مشكلة في تركيب بطاريتين للجيب

[ذيب الشفا]

السلام عليكم ورحمة الله وبركاته
الله يمسيكم بالخير جميعاً

اخواني عندي مشكلة في تركيب بطارية اضافية للجيب وهي:
ركبت بطارية اضافية ضمن عدة تجهيزات في ورشة سوافي بالرياض
حيث ركبوا على البطارية الاضافية : الثلاجة _ محول كهرباء _ ايكوم _ ماطور هواء_
لمبات بالكبوت _ مخارج ولاعة .
كان الحال ماشي في البداية لفترة قصيرة ثم بدأت المشكلة وهي ضعف البطارية الاحتياط لدرجة عدم تشغيل الثلاجة لمدة 3 ساعات متواصلة لابد من تشغيل السيارة . ثم بعد فترة تموت البطارية نهائياً قبل العمر الافتراضي طبعاً .
بعد ذلك عثرت على موضوع لأحد الاخوة هنا يشرح تجهيز الجيب ومن ضمن كلامه لابد من وجود (دقمة (دقمة جمس)) تركب بين البطاريتين .
طلبت الدقمة من محل في بريدة او عنيزة (ماني فاكر بالضبط) (محل العبيدان) وركبتها كما شرح الاخ ولكن لاتزااااااااااااال المشكلة ........
وجدت موضوع يمدحون فيه جهاز اسمه (( جهاز رفيق الدرب)) سألت عنه قالوا صيني والدقمة افضل منه .....
المطلوب فزعتكم بالرأي والحل المناسب...
واذا فيه كهربائي ممتاز يعرف للشغلة بالمدينة المنورة أوالقصيم دلوني عليه تكفووووون
والسلام

[ذيب الشفا]

للرفع وانتظار الخبراء

[يزيد 999]

ابد ركب منظم الشحن من رفيق الدرب ولايهمونك انا مجربه شخصيا والحين على السياره راكب وتركيبه بسيط انت تقدر تركبه وبالنسبه انه صيني كل الناس مركبته ولا شكت منه ابد ركبه وادع لنا:burnout2:

[ذيب الشفا]

يزيد الله يوفقك دنيا وآخره .... بنتظر ردود الأخوة والا ركبته وتوكلت على الله

[sameer_1798]

منظم رفيق الدرب ممتاز انا مركبه على جيبي وأشغل عزبة بالبر طول الليل انوار وتلفزيون ورسيفر .
تستطيع تركيبه بنفسك سهل جداً .

[أبوسليم]

البطارية خربانه فقط.....لا تحوس في شي..

[مواطن أصيل]

وعليكم السلام
للمساعدة وليس للدعاية
أولاً : لابد أن تكون دقمة الفورد أصلية اللي مساميرها من فوق .
ثانيا : اللي يركب صح وأنا مجرب سبق أن ركبت عنده وصار لها سنتين بدون مشاكل ورشة احمد العثيم في صناعية الرواف ببريدة ، كذلك الشباب مركبين عند عروق الشمال في حي النهضة ببريدة وعندهم كهربائي فلبيني ولم يشتكوا منها .
ونسأل الله لك التوفيق،،،

[باترول 4500]

وعليكم السلام ورحمة الله

إذا ركبت الدقمه ومانفعت معك فأكيد ماراح ينفع معك جهاز رفيق الدرب
يمكن عندك مشكله بالبطاريه

وإذا تقدر تجي لبريده فيه كهربائي العثيم في صناعيه الرواف شغله ممتاز
أنا مركب عنده لي فوق السنه والحمدلله تمام

بالتوفيق

[teer1002]

وعليكم السلام
للمساعدة وليس للدعاية
أولاً : لابد أن تكون دقمة الفورد أصلية اللي مساميرها من فوق .
ثانيا : اللي يركب صح وأنا مجرب سبق أن ركبت عنده وصار لها سنتين بدون مشاكل ورشة احمد العثيم في صناعية الرواف ببريدة ، كذلك الشباب مركبين عند عروق الشمال في حي النهضة ببريدة وعندهم كهربائي فلبيني ولم يشتكوا منها .
ونسأل الله لك التوفيق،،،
كلام أخوي مواطن صحيح
أنا والله أني مركب البطاريتين على باترول ربع قبل سنتين عند عروق الشمال مركبها لي الفلبيني ( جيري )ممتاز ودقيق جداً ومستخدم نفس الفاصل حق رفيق الدرب .
ولله الحمد أشغل كشافات الساحة عدد 2 , وثلاجة , ولمبة في الكبوت ( في نفس الوقت) من أول الليل إلى وقت النوم 11 أو 12 والله ما شفت منها أي مشكلة .

[ابو صقر 111]

تأكد من سلامة البطاريه طالما ان زمن التخزين بالبطاريه هو الظاهر ولا تحوس في امور اخرى حتى تتأكد من البطاريه وشكرا

[قناص*07]

اخوي المشكله البطاريه ضعيفه ولابد من تبديلها
ولا الباقي ما فيه الا العافيه ان شاء الله وماشاء الله عليها

غيرها ببطاريه سوبر تعبيه

[البواردي 2000]

استغفر الله العضيم

[معدي المرقاب]

اخي نفس المشكله معي وبالاخير طلع من البطاريه ركبت نوع بطارية خايس اسي سيروكز ونفس المشكله بعض البطاريات لو هي جديدة تكون جودتها تعبانه بعدين ركبت بطارية ٨٠انير اصليه ويجلس من المغرب الى وقت النوم ١٠٠٪. تقبل مروري

[يزيد 999]

شف ياأخوي غير البطاريه نوع زين (90انبير)وركب المنظم <<<افضل من الدقمه بمراحل يعلمك انه حاليا يشحن البطاريه الاضافيه وتقدر تسوي اشتراك بين البطاريتين في حال ضعف الاساسيه بضغطة زر !!

واللي يسب المنظم انا مركبه على السيارة بالشتاء (برد )ولاضره وحاليا راكب بعز الصيف(حر)يصلخ الجلد ولاضره والحمد لله اللمبات والكهرباء اشغله المغرب الى الساعه2 ليلا واجي الصبح ويشتغل من اول دقه

واذا نويت تركبه علمن عشان اعلمك الطريقه <<<سهله جداً جداً

[ALI88]

منضم رفيق الدرب:good2::good:

[ذيب الشفا]

وعليكم السلام
للمساعدة وليس للدعاية
أولاً : لابد أن تكون دقمة الