تكفوون ابحث عن هذا العيار داخل وخارج السعودية من يستطيع أن يدلني

[B.L]

السلام عليكم ورحمة الله وبركاته

الحقيقة بحثت عنه في كل مكان لم أجده يقولون خلاص مايجي للسعودية حاولت ابحث عنه في مواقع الشراء مثل امازون وايباي ولم استطع ان أجده

من يستطيع ان يدلني على موقع يبيعه هذه الايام لايقول قبل سنة لأن له كم شهر بس منقطع

وهو عيار ميشلان الصغير بدون لي هواء

هنا الصور


بس تأكدوا من شعار وكتابة اسم ميشلان لأنه يوجد تقليد

http://www.up.qatarw.com/up/2012-05-06/file1077808769.jpg

http://www.up.qatarw.com/up/2012-05-06/file701292504.jpg

[PATHFINDER 4]

نوعية ممتازة عند واحد من الزملاء ويجي معه جراب جلد اسود
لو عندي خلفية عن مكان بيعه افدتك

[أبوعبدالله202]

في الغرابي اذا دخلت من عند الخيام متجه شمال ثاني عمارة على اليمين المحل الي قبل الاخير سعرة 110ريال

[قناص 28 عفيف]

رح لوكيل ميشلان ودورهم عنده وان شاء الله تحصلهم

[باترول 4500]

وعليكم السلام
فيه عند السنيدي للرحلات مثل الشكل بالضبط بس مادري هل هو ميشلان ولا لا

[نصب وعينك تصب]

فيه في ساكو بس الصناعه صيني

[B.L]

وصيت واحد بالرياض يروح ماحصله

لو أحد يفيدنا الله يجزاه خير

ولو قدر ياخذ رقم تليفون المحل بعد افضل

وجزاه الله الف خير

بإنتظار فزعاتكم

[You Like Me]

نفس هالجهاز انا شايفه قبل اقل من شهر في الغرابي
عند محل السماعيل او السعيد والله ماتذكر بالضبط المهم انه بعد السليماني على طول
وهو الوحيد لإني كل من سألت قالي ماراح تحصله الا عند هالمحل

لكن فيه النوع الآخر الرقمي
انا مجربه له عندي الان سنه وسته شهور بالضبط
ممتاز بمعنى الكلمه
ادخل هالرابط المشكله الرجال ماحط رقم التواصل لكن تواصل معاه ع الخاص
ممكن انه موجود والله يسمح امرك
الجهاز اللي عندي نفس اللي موجود بالموضوع

عيار هواء ماركة ميشلان (( رقمي )) (http://www.mekshat.com/vb/showthread.php?t=496751)

[سلمان 2000]

هلابك اخوي انا عندي واحد زيه شاريه من الغرابي وانت متجه غرب في شارع الريل اول اشاره عدها
وخش يمين في مدخل قبل الاشاره الثانيه تقريبا ثاني محل او ثالث محل يبيعه والمحل يبيع وايرات قلص وسبت وغيرها والمعذره نسيت اسم المحل

[do7my]

الحين ماعاد يجي مشلان

يجي وندر wonder وهي نفس الشركه اللي تصنعه ولو تطالع الصوره تحصلها مكتوب وندر عليه

وتغير شكله شوي موب نفس الشكل اللي بالصور فوق



وكيله المحيميد في شارع الريل
موقع المحل اخر اشاره في شارع الريل وانت متجه شرق جهة الصناعيه ديور معها
بعدين اول شارع يمين خش معه ماريته فيه طلعه
تحص المحل ثالث عماره على يدك اليمين
العماره رخام رمادي

سعره 110 ريال

او عند محل السلام في شارع الغرابي بـ 130 ريال