سؤال : مين يعرف هالمكان الجميل

[جرير]

تنشيط لذاكرة الكشاته

المنظر لموقع بري بالمملكه جميل من اجمل مارايت زرته العام الماضي . مناظر رائعه جبال ورمال واشجار . مخطط ان يكون منتزه بري مفتوح ولكن لم ينفذ وشكله ما حيتنفذشي . مين يعرفه يعلمنا .



http://www.mekshat.com/pix/upload/images17/mk15396_11.jpg

[الكايف2]

الله يعافيك مدري وش المكان لكن صراحه منضرومكان شي انا اللي بوجه لك السؤال وين هوفيه الله يوسع صدرك وسلامتك اخوي جرير

[ابوالجازي]

السلام عليكم ياجرير

الظاهر انه في منطقة تبوك

[شـهـاب]

اتوقع والله اعلم انه في الجنوب

لكن جميل جداً

[مسافر1]

الشكل يدل على أنه في منطقة تبوك ..
لكن عطنا الخبر ..

[مهراس]

السلام عليكم ورحمة الله وبركاته

الواضح من تكوين الجبال انه في منطقة حائل أو تبوك،

أبو فهد

[رسلان]

مشكور أخي : جرير على الفكرة الجميلة :) ...
تكوينات الجبال تشبه تكوينات منطقة الزيتة ...
والأرض تختلف بعض الشيء ...
حيث أن غالب أرضها رمال بيضاء أو صفراء ..
وعافاكم الله على الموضوع والصورة ...

[جمران]

عارفين مداهيلك ياجرير ماهنا إلا شمال غرب المملكة

..الجبال رملية التكوين من حبران والمسما غرب حايل

إلى الساحل غرب العلا والشمال تبوك واتوقع انها

ياشرق تبوك أو شمال شرق تبوك ...عطنا العلم...

تشكر على تحريك الخيمة بمثل هذه المسابقات

الخفيفة..

[جرير]

الكايف
ابو الجازي
شهاب
مهراس
رسلان
جمران
مشكورين اوي علي المرور.. مالكم لوا وبعلمكم بس بعد شوي الصبر زين . ا
التحديد بالاسم مطلوب يالربع ..

جمران . ياراجل ماخليت شي كل المناطق الزينه قلتها . .
علي فكره . حبران -عرنان- حلوان - جمران . يقربون لبعض ولا لا ؟
وترا رفيقنا علي نفس القافيه. يعني متقاطين بـ (ان)

تشكرات

[أبرق الضيان]

شرعان
:D
:D
:D

[الضاري]

ياليت لو تخبرنا وين المكان ..



وأعتقد ان هذة الصورة لنفس المكان ..



http://images.google.com.sa/images?q=tbn:FnLTre0vrfKGIM:http://zizooo.ws/data/media/92/mountain043.jpg

[شيهون]

نحن بالانتظار

[الضاري]

هاه ياجرير مارديت علينا !!!!!

[قناص القصيم]

الله والعالم ياخوي أنه بمنطة تبوك
لكن بالتحديد ما أدري
ننتظر المكان بالتحديد من الإخوان
مشكور ماقصرت يا (جرير)

[عبدالله العلاج]

جرير ياجرير



حيرتنا معك وحيرت الشباب


لكن نبي نقول من طبيعة الارض انها في البدع شمال غرب تبوك


ولا انا اكيد غلطان



على فكرة حلوه الفكره :good: :good: :good: :good:

[عجرم]

موقع جدا جميل بس مافيه رمال
اتوقع انه مضيق احد الاوديه والله اعلم

[جرير]

اهلين وسهلين بالجميع



ماقصرتو وبارك الله فيكم .

تحومون حول الحمى ...



وفيه واحد طب صح وهو ماقال غير كلمه وحده شكله واثق من الجواب ويستاهل الجائزه

جاب الخبر ابرق الضيان .....

شرعان منطقه جميله جدا شرق العلا ب 60 كيلوا تقريبا من اجمل المناظر الطبيعيه

خاصة تشكيلة الجبال العجيبه اضافه الي الجو المعتدل صيفا وتوفر الظل .

ولمن قيض الله له زيارة المنطقه لا يفوتها

والموقع تحديدا تمسك طريق العلا حائل اذا جيت لوحة 60 افرق يسار وامش حوالي 5 كيلو تدخل بحدود الموقع

وترا اللي ماهو منتبه يضيع الدرب لتشابه المخارج والارض رمليه يعني يبيلك جيب او تجهز حالك .

واللي سبق وزاره يزيدنا معلومات جزاه الله خير .

والسلام عليكم

[عريدان]

هذا بالربوعه؟