للــبـيــــــع المــغـتــر المــــزيــــــون (جذاب) ,,,,,F77

[F77]

ما نوع الطير ؟ حـــر


ماعمرالطير ؟؟ : ثالــث يـنقـل رابــع


ما(قياسه او وزنه)؟؟ : 17 فــي 17


وحش(الدوله المطروح بها ) ؟؟ :


تفريخ (الدوله والمزرعه)؟؟: أصيل


تهجين (الدوله و نسبة التهجين والمزرعه)؟؟؛:أصيل


أين مكان الطير حاليا (المنطقه / المدينه)؟؟: الرياض


هل يوجد توصيل داخل اوخارج دولتك؟؟: لا


ماهي الحاله الصحيه للطير؟؟ : سلـيــم ومفـحوص ومـطعـم عن الجذره والصرع


علوم الطير ؟؟ (للقرانيس البيتيه)


هل صاد الطير الحباري؟؟ نعم


هل صاد الطير الكروان؟؟ نعم


هل صاد الطير الارنب؟؟ نعم


هل الطير طلاع على الحباري؟؟


هل الطير يرغب الحمام؟؟ نعم


هل الطير راكد على التكايه ؟؟ نعم


بـدون بـرقـع ( مفرع ) ؟؟ راكد


هل الطير يمسح على التلواح او يلاعب الشلو(خالي ) ؟؟ نـعم ويـطــرب


هل توجد في الطيرعيوب (الارتفاع,الكوشه,نقل العلف,الصياح)؟؟ لا يوجد ابدا


هل توجد عيوب اخرى لم تذكرها؟؟ لا يوجد ولله الحمد


ماهو حدك في الطير أو اخر سومه للطير ؟؟؟ سيـم قـبـــل ايام بـ13500
ونطلب مـن الله الـزود


ملاحظات اخرى :
الطـيـر معـروف مـن يومه وحــش وصــيده ثبــت وصـقاره واحــد مافـكه الا آخـر الوقـت هالسـنـه والطــير ماراح علــيه شي ابــدا مـن الصـيـــد
باقــي فيــه ثـلاث ثـلاث وربطته مدفـــوعـه


الصور وماعندي غيرهن والي بيشوف الطير يكلمني واعطيه رقم الطير بالمربط والطير مربوط عند فيصل السهلي
http://www.mekshat.com/pix/upload05/images244/mk183083_560.jpg


http://www.mekshat.com/pix/upload05/images244/mk183083_561.jpg


واي استفسار
هـــذا جـوالـي
90 1111 33 05


تحياتي ,,,,

[فيصل الذيب]

وين مربوط الطير ؟؟

[عواد الشمري2]

الله يرزقك القيمه الي تسرك
بس نبي صور للظهره

[F77]

اقتباس من الموضوع :::...
الصور ماعندي غيرهن
الطير مربوط عند فيصل السهلي بالرياض

[kuwaite]

ماشااء الله كم صايد الله يبارك فيه

[F77]

ماشااء الله كم صايد الله يبارك فيه



هالسنه وحده وقنص ارنب وكروان والصامل
ياخذ العلم من راس راعيه وراعيه ثقه ومعروف

[قناص راكب شاص]

سؤال ظهر الطير صافي ولا فيه رقاط

[GHAAM]

مشاء الله
الله يرزقك بالي يسرك

[طارح الحبارى]

مشاء الله يابو تركي طير طيب والله يرزقك البيعة الطيبة

[خالد العطااوي]

مشاءلله تبارك الله

الطير كايف مشاءلله ..

الله يرزقك ..

[عزوتي وايل]

نبي صور لظهر الطير.........

