يااهل الباترول مشورتكم للي عنده خبره

[سطامكو]

السلام عليكم
ياأخوان ليت اللي عنده خبره يفزع لي ويعطيني رأيه
هل تعديل مكينة الباترول 4200 موديل 91 كربريتر من عامود وكامات وديلكو كهرب واسلاك بواجي رياضيه وكربريتر رياضي وهدرز وفلتر يضبط فيه عزم الموتر والا لا
لأني بصراحه كنت ناوي اركب مكينة لكزس ورحت للامارات وحصلت واحد متخصص بالباترولات وقال اعدلك مكينة البلد افضل من اللكزس علما ان قيمة شغله يعادل تركيب مكينة اللكزس عندهم ويمكن اكثر وانا والله مالي خبره بهالامور
وجزاكم الله خيرا

[sgl2002]

اذا انت بتستخدمه تطعيس فقط فاحسن عدله
اما اذا استخدام يومي وسفريات وتطعيس فالاحسن مكينة لكزس

[سطامكو]

لاوالله استعمال خط ونفود
بس سقت موتر عليه مكينة لكزس وضاق صدري من قومت الموتر ثقيل مره
موتري البلد افضل منه بواجد
والرجال اللي يبي يشتغل لي الموتر راعي خبره فيهن ويقول يجيب على الخط 210 سلام سلام والفزه يقول نفس فزة الفتك طبعا بعد التعديل
مازلت متااااابع هل كلام الرجال صحيح ياللي مجربين او لا؟؟؟؟

[4800VTC]

الاخ \سطامكو
كلام صاحبك صحيح من ناحية القوة
و المكينة بعد التعديل(البلد) راح تكون فيها قوة خرافيه

ولكن؟؟؟؟؟؟؟؟؟؟؟
راح تبداء معاك المشاكل و اولها الحراره والخرابات ف الكبريتر

(الخلاصة)
اذا انت راعي خطوط ما راح تنفع معاك المكينه نهائيا
و اللكزس افضل منها بكثير
اما اذا انت راعي بر فقططططططط اقدر اقول ممكن تركب

[العنابي 616]

أقولك بصراحه إذا عدلت مكينتك فأنت خسران 100 %
مكينتك بلد 168 حصان لو بتعدلها ما راح تتعدى ال 210 حصان بأي حال من الأحوال
و بالنسبه للباترول اللي عليه مكينة لكزس اللي جربته واضح إن فيه بلا
قبل كم شهر رحت أنا و يا واحد من الشباب الإمارات ركبنا لسيارته مكينة لكزس 98 و الحمدلله عزم سيارته أحسن بكثيييييييير من البلد و يطلع على الفكسار و الفتك قومه و خط
إسأل مجرب و لا يغرك الكلام

[You Like Me]

والله سالفه انك تشتغل على مكينة البلد مكلفه ولا منها اي فائده مرجوه
مكينة النيسان القديم 4200 فيها الصبر فقط غيره ماتنفع ولا بريال
وانصحك تشيل فكرة التزويد على مكينة البلد
انا مادري انت جربت سياره عليها عامود ؟؟؟
العامود شغل مرهمات وسياره ماتشغلها الا للبر فقط اما استخدام يومي وعامود ماينفع
السياره ماتصفى اذا واقفه زد على ذلك عيونك بتصير مثل السياره ماتصفى مدمعه على طول ههههههه
وغير ريحه الكربون اللي بتصير معك جوى الغماره وهذا طبيعي لذلك اقول شل من بالك فكرة التزويد وانت راعي خطوط واستخدام يومي وياليتك بتزود على مكينه بتشوف هبال اذا اشتغلت فيها
اذا بتشتغل اشتغل صح وخل عنك 4200 لو عليها تيربو ابعد عنها
كمل مشروعك اذا ناوي على اللكزس والا خذ لك مكينه نيسان 4500 بخاخ واشتر راحتك

[abo naser 1]

السلام عليكم

اذا بتزود على 4200 تراك بتوصل مبلغ 8000 - الى 10000 وغير ذلك منت سالم من مشكلة الحرارة والتفتفة والتقطيع ولا العزم بيصير طيب

بقيمة تعديلها ركب 4500 نيسان تركب على نفس الكراسي مع مراوح وهدرز وفلتر تراها على بدي 97 ونازل طيبة وركب اديتر فكسار 97 وانس الحراره وبتكلف اقل من تعديل 4200 وكل يوم مشكله

اما الكزس زينة بالديرة والخطوط لا كن شغل الدبل في النفود يموت حيلها مافيها تورك مصممة لموتر سيدان وهادي

واذا تبي مكينة 4500 نيسان موجودة عند واحد من الربع نظيفة ويشرط عليها بدون ملحقات اذا تبيها كلبريتر او بخاخ انت وهواك بس حسب ما سمعت ان 4500 بالكربريتر انشط من البخاخ

[سطامكو]

مشكورين يالربع وماقصرتوا على ارائكم
وشكلي ابرسي على ال4500 كلبليتر دام الوضع كذا لاني اتوقع تركيب البخاخ شغله كهرب وظفيره والا انا ترى ماأبخص زين بهالامور
ابو ناصر ليت ترسلي رقمك مشاركاتي ماوصلت ال50
باخذ علوم المكاين اللي ذكرت
واكرر شكري لكل اللي تفاعلوا مع موضوعي
وبعطيكم العلوم بعد التركيب باذن الله ودمتم بود

[التعـ King ـديل]

سطامكو

لاتعدل ولا شي خلك على مكينه البلد وركب بعض القطع اللي ماراح تكلفك واجد

اما اذا تكلفه موترك تجاوزت ال 3000 ريال .. هنا اقولك وقف وركب مكينه لكزس

[سطامكو]

يالكنق وش مثله القطع
غير المراوح والهدرز والفلتر
وهل هدرز الصفدي هو افضل الموجود بالسوق الان

[عصاقيل الدخله]

ركب مكينة فورتك 5.3 عمليه وانشط من اللكزس ولا فيها خراب
الله يوفقك

[abo naser 1]

يالكنق وش مثله القطع
غير المراوح والهدرز والفلتر
وهل هدرز الصفدي هو افضل الموجود بالسوق الان

السلام عليكم

رقمي جاك على الخاص

وبالنسبة لهدرز الصفدي لا يقربك انا مجربه تهاريب في الوجية وشيالات تطيح وصواميل تنحل وانسيابة الهواء في المواصير معدومة لا وفي الأخير دبة يوكن كاتمة

انا مجرب ما اقول يقولون في مكينة V8 على نيسان ورجعته لهم مرتين والثالثة انا رهمتله وجيه والموتر مامشا 2000 كيلو فقط المواصير قريبة لم علب الكلتش تعطبها وقريبة لم الكرتير تزود حرارة زيت المحرك