للتبني طير

[مكشه]

السلام عليكم
انا عندي طير بس رجله مبتوره وجناحه كسير اللي له رغبه بالتبني يرسلي رساله ع الخاص
بس فيه شرط ان الطير ماتذبحه لاجل التحنيط لانه حرام
وانا ببري ذمتي من الطير اللي بيتكفل بمعيشت الطير يحط رقمه وانا ادق عليه عشان اسلمه الطير

مكاني الرياض

الريااض

[الشلاعي]

الله يعوضك بأبرك منه

[الذحاح]

جزاك الله خير اخوي

[ابوماجد6641]

لك رساله عى الخاص

[(هزاع)]

كني سمعت بموضوع مشابه للطير ذا بالافلاج


اما بالنسبه لقتله حرام ام لا يجب ان تستفتي
لان خيل السباق ان اصيبت ولايرجى لها فائده سبق ولاانتاج اجازو ان يريحوها بابرة توقيف القلب


وبمستشفى الطيور سمعت انها موجوده ولا اووكد
تحرى وستفتي اوفق
الله يدلك على الخير

[محسن البطي]

الله يعوضك بالي افضل منه والله يجزاك خير

[رااعي بتار]

الله يعوضك ابرك منه جزاك الله خير يا هزاع على الكلام الطيب :good2::good2:

[فزعة الصياح]

الله يجزاك خير لحرصك, وأسئل الله العظيم أن يعوضك خير

تقبل مروري

دمت بود وعافيه.

[الجنرال الصعب]

الله يعينك ويعوضك

[عاشق جلاد]

لك رساله على الخاص

[بندر خلف]

الله يكتب الي به الخير

[عاشق جلاد]

تم
تبني الطير والله يعين

[راعي الونه]

اولا جزاك الله خير على فعلك الطيب يخوي والله يعوضك باللي احسن له اما سالفة التبني صعبه وصعب تلاقي صقار يتقبل طير مكسور جناحه ومبتوره رجله لكن الله يوعضك ويجزاك خير وتعقل طير ابيض صافي وكاشف الراس

[هاوي وكارى]

الله يجزاك خير يا عاشق جلاد وتذكر الحديث الشريف في ما معناه (في كل كبد رطبة صدقة)
يعني كل ما تعلفة او تسقية كانك تصدقت والله يكثر من امثالك

[زاد المعاد]

كثر الله من امثالك وزين الله حضك

[السومر]

جزاك الله خير يا عاشق جلاد

والله ياجرك انت وصاحب الاعلان ومن يقرأ

[الذحاح]

تم
تبني الطير والله يعين



جزاك الله خير والله يكثر بامثالك

[عاشق جلاد]

ويجزاكم الله خير

والله ماتبنيته الا يوم شفت ان الطير مندمر وعلى حد الموت
خذيته لكن الطير تحسن عندي تحسن كبير وجناحه ماهو كسير حاذف منه ولا ما فيه الا العافيه الحين
وان شاء الله السنه الجايه ازين طراد لان الطير في كبر الله لا يضره 15 ونص

والله يكتب اللي فيه الخير