لا خاب من استشار (ارجوا الدخول لا هنتوا )

[ابومازن2]

الي الاخوة الاعزاء
السلام عليكم ورحمة الله وبركاتة

( لا خاب من استشار ) من هذا المبداء حبيت ان يشاركني فيه اهل الخبرة في هذا المجال او من مرت علية هذة التجربة من واقع تجربة وليس من واقع ( سمعت ) .
حبيت ان اقتني جيب سفاري عائلي موديل( 2000 ) قير اوتومتيك واضع خط تحت قير اتومتيك .
فحبيت من اهل الخبرة أو من لدية علم ان يجاوبوني عن مميزات وعيوب القير ( ان وجدتت )

ومن اجتهد فله منى الدعاء في ظهر الغيب
وشاكر حسن تجاوبكم

تحياتي لكم جميعا

[الدليله1]

اسمع بارك الله فيك يعيب القير التماتيك في السفاري القديم ان المبرد التابع للقير داخل الاديتر وهذا يسبب ان المواصير تتلف ويخش الماء الى القير وهذه مشكله خلاف الموديلات الحديثه حيث تم وضع مبرد خاص للقير التماتيك والمعلومات التي ادليت بها سبق ان حصلت مع صديق لي ---امل ان اكون قد افتك وتقبل تحياتي

[عاشق السيل]

وعليكم السلام ورحمة الله وبركاته ،،

أنا معي 98 تماتيك وهو نفسه 2000 ،، الموتر رهيب ومافيه كلام صبور جدا مريح جدا واقتصادي أكثر من القير العادي ،، قطع غيار ( أغلبها ) رخيص رغم قلة الطلب إذا حافظت عليه ،، بالحرارة ممتاز والتكييف جيد ،،

عيبه الوحيد عزمه بالصيف تعبااااااان جدا ،، لكن اللي سواقته هادية وراكدة تمشي أموره وماراح يتضايق !!

سؤالك عن القير : التماتيك مافيه شك إنه أفضل من العادي من نواحي وهي قلة استهلاك البنزين وراحة السواقة بالزحمة ،، لكن يحتاج مراعاة مثل تغيير الفلتر والزيت كل 50 ألف كيلو ولا تجور عليه بالبر ولا تنقله من ريوس لقدام أو العكس إلا إذا كان الموتر واقف تماما ،،

والعادي أفضل منه من ناحية العزم والتحمل أكثر ... هذا اللي عندي والله يوفقك لكل خير !!!

[راعي البرهـ]

وعليكم السلام
ابو مازن
نصيحه خذ التماتيك وريح راسك
والله يا العادي متعب في البر وفي المدينه
اغلب ربعي معهم تماتيك ولا شافو منه عيب وانا معي عايدي رافع ظغطي
موفق

[ابومازن2]

الدليله1
عاشق السيل
راعي البرهـ

الله يعطيكم العافية ويرزقككم من حيث لا يحتسب ويجعلها في ميزان حسناتكم ( يارب العالمين )
وشكرا على تواصلكم وشرفني مروركم الكريم

[HCW]

اسمع بارك الله فيك يعيب القير التماتيك في السفاري القديم ان المبرد التابع للقير داخل الاديتر وهذا يسبب ان المواصير تتلف ويخش الماء الى القير وهذه مشكله خلاف الموديلات الحديثه حيث تم وضع مبرد خاص للقير التماتيك والمعلومات التي ادليت بها سبق ان حصلت مع صديق لي ---امل ان اكون قد افتك وتقبل تحياتي

اخوي تصحيح لمعلوماتك
المشكله اللي تتكلم عليها جات في موديلات 2002 و الى 2009 اللي هي 4800 vtc
اما 1998 الى 2001 مافيها مشكله في مبرد القير.

[abo naser 1]

السلام عليكم

القير التومتيك راحة وقلة صرف صبور في النيسان لآكن ماهومثل صبر العادي ويعيبه ضعف العزم خصوصاً بالصيف لآكن مراوح الكهرباء تحسن ادائة بس الله الله بالموتر النظيف

[ابومازن2]

HCW
ABU NASER 1

الله يعطيكم العافية ويرزقككم من حيث لا يحتسب ويجعلها في ميزان حسناتكم ( يارب العالمين )
وشكرا على تواصلكم وشرفني مروركم الكريم
تحياتي لكم

[باترول5600]

الله يكتب لك مافيه خير وصلاح

ولكن عزمه تراه بالحيل ردي , وفي الصيف وانت مشغل المكيف مايمشي ابد , واذا دخلت النفود يطيح عزمه
بختصار شديد كنه ديزل
فنصحيه اخويه لاتاخذ التماتيك الا من 2002 وفوق او خذ لك قير عادي

كلام من واقع تجربه .

[ابومازن2]

باترول 5600

الله يعطيك العافية ويرزقكك من حيث لا يحتسب ويجعلها في ميزان حسناتك ( يارب العالمين )
وشكرا على تواصلك وشرفني مرورك الكريم
تحياتي لكم

[يزيد 999]

أخوي نصيحة ابعد عن الموديلات 98_2001 بالباترول لانهن الاسوء من ناحية خرابات و ((ضعف العزم))
يعني إنجاز يجيب فوق 140
واذا ماقتنعت مر المعارض وجرب وتقتنع
(( يبي يبهذلك وأنت بكيفك))..

[كيري ميري]

ممتاز لكن النفود ثقيل