفيدني بحبوب او .............الخ

[(شقاوي)]

ياربع الطير مريض

[ابوالجازي]

السلام عليكم يالشقاوي
الله يشفي طيرك ويهد معك مهاد طيبه
لكن انت ما علمتنا عن الاعراض اللي على الطير بس عيّا ياكل:confused:
اول شي مروشه سليمه مافيها لون اخضر فاتح
ثاني شي وجه الطير تحس انه متغير يعني عيونه مثلا تحس انه بارده او غايره
وبعدين الطير ماياكل ابد ولا ينتش من اللحم ويلفظه وهل قذف الطير
واي شي تحس انك مستنكره على الطير اذكره لنا
وبعدين اذا الطير بس عيا يعلف فقط لمدة يوم او يومين احتمال ان مافيه الا العافيه بعض الطيور اذا غلق اي اكتملت صنعته (وفيه نا س يسمونه عدته) في المربط يعاف العلف مدة يوم او يومين او ثلاثه
واذا انت حاس ان الطير تعبان الحق عليه وده للشرقيه لم الدكتورفارس التميمي بالظهران او الخبر
بحي الواحه قبل كبري البحرين وانت جاي من الرياض على طريق ابو حدريه على اليمين
اذا اردت رقم التيلفون اتصل على 905 واطلب عيادة الدكتور فارس التميمي لصقور
نصيحه اذا الطير تغليه لاتمرح الليله الاحول عيادة الدكتور ومش العايله على البحر:)

[مسافر1]

مانقول إلا الله يشفيه ..
ونراك عن قريب وتخبرنا عن صحته ..

[صقر]

الله يشفي طيرك ويلقيه الصحة والعافية وتهد فيه مهاد طيبة.

ما بعد كلام اخونا أبو الجازي كلام ... كفى ووفى .

وانا مؤيد لكلامه ... لاتمرح الا انت عارضه على الدكاترة المختصين.

والله الموفق

[طيرالحمــــاد]

الله يشفيه و يطلع من القرناس لك سالم انشاءالله ويهد معك مهاد طيبه يارب .

أن كنت حول الرياض وده العويدي تراه زين

وبشرنا عن حالته .




تحياتي / طير الحمــــــــــــــاد

[(شقاوي)]

السلام عليكم
ابشركم الطير بدى يعلف شوي وزان وجه وريشته تحس بس ياربع فيها اقلاع داخلي لما اعطية الحبوب مع الكفت الطير اطهر يدي من جوفه ويطهر في يدي رذاذ ابيض من داخل الجوف وانا في رجا الله وانشاالله الطير احسن الحين
واشكركم جميعا

[ابوالجازي]

وعليكم السلام
الله يبشرك بالخيرجعله مايشوف شر:)