ارجو الدخول للاهميه

[رساوي ربع]

السلام عليكم وراحمة الله وبركاتة

ياخوان انا محتار بين سييرا & شاص

مادري عن السيرا هو ينفع بالبر الطعوس انا كل اسبوع اطلع للنفود ومادري هو ينفع او ماينفع

السيرا يجي منه دبل وهل الدبل يدوي او زر وخفيف بالنفود

الشاص معروف

( بس حبيت المقارنه الله يجزاكم خير يارب )

[PHANTOOM]

ان شاء الله نقدر نفيدك
انا معاي جمس 2002 دبل وما شاء الله عليه في النفود بطل وقوته في مكينته
لكن طفشني الدبل كل شوي وهو خربان غيرت الدبل ثلاث مرات ...
بس في نفس الوقت انا استعمالي له متعب لاني تقريباً في الشتاء اللي راح ما فيه الا قوة تطعيس ومراقي عليه
باختصار موتر مريح وبطل اذا استخدامك له معتدل وخصوصاً الموديل الجديد Z71 1500 حوض قصير مكينته 5.3 وقيره 6 نمر شكله رزه واكسسوارته واجد ما عليك الا تطب EBAY وتتخير .

الشاص ما جربته لكن انا ضد كل سيارات تايوتا
لان كويله اكبر نصاب عرفه التاريخ والشاص ما فيه شي غير مكينه وقير ودبل وسست ابي اعرف على ايش 140 الف ما ادري لا ومركبه متعب لدرجه ما تتخيلها .

رأيي انك تاخذ سييرا 2012 بـ 107 او 110 ولا تاخذ شاص بـ 140 وفرق شاسع بالتقنية والراحة

[رساوي ربع]

جزاك الله خير

[احمدالصالح]

سييرا افضل من ناحية الراحه مايكسرالظرهمثل الشاص وخفيف ونشيط ويتحمل

[عاشق السيل]

خذ الشاص بحالة واحدة فقط >>>> إذا ناوي تبيع !!!

أما السييرا أفضل بمليوووووون مرة من الشاص خاصة بالمركب ....

[رساوي ربع]

انا مقصدي انه يكون نشيط بالنفود اذا اهم شي عندي موب مثل GMC الصالون من اول مايشم النفود غرز علطول يحفر هذا مقصدي

رقم 2 - الدبل يجي منه يدوي او زرار

3 - جزاكم الله خير على تعاونكم معي

[SAS2]

يالغالي السييرا افضل بالراحة والدبل ممتاز بس عيبه صرفيه البنزين وسلامتك

[رساوي ربع]

مايهمني بس اهم شي التحمل والدبل بس غيرة مايهم

والهم قطع غيارة موب غالي ومشكورين على مرووووووركم معي

[ابو فهد...]

الشاص قطع غياره ارخص ومتوفره
كلن يعرفله
مافيه حساسات زي الامريكي
دبله ارضي قير
بالنفود احسن من السيرا وبالتحميل والصبر وكذلك بالبيع يمسك سعره
ولكن مطبه قاسي
السيرا ١٥٠٠
راحه
الدبل ازرار
وحساسات تشغلك
السيرا ٢٥٠٠HD
احسن من ١٥٠٠لكن مطبه قاسي يكسر ظهرك وقطع غياره مهب متوفره
شف وجهة نظري اذا كنت تطلع دايم للنفود او انك راعي تحميل او راعي بيع شرا سيارات طق لك شاص والعكس صحيح

[ابو فهد...]

والشاص تراهم طلعو له حلول لتخفيف المطب
سحب سست وما شبه ذلك

[رساوي ربع]

بصراحه انا راعي نفود

وانشالله يكتب الي فيه الخير

على معلومك لتخفيف السست

مشكووووور اخوي ابو فـــــــــــهـــــــــــــد

[ابا الأفلح]

اجل خذ العلم اخذ شاص وجربه كم من يوم واذا ما اعجبك بعه واشتر الجمس بس عكس ما راح ينفع

[صياد الجبل]

الشاص يكفي انك تطعس بدون دبل


الدبل ماتستعمله الا بالتغاريز

ثاني شي اذا تبي شاص مريح

خذ الشاص ابو رفرف

7 سست خلفيه وياي مفتوح هذا مريح جدا عكس السلق

[ابو فهد...]

الشاص يجي ١١سسته فك ٥او٤او٣ وكل ما سحبت سسته خف المطب بس بالتحميل لازم تخفف عليه شوي

[طير شلوى نجد]

يالغالي السييرا افضل بالراحة والدبل ممتاز بس عيبه صرفيه البنزين وسلامتك
وانا اخوك ظلمت السييرا بانه يصرف بنزين بالعكس صارت من افضل السيارات توفير للبنزين اتكلم عن تجربه للشكل الجديد

[وجعين]

لا بلله انت قلته يحفر يعني ما يطلع نفسه مثل الباترول والشاص الشتاء هذا لقيت راعي سيرا فوق طعس والله انه حافر الين حك بطنه جره راعي شاص ونشب معه مهب عجز بشاص بس الواير مسك الشاص لا يقدر يرجع ولا يقدم الين جبنا واير ثاني وحطيناه بلباترول وجريناه وطلعن كلهن.الزبده السيرا انشط بواجد من الشاص بس لا يوقف بك يعني لا ترفع رجلك بنفود. ونت استخر ربك.

[ابوسند9]

اخوي
جرب الشاص الجديد مكينة فتك وياي واطرب نفسك
ان قلت خط خط
وان قلت نفود نفود
ون قلت جلد وصحراء كانك ركب سياره صغيره
وبالطرد على كيفك
والله يكتب اللي لك فيه خير وانت جرب افضل قبل ما تشتري

[رساوي ربع]

مشكوووووووووووووووورين كل الي ردووووو على الموووووووضوع

[PHANTOOM]

بحكم ان السييرا سيارتي اقولك هالموقف والله شاهد على هذا
مره كنت طالع للبر بلحالي وقلت يا ولد ما قد طبيت هالمكان توكلت على الله ونسمت كفرات الجمس ونوعها شاهين وهي افضل شي للنفود ناعمة واذا نسمت ما يعوقها شي .
الوكاد شبكت الدبل الخفيف ودخلت عقب ربع ساعة من المشي داخل النفود سمعت صوت قرقعه واطالع والا عصا الدبل تلعب مسكت العصا ولا هي خفيفه وفك الدبل وصرت امشي بدون دبل صراحة خفت لان ما حولي احد والجمس ثقيل انا بدون دبل .
سميت وتوكلت على الله ورجعت والخط بعيد عني شوي شوي بديت اثق بالموتر والله العظيم ان المشي فيه بدون دبل قمة الوناسة ما فيه الا قوة لعب بالنفود حسيت اني راكب هيلوكس بس 8 سلندر بس طبعاً المراقي الكبيرة ما يطلعها بدون دبل بحكم حجمه المهم رجعت يم الخط وشفتلي طور وطلعت الموتر فوقه وقفت ونزلت تحت الموتر لقيت الوصلة اللي بين الدبل والعصا منفصلة وتلعب وهي مصدر الصوت رجعت شبكتها ورجع الدبل تمام .

الخلاصة اللي يقول الجمس ما ينفع بالنفود ما عنده سالفه الجمس بطل بس دبله يا انه حساس او نحاسة فيني .