افضل كفرات جنط 17

[لاند 2003]

السلام عليكم ورحمة الله وبركاته
ابسأل سؤال لأهل الخبرة :good:
وش افضل كفرات قالوا لي دنلوب :good2:
طبعاً لاندكروزر 2003 المقاس 17
وأاااااااااااهم شي وين الاقي الاصليات فيه وش الفرق بينها :D وبين التجاري وسلامتكم :D

[شاعر وحساس]

الاصليات تلقاها عند الوكيل في شارع خريص بعد المعارض

وكيلها بقشان
اما اللي ماهي اصلي مستورده من دبي
احرص على الوكاله
والتاريخ يكون جديد وخلهم يركبون لك بلوف وكاله قصيره ماهي مثل التجاري طويله
والله يعطيك خيرها ويكفيك شرها

[أبومسعد]

والله من خلال تجربه لقيت الدنلوب احسن شي ...
بالرمل لين وبالشعبان ما ينوكل وإذا صلخ لا قدر الله ما يعدم الرفرف

بالنسبه للاصلي من الدنلوب وكيله (بن زقر).
وشكرا.....

[لاند 2003]

ياماااااااااااااااااااااااال العااااااااااااااافية يالي ردو الله يجزاكم كل خير ويخليكم لعين ترجيكم ....
بس احترت ياأخوان هو وكيله ( بن زقر) ولا ( بقشان)؟؟؟!!! :confused:
عطوني اجابة شافية ووافيه :good2:
الشي الثاني ياطويلين العمر والسلامة وين المحل الموثوق اللي عند الأصلي في الغــــــرابـــــي بالرياض
واعيد واكرر للأهمية وشلون افرق بين الأصلي والتجاري ؟؟؟
موفقين لخير وعسى الله يحفظكم من شر ومكروه

[ابو فهد...]

شف الطيار بمخرج 14 او 15 الي عنده اصلي ومجرب واطلق كفرات دنلوب للاندكروزر

[You Like Me]

الوكيل بن زقر
الاصلي الياباني طال عمرك
حتى لو لقيت ياباني غلافه او القراطيس اللي عليه ماهو بن زقر لا تاخذه

[ابونبيل]

احرص انك ماتاخذه الا من الوكيل