لاهل الخبره بالجنوط الهلل وكفرات البالون

[طارق الحريري]

السلام عليكم ورحمة الله وبركاته صباح الخير للجميع عندي سؤال يا أخوان بالنسبه لجنوط الهلل حصلت صينيه وحصلت حقات باجيرو وش تشيرون علي ابركبهن على كفرات بالون ماكسس والبالون وش الافضل مقاس 900 او825 السياره لاندكروز97

[طير بيروت]

انحش عن ماكسس الفتنامي ترى فيه رجه قويه

[طارق الحريري]

مشكور ياطير بيروت لكن اللي اعرفه ان البالون كلهن بهن رجه بس استخدامي للبر فقط يعني مابهن مشكله بالبر حجره ونفود سؤالي وش الفرق بين الماكسس 900 و825 غير الارتفاع وش الفرق بجنوط الهلل الاصليه والصيني غير السعر افيدوني افادكم الله

[التعـ King ـديل]

الاصليه على اسمها اصليه ولكن خذها مثل ماهي لاتاخذ المخروطه والمبرزه لان ماتدري عن المخرطه شغلهم اوكي ولا لا

واذا تبي مبرز خذ صيني مبرز يجي من المصنع مبرز جاهز وهذا انا استخدمته على كفرات ماكسس 900 / فيتنامي ولا احلا منه

بس الله الله بالترصيص عند ميزان المجد عن الرجه

[طير بيروت]

اخوي طارق من واقع تجربه معي ماكسس900فتنامي بالبر تعجبك بالحيل لاكن مع الزفلت فيهن رجه قويه لاكن بالبر تطربك من واقع تجربه

[طارق الحريري]

مشكور ياملك التعديل وياطير بيروت على مروركم انا استخدمت الماكسس 900 على جنوط شد بلد ممتازه لكن ودي اخلي جنوط حق البالون اركبهن وقت طلعات البر والمقناص وجنوط البلد اخليهن حق الكفرات العاديه وجنوط الهلل يقولون ممتازه على البالون واخف للموتر بس وش تنصحون وش الافضل لقيت بالتشليح حق الكويت حقات باجيرو اصليه بس مادري يركبن ولا لا ناس يقولون لازم تسويلهن تبريزه ياليت اللي ركبهن على لاندكروز يفيدنا عن تجربته

[طارق الحريري]

للرفع رفع الله قدركم ياليت اللي مركبهن يفيدنا الله يجزاه خير ويرحم والديه وكل مسلم

[خبايا انسان]

خذ لك هلل صيني ,, وماكسس 900 ويكون 8 غاط // مافيها اي ضرر وانا مجربها ,, ف البر انسمها على 15 وامشي فيها 120 ,, ممتازه في الوعر وبتوديك اماكن صعب الوصول اليها

[S-A-L-E-H]

http://a3.sphotos.ak.fbcdn.net/hphotos-ak-ash4/385899_1649542135780_1753770409_835872_1951570287_ n.jpg


http://store2.up-00.com/May12/hOC80639.png





من واقع تجربه

أنا جربت البالون مكسس 900 على جنوط هلل صيني وما جلس إلا فترة بسيطة ثم ركبت جنوط الهدد الوكاله بالبالون المكسس ولاحظت بينهم فرق كبير الموتر تاكي بجنوط الوكاله ويرجع السبب إن الوكاله شد بلد أما الهلل صيني فالأصلي دائما يفرق معاك

طبعا إذ أنت راعي طرد بالصحراء مايصلح لك مكسس أبد , مستحيل " تكور " فيه لأن احتمال كبير
"ينفصخ" الكفر من الجنط
فيه كفرات افضل من المكسس للطرد وآمن كثير منه

أما إذ انت ما أنت طارد فيه فـ المكسس حلو جدا نسم الكفرات وغمض اعيونك وادعس ^_^ مع إني أفضل إنك تأخذ 800 لجل مايحك بالرفرف


والله يوفق الجميع

[طارق الحريري]

مشكورين يا أخوان على توضيح تجربتكم لكن للحين ما أخذت الجواب الوافي عن جنوط الهلل الصيني والاصلي حق الباجيرو للتوضيح اللاندكروز97 يجي 6مسامير الجنط مومثل الجديد5مسامير ابي شي استعمال لي وللزمن مايهم السعر