المساعد الشخصي الرقمي

مشاهدة النسخة كاملة : هل من الممكن تعلموني اقرب طريق لـ(( السعيره )) من الرياض (( اتمنى ذلك ))


كبريت
10/06/2006, 11:56 AM
الكتاب من عنوانه ;)
(محمد العبري)
10/06/2006, 12:47 PM
يبدولي ان افضل طريق من الرياض الى السعيرة وأقربها
هو الرياض الصمان الي يمر بالرفيعة ثم ينتهي بخط الدبدبة تاخذ معه يمين للسعيرة
وتراي ماحسبته بالضبط
لكن قرابة 420كيلو
صوعان
10/06/2006, 01:12 PM
اقرب طريق سلمك الله تطلع من الرياض على رماح بعدها على طريق الرفيعه رماح الي يمر شويه جديد على كيفك ومن الرفيعه الى السعير برضو طريق جديد الي يمر على قريه العليا
هاوي خلا
10/06/2006, 02:05 PM
السلام عليكم ورحمة الله وبركاته وبعد ، الف الف مبروك عودة المنتدى لنا جميعاً ، أخوي أبو محمد علشانك سمي لي ابي أوصف لك الطريق بالمللي (( تطلع وانا اخوك على الثمامة وتمر من عند محطة خزام اللي عند المزرعة وتحطها على يسراك وانت جاي من الفروسية ثم يجيك عندها تقاطع خله واستمر على طول يوازيك شبك مزرعة الملك خالد الله يرحمه على اليمين والنفود على اليسار بعهد يجيك نقطة تفتيش تعداها واورد قبلها بعد التفتيش بمسافة يجيك ملف على اليمين مكتوب الحفنه حفر العتش اطلع معه تجيك طلعه وفيها مفرق يطلع يمين خله وامسك اليسار وابتل يجيك دوار الحفنه اللي عنده المحطة حط المحطه على يمينك واطلع على طول يجيك هجرة الطيري على اليسار خلها واطلع سيده بعدها يجيك حفر العتش تعده يجيك دوار خذ اليمين وابتل باتجاه النفود وتجيك اللوحات الرفيعة ((جرارة سابقاً )) وامسك الخط واقر اللوحات والله يوصلك بالسلامة سالم غانم ((واحد ملقوف - وش مروحك بهالحر )) والسلام ختام
اخوك - هاوي خلا .
كبريت
10/06/2006, 03:40 PM
سلمتو وماقصرتو يالذيابه

واللي مروحني يا هاوي شي تحبه
كبريت
10/06/2006, 04:06 PM
طيب لو سمحتو الاحداثيه
أبرق الضيان
14/06/2006, 04:51 AM
تفضل يا أبو محمد إحداثية السعيرة

N 27 49 500
E047 31 000
الفتى المجازف
14/06/2006, 04:57 AM
اقرب طريق سلمك الله تطلع من الرياض على رماح بعدها على طريق الرفيعه رماح الي يمر شويه جديد على كيفك ومن الرفيعه الى السعير برضو طريق جديد الي يمر على قريه العليا

الطريق اللي ذكره لك صوعان ممتاز من غير قصور برأي الاخوان وانصحك فيه بالحيل واذا ذهبت معه تجيك الدحول جنب الخط يمين ويسار بعد شوية
تشوفها رأي العين وفي ذلك ميزة اضافة لقربه اكثر من طريق حفر العتش الصمان.

مجرد وجهة نظر

تحيتي للجميع
كبريت
14/06/2006, 11:41 AM
سلمتو وماقصرتو كفيتو ووفيتو
الف شكر لكم