[BO-SALEM]

الطير ماهو مغتر
كاشف

والله يرزقك من فضله

[F77]

جزاكم الله خير واسف على التاخيروالسوم واصل على رجال من اهل الرياض
ب 155
00 الف وهذا جواله 0541272426
ونطل
ن الله زود


تحياتي للجميع

[F77]

ب 15500 واسف على الغلط
وصور للظهر ماعندي
المعذره الرد من الجوال ولامن عرف

[انور العنزي]

ماشاء الله تبارك الله. اخي العزيز الطير صافي والا ارقط والا فيه رش بسيط. يجيب عليك التوضيح والله يرزقك الزبون الصامل

[F77]

الطير أرقط وأقرب ماله رقاط الجرودي

والسوم وصل 16000 ألف والبيع قريب

والرجاء من الإخوان إلي اتصلو وساموا يضعون السوم هنا للمصداقيه


تحياتي للجميع

[قرناس الوحش2011]

الله يبارك لك في حلالك يابو تركي وطيرً طيب وراعيه أطيب

[F77]

قرناس الوحش 2011
الله يجزاك خير وشرفني مرورك وتراني انتظر مسيارك علينا للحين مانسيت

والسوم واصل على سلمان الشمري من اهل حايل 16500
ونطلب من الله زود

[F77]

يإخوان الطير ان شاء الله انه بيع
لان رجال يقول شريت وهو من برا السعوديه
ولاشاف الطير الا بالصور الموجوده بالموضوع وقلت له
ماراح اعطيك نيه البيع الين تجي وتشوف الطير بعينك وتقلبه وتمقل فيه
ولان ظروفه ماتسمح انه يجي الا بعد اسبوع
انا مضطر اوقف البيع الين يجي لان الرجال يقول انا بحول لك عربون وانا رفضت لانه يبي الطير وخايف ينباع وانا وعدته ماأبيع الين يجي
وانا أسف لاني ماراح ابيع ولا اقبل اي سوم الين يشوفه الرجال
واذا طرا اي تغيير بحط خبر هنا بالموضوع
والرجاء ماأحد يزعل ولا يأخذ بخاطره علي
والوعد دين


شاكر للجميع

[رااعي بتار]

بيض الله وجهك وانشالله انك من الي يوفون با ادين

[اقدم صقار]

الله يكتب اللي فيه الخير
وعسى الله يرزقك وكل مسلم
تقبل مروري

[وسًاام]

الله يرزقك

[الخزز تقليد]

الله يرزقك البيعة الطيبة

[زاد المعاد]

الله يعطيك على نيتك ويرزقك من يحث لاتحتسب

[abin roq]

الله يرزقك بالبيعه الي تسرك

[BO-SALEM]

رايتك بيضه
وبيض الله وجهك اشهدنك سنافي

[ملاعب الريح]

يإخوان الطير ان شاء الله انه بيع

لان رجال يقول شريت وهو من برا السعوديه
ولاشاف الطير الا بالصور الموجوده بالموضوع وقلت له
ماراح اعطيك نيه البيع الين تجي وتشوف الطير بعينك وتقلبه وتمقل فيه
ولان ظروفه ماتسمح انه يجي الا بعد اسبوع
انا مضطر اوقف البيع الين يجي لان الرجال يقول انا بحول لك عربون وانا رفضت لانه يبي الطير وخايف ينباع وانا وعدته ماأبيع الين يجي
وانا أسف لاني ماراح ابيع ولا اقبل اي سوم الين يشوفه الرجال
واذا طرا اي تغيير بحط خبر هنا بالموضوع
والرجاء ماأحد يزعل ولا يأخذ بخاطره علي
والوعد دين




شاكر للجميع





بيض الله وجهك وعلمك غانم

[براق الوجه]

الله يرزقك

[خالد العطااوي]

كفو وبيض الله وجهكك ..
والله يكتب فيه الخيره ان شاءلله ..

[خلف الفار]

الله يرزقك
اذا ماتمت البيعه بلغنا

[F77]

ياجماعه الخير
اليوم كان اخر يوم وعد بيني وبين الرجال
وكلمني وقال مادبرت فلوسه يمكن الاسبوع الجاي والرجال سمح بالبيع
واذا الله قاسمه له بيشتريه الاسبوع الجاي
اذا ماجاء نصيب لغيره
فلذلك الي له شف بلطير ترا معروض بحد 18000 الف ريال
غير قابل للنقاش

تحياتي للجميع

[F77]

لـلرفــــــع ,,,,,,,

[اقدم صقار]

