ماهو أفضل ونش للباترول

[جنط]

السلام عليكم ورحمة الله وبركاته

مساكم الله بالنور و السرور

ودي يا جماعه اركب ونش ع الباترول رغم ان ما بقى الا الونش و لله الحمد

ما هو افضل ونش وكم طن وكم طول الواير حقه وياليت لو فيه شرح لتركيبه

الان ودي اشريه جديد واركبه انا وكم سعرهـ جديد وما هو صناعته


تحياتي لكم

الموقع الرياض

[PATHFINDER 4]

وعليكم السلام ورحمة الله وبركاته
الاغلب يركبون ونش وارن (warn) نوعية جدا ممتازة واشوف اغلب المواتر يركبونه
وبالنسبة للباترول ٤ طن مناسب جدا
طول الواير ماعندي خلفية
الاسعار حسب قوة السحب من ٢٧٠٠ الى ٣٥٠٠ وتزيد هذا الجديد
والتركيب له سعر لحاله ٣٠٠ الى ٤٠٠ ريال تقريبا
انصحك تشوف المواضيع المميزة فيه كذا موضوع عن تركيب الونش ومصور وشرح
مواقع البيع عندك السليماني حي المرسلات تقاطع الملك عبدالعزيز مع شارع الجامعة

[PATHFINDER 4]

وماشاء الله عليك وعلى موترك والله يكتب لك الخير
ويفيدونك الاخوان

[HCW]

السلام عليكم ورحمة الله وبركاته

مساكم الله بالنور و السرور

ودي يا جماعه اركب ونش ع الباترول رغم ان ما بقى الا الونش و لله الحمد

ما هو افضل ونش وكم طن وكم طول الواير حقه وياليت لو فيه شرح لتركيبه

الان ودي اشريه جديد واركبه انا وكم سعرهـ جديد وما هو صناعته


تحياتي لكم

الموقع الرياض

السؤال الاول كيف استخدامك للونش ؟
بشكل اسبوعي و متكرر؟
ايش راح تسحب فيه سيارات مغرزة في رمل او طين او في جبال؟
كم ميزانيتك؟

[aser25]

وفقك ربي لما يسرك

[هايبر]

مساء الخير.
بعطيك تجربتي يمكن تفيدك .
ركبت وارنر 4 طن من عند السليماني على ربع تويوتا قيمته 4000 + 800 تركيب طبعا الونش ما يحتاج ممتاز و لو ان سعره غالي .
انا مركبه لي سنه الان ما عمري استفدت منه لي شخصيا كل الفايده لغيري لكن وقت الحاجه جاهز و الصراحه عليه قوه شي عجيب .في البدايه كنت استخدمه بكثافه و لان صفط الواير بعد السحب متعب صرت استخدمه في الحالات الصعبه فقط لان اذا مديت الواير لازم تسحب سياره لين ينصفط اذا صفت الواير بدون سحب ما ينصفط زين يجيك ما هو مرتب في البكره و يتعفط الواير .طبعا طول الواير 30 متر الغالبيه مقاسها واحد
لازم تعرف طريقة استخدامه علاشان تستفيد منه صح
1- حاول تريح الونش اثناء عملية السحب علاشان يبرد يعني لا تسحب اكثر من 1 متر بدون ما توقف شوي علاشان يبرد لان اذا واصلت تسحب مده طويله ممكن يحترق.
2- حاول انك ما تمد الواير كثير لانه يزيد الحمل على الونش كل مازاد طول الواير.و لو انجبرت تمد الواير كله لازم تترك 5 لفات في البكره علاشان ما ينطلق عليك .
3- حاول انك ما تخلي الواير يصدي بقدر ماتقدر تستخدم مانع الصدى له من فتره لفتره
4- اذا جيت تصفط الواير لاتقرب يدك من البكره لانها خطيره
5- لا حد يقرب من الواير اثناء السحب
6- لاتسحب سياره اذا كان و زنها اكبر من امكانية الونش
7- لازم تكون السياره شغاله و قت السحب
8- تقدر تخفف الضغط على الونش اذا كان السياره صعب تطلع من التغريزه عن طريق استخدام بكره خارجيه في سياره ثانيه بحيث يكون شكل عملية السحب مثل رقم ثمانيه بالعربي .
ملاحظه ( رأي شخصي) :-
فايدة الونش لغيرك 95% و لك 5% تقريبا
و القرار راجع لك