قوم تعاونو ما ذلو [الأرشيف]

رحال العمر 80

16/05/2012, 01:24 AM

تحية طيبة للجميع
الصراحة بعد الغش المتكرر لي ولمن اعرفهم عند تغيير زيت السياره
سؤا بزيادة الاسعار او وضع زيت مغشوش في العلب البلاستيكية
اخر مره لقيت العلبه البلاستيكية حقت الزيت ملزقينها بغراء قوي
والعلبه مستخدمه من اول

قررت اني اغير الزيت في بيتي انا والاخوان ونرتاح من نصب محلات غيار الزيوت
وجهزت فكره في بالي بطلعكم عليها بعد تجربتها على الواقع واذا نجحت عممناها للجميع حتى كل شخص يغير الزيت في بيته لان مشكلتنا في حفرة الزيت والتكلفه العاليه لعمل سنادات للسياره في حوش البيت
ففكرت انا واخوي بفكره تحت التجربه ما تكون غاليه لرفع السياره بالحوش وما تحوس عليك الدنيا وتخدمك اذا لك رغبه ترفع السياره بتصلح فيها شي او صيانه سفليه او تعلق الموتر لاي غرض في نفسك
والاهم هو تغيير الزيت في البيت وبلاش كسل

طبعا اذا تمت التجربه بنجاح بقدمها هديه لكم و لوطني الحبيب و لجميع المواطنين المنصوب عليهم
وبنزل موضوع خاص بهالطريقه

لكن الموضوع الي انا كتبت هالمقدمه عشانه وابي مساعدتكم فيه
هو اين اجد موزعين الزيت الاصلي بالجمله في الرياض
هل هم في مخرج 17
او في شارع الريل
او في الغرابي

ارجو الرد سريعا لاني ناوي بمشيئة الله انزل الخميس القادم العصر وابحث عنهم
واختصارا للمشاوير ودي اعرف مكانهم على طول
ويد على يد تساعد
والمصلحه اخيرا للجميع

بس ياليت الي يعرف شي عن هذا الموضوع يكون
وصفه دقيق جدا

وشكرا للجميع

سوبر مكشات

16/05/2012, 04:27 AM

دواعيس البطحاء والغرابي
ما اقدر اوصف بهن
لكن انشد هالعمال يدلونك

شارع الريل في اخره قبل محلات الكفرات فيه 5 محلات يبيعون زيت
وبالصناعيه القديمه بعد السالم ووجهك شمال فيه كم محل عاليمين

وفيه واحد بحي السلام يبيع بسعر الجملة
اذا دخلت من ال100 على عبدالله بن عباس ووجهك جنوب اول شارع30 يمين بعد نص كيلو تقريبا يجيك عاليسار والله اعلم

وبانتظار تقريرك

موفق

لاتكب البيالة

16/05/2012, 04:35 AM

السلام عليكم
عندك بالريل
وعندك ايضا بالصناعية القديمة اذا انت بالدائري الشرقي اطلع غرب مع مخرج 17 ابتل كم اشارة اذا جاك كبري تنزل تحت بيجيك تحت مخرج يطلعك فوق اطلع ومع الاشارة رح يسار وامسك الخدمة وبتشوف المحلات يسار

رحال العمر 80

16/05/2012, 05:51 AM

اشكركم
اخواني الاعزاء
يا سوبر مكشات
ولا تكب البياله
على مروركم
ولكن السؤال هل الزيوت الي يبيعونها اصليه
اقصد احد منكم قام بتجربتها
السؤال الثاني للاخ سوبر مكشات
ارجو اعطائي وصف ادق للموقع الموجود بحي السلام

شاكرا لكل من رد على الموضوع ومن سوف يرد
اتمنى ممن لديه معلومات بخصوص هذا الموضوع لا يبخل علينا

يزيد 999

16/05/2012, 06:44 AM

السلام عليكم انشاء الله يفيدونك الاخوان
أخوي لاتكتب انشاء الله اكتب ان شاء الله

m3ax

16/05/2012, 07:19 AM

كاشت وحداني

16/05/2012, 07:43 AM

المشكله هل اللي في الغرابي موثوقين
لان مره جات دينا مصندقه وعليها شعار شركة زيوت معروفه بدون ذكر اسمها وهو نازل عند بنشري ويتفاوض معاه قال توي محمل من الغرابي وادور رزقي
وشوي الا اللجنه طابه عليه ولقو حمولته كلها مغشوشه

Sent from my iPhone using Tapatalk

رحال العمر 80

16/05/2012, 09:16 AM

اشكركم يا معاكس
وكاشت وحداني

يا جماعة الخير لازم نتكاتف ونتعاون
مع بعض في اي موضوع او معلومه
ترجع بالفايده على الجميع

نهبونا عديمي الضمير
لازم نعتمد على انفسنا
من اليوم ورايح

مسير عليهم

16/05/2012, 09:27 AM

انا توني سائل محل يبيع الزيوت بالجملة عن سعر كرتون كاسترول 10/30 وطلع علي سعر الكرتون 324 ريال والكرتون فيه 24 علبه

يعني طلعت علي العلبة الوحدة 13.5 ريال بينما قيمة العلبة الوحدة في البناشر 20 ريال يعني يكسب مني ابو يمن 6.5 ريال في كل علبه !!!

يعني انا اغير 6 علب زيت وكل علبه يكسب مني 6.5 ريال صار مجموع مكسبه في كل تغييره 39 ريال

والله انا اولا بها بالذات اني انا وولد عمي عندنا فوردات ونغير نفس الزيت ونفس عدد العلب 5.5 بدون سيفون و6 علب بالسيفون

بنشتري لنا كرتون ونرتاح لنا الاثنين

فعلا الكاسترول 30-10 عليه تحديد اسعار في محلات غيار الزيت على 20 ريال للعلبه ويباع في محلات القطع بـ14 ريال لكن المشكلة ان محل غيار الزيت ياخذ عليك 20 ريال شغل يد يعني ماكلك ماكلك

والحل الوحيد نشتري الزيت بالكرتون ونغيره في بيوتنا

سبق اني شريت مرتين من الغرابي كرتونين زيت كاسترول 40-10 ولله الحمد كلها اصليه

Bader-M

16/05/2012, 12:11 PM

الوصف

مخرج 16 و انت متجه الى الغرب اول اشارة (محطة الدباسي على اليسار) بعد الاشارة اتجه يسار (شارع علي ابن ابي طالب) يجيك كبري تعده و بعدها تجيك اشارة تقاطع الامير سلمان مع علي ابن ابي طالب بعد الاشارة امسك الخدمة بعدها 200 م ياتيك محلات لبيع الزيت .
على فكرة الزيت المحروق لا تسكبة بالمجاري حتى لا يسبب لك انسداد المجاري

موفق

الصحافة 15

16/05/2012, 01:04 PM

حسبي الله عليهم والحذر منهم واجب

aser25

16/05/2012, 03:26 PM

بيض الله وجهك يارحال نعم لازم نتكاتف ونعتمد على انفسنا والله ان اهل البناشر ماشفت اطمع منهم واخص اليمنيه منهم وليتها على الطمع وبس لا غشاشين وبالنسبه لاسعار الزيت لوتشتريه اوفر لك واجد ووالله اني اعرف ناس واجد يشترونه بس المشكله مايغيرونه بانفسهم يروحون للبناشر ويعطيه شغل اليد وهي سهله مايبيلها..اشكرك اخوي رحال مره اخرى و واصل وحنا معك