هل فيها ضرر العزبه ..أم لا...سؤال؟

[وليف البريه]

السلام عليكم
ياشباب تكفون أفيدوني هل ترك العزبه والجراكل الماء واالحطب الاغراض اللي تخص البر خطر .. إبقائها في السياره وخطر على الكفرات وعلى المساعدات ....مع الوقت ؟؟ تكفون ثم تكفون أ...
ولكم جزيل الشكر فيدوني يالنشاما

[يزيد 999]

لا ياغالي الا اذا كان موترك مساعدته مهب زينه اوينزل مع التحميل فانت نزله لانهن مع الوقت اليايات يتعودن على الضغط ويدلن مايرتفعن فيصير موترك طايح من ورا بالنسبه لموتري فورد f150 من شريته وانا اغراضي كله بالشد العزب والدوافير والدبات وتانكي 200 لتر قبل فل ومحول وبطاريه اضافيه واغراضه كلهن بالصندوق ولا أثرن على الرفعه لان المساعد الواحد تقول دفرنس من كبره ماشاء الله!!

[(((.ابوتميم .))))]

الداوفير وعلب الغاز اذا تعرضت لحراره اكبر من 50 درجه خطر وتنفجر

[vtc 2007]

من الناحية الصحية خطر ابقاء القهوة والشاهى والبهارات فى السيارة لانها تخرب ويتغير طعمها واحتمال تسمم
حتى الماء اذا طول فى الجركل يتغير طعم الماء
واهم شى الى دبة الغاز احتمال تنفجر مع الحرارة ومكتومة داخل السيارة
لاذالك اخى العزيز يفضل انزال العزبة وقت الصيف خارج السيارة
اما وقت الشتاء خذ راحتك
اتمنى انى افتك وشكرا

[وليف البريه]

بارك الله فيكم وسدد خطاكم

انا من اهل ابها..وتعرفون الاجواء عندنا بارده
فما فيه مشكله على الاغراض
بس السؤال عن الحمل على السياره فيها تاثير

[هيصم]

الحمد لله و سبحان الله

[ابو الشبرميات]

بارك الله فيكم وسدد خطاكم

انا من اهل ابها..وتعرفون الاجواء عندنا بارده
فما فيه مشكله على الاغراض
بس السؤال عن الحمل على السياره فيها تاثير

اخوي وليف البرية
الاخوان وفوا وكفوا ما شاء الله عليهم
والحمل انت ادرى بمدى قوة موترك وتحمله
وثقل العزبة وتوابعها من عدمه

وعموماً الحمل الثقيل دائماً من الماء
فاذا اردت الدخول للمدينة بامكانك تفريغ الجراكل او التوانك في الاشجار
او ملئ توانك المساجد على الطريق
بالتوفيق لك اخي الكريم
,,,

[ابونبيل]

بختصار..
اذا موترك ورا ياي لاتخليها فيه

اذا سست عادي خلها

[جمس_454_97]

انا راح اعطيك معلومه طبيه مفيده لك ولغيرك
المويه لمن تخليها بجركل وتضربها الشمس هذي مضره وخطيره بشكل ماتتصور واول اضرارها مرض السرطان الله يكفينا شره انصحك وانصح اي شخص يستخدم جراكل المويه يحاول مايعرضها للشمس وخاصه لمده طويله
واذا تعرضت للشمس يغير المويه بمويه جديده ويغسل الجركل قبل تعبئة الماء

[hassan611]

فيه فيبر جلاس حلووو وانا الي الان مالقيته مايدخله مويه ولا حراره ولا شي حلوووو مررره دور عليه واشتره

يارب اني افتكم

[تميم2222]

الصوالين ماهقيت وما عليها ان شالله الا من سالفه الحراره فقط .. الكلام على الشاص اذا صار موجود به تانكي كبيرصدر وملاين 24 ساعه خصوصا اهل تجهيزات الرمله دائما جيوبهم يصير بها تقوس في الشاص ولك الحيه