هنا المشكله
بعض الناس يقول شريت واذا خلا الزبون يروح ويبرد البيع قال انا فلوسي نقصت !!!
شي يدبل الكبد وصدقني غلطتك وياليت تقول لنا اسمه عشان محد يقلد بسومته ولا يسوم الا الصامل
اقول اخوي هذا غلطتك الرجال الشراي كان بيحول في حسابك عربون اقل شي الفين 2000 ريال هذا الصامل اما كلام في كلام ما ينفع والبل ما تي بالوصايا
الله يكتب اللي فيه خير لك وكل مسلم وعسى الله يرزقك بالصامل
تقبل مروري
اخوك ابو منصور

[(هزاع)]

يكفي فخر وطيب للطير انه جاي عن طريقك
اما موضوع السوم
سام الرجال وعطيته النيه اقوله ارسل العربون الان ان الرجال صادق ارسل عربونه ماعنده مشكله
ون قام يتلكلك ادري انه خراط نصاب لعين ما اخذ كلامه ولااعبره
والرزق ياولد عند منشي السحاب

[مربي الصقور]

الله يرزقك من واسع فضله

[F77]

شاكر مروركم
وياعل بالامر خيره

والطير لايزال معروض للبيع ,,,,

[ســـبــار ربــعـــه]

الله يرزقك عدد ريشه.

تحياتي.

[سحااااااب111]

الله يرزقك انشالله

[F77]

لـلرفع ,,,,,,

[بليه الوايلي]

الله يرزقك ان شاءالله
يابوتركي

[خالد-الوسيحم]

الله يرزقك انشاالله

[hadad098]

ماشاء الله تبارك الرحمن

[راعي غضبان]

الله يرزقك ويوفقك ورايتك بيضاء وكثر الله من امثالك ووجهك ابيض

[الشلاعي]

الله يرزقك

[البرنس الليبي]

انت متأكد من أن الطير ثالــث يـنقـل رابــع وهل تضعها في ذمتك ؟

ارجوا تقبل استفساري بصدر رحب .

[F77]

انت متأكد من أن الطير ثالــث يـنقـل رابــع وهل تضعها في ذمتك ؟

ارجوا تقبل استفساري بصدر رحب .

هلا ومرحبا بك
انا الاحظ انك كلامك كثير بمواضيع كثيره
ومن خلال بحثي بمشاركاتك عرفت ان صقارتك لك عليها والمشكله الاعظم
ان هذي النوعيه من الطيور ماهي من مستواك فلذلك اكتفي بمرورك افضل من ردك

اتمني ان تتقبل. رائي بصدر رحب
تحياتي لك
بندر العنزي

[اااالحبردي]

الله يرزقك من واسع فضله

[عبيد العرجاني]

مووووووفق خير

[عاشق الفتك009]

الله يرزقك من واسع فضله

[عبيد العرجاني]

كم وصلت السومه ي جماعه

[F77]

جزاكم الله خير
علي الدعوه الطيبه


والطير محدود وانا اخوك (١٨٠٠٠) الف

تحياتي للجميع ،،،،

[عاشق البسيتين]

لا اله الا الله ماشاء الله تبارك الله
الله يرزقك الرزق الطيب بالطير ويبارك للي يشريه

[عبيد العرجاني]

مووووفق خير66

[راعي - عديم]

الله يرزقك البيعه الجزله
والطيب يستاهل اكثر

[ذيب السريه]

الطير لا صار كل هذي علومه لا تبيعه والله انه يستاهل الله يبارك للشاري والبايع

[راعي لادن]

السلام عليكم ورحمة الله وبركاتة اخي الكريم هل تقصد با صيد كله ثبت يعني طلاع ارجو التوضيح الله لايهينك

[منصور555]

السلام عليكم
كم وصل السووم وابي الطير كانه مابيع

[F77]

الرجاء من الاداره اغلاق الموضوع
الطير بيع من شهر

[البرنس الليبي]

هلا ومرحبا بك
انا الاحظ انك كلامك كثير بمواضيع كثيره
ومن خلال بحثي بمشاركاتك عرفت ان صقارتك لك عليها والمشكله الاعظم
ان هذي النوعيه من الطيور ماهي من مستواك فلذلك اكتفي بمرورك افضل من ردك

اتمني ان تتقبل. رائي بصدر رحب
تحياتي لك
بندر العنزي

لاحول ولاقوة إلا بالله ...الموضوع مايستاهل انك تزعل ..يمكن سؤالي استفزك مع انه عادي إلا ؟؟؟