شباب بركب زينون على الاكسبلور !

[Forrd]

بسم الله الرحمن الرحيم
السلام عليكم
شباب الان بركب زينون على اكسبلور 2006
شفت كثير يقول لازم ترهيم أو ما يركب او الاكسبلور ما يركب عليه
بس شفت أكثر من اكسبلور من زمان بالاشارة مركب زينون وكنت بسأله
لكن ما قدرت :D
المهم الان بركب زينون فيه اللي بيقول ما يجي الا خط واحد
بصراحة مش مهم بالنسبة لي
لان دائما استخدم السكن + الكشاف .. يعني الواطي والعالي ما استخدمه الا نادر
وبالتكيبس بس
المهم بركب زينون كم يكلف ومن وين
وانا بالرياض

[الصيادالمليح]

اولا لازم تشتري لمبات الزنون مع القاعدة تبعها
وتشتري كتاوت وتوصلها بالبطارية عشان لا تضعف البطارية
ولا زم يكون اسلاك التوصيل من نوعية اصلية وتتحمل عشان لا تتلف بسرعة
و اشتري زر فاصل عشان تشغله وقت ما تحب
ودور لك على كهربائي فاهم عشان لا يجيب فيك وفي سيارتك العيد

[m3ax]

الشغله ما يبيلها شي وانا كنت مركبه على موتري وفكيته لأنه ما اطربني مثل نور الوكالة وبسبب مشكلة طلعت لي وهي ما تعتبر مشكلة بمعنى الكلمة لكنها ضايقتني ..

اول شي الزنون ما راح ترتاح معه إلا إذا رهمت عدسات انفنيتي لنورك لأن نور الاكسبلورر منتشر وفارش الخط مو مركز مثل السيارات اللي فيها عدسات لذلك ما راح تستفيد منه الا في التكبيس وانك تأذي خلق الله فيه وللعلم ترى اضاءته في الليل على الخطوط الطويله مؤذيه حتى لعيونك والله كنت ما اصدق اوصل البيت اذا كنت مسافر من الصداع ووجع العيون

والحل إنك تركب عدسات زي ما قلت لك وفيه محلات ترهمها لك وتكلف تقريباً حدود 1500 ريال اذا ماني غلطان ..!

المشكلة اللي واجهتني طال عمرك هي انه يجيني تحذير في شاشة الطبلون بعد ما اكبس بالموتر كبستين ورى بعض يقول شيك النور العالي يسار ثم بعدها بشوي يجيني شيك النور العالي يمين ولازم الغيها بزر ريسيت

واذا طفيت السيارة وشغلتها من جديد وكبست كبستين ترجع لي نفس رسالة التحذير كأن الكمبيوتر ما تعرف على الشمعات الجديده وفكيته بعد حوالي 5 شهور من تركيبه

[thandar]

السلام عليكم
اخوي الزنون ما يجي خطين الا كلهم زنون يعني العالي والواطي وهذا ما يعيش كثير حده شهر او شهرين ويسبب لك مشاكل بالكهرب اما اللي يقول العالي زنون والواطي عادي كذاب هو مرهم له لمبت الكبوت الخمسين واط وما تصلح ولا بريال
احسن شي ركب للكشافات زنون خط واحد
وخل حق الوكاله الاصلي وهو يكفي للسفر ولا يضر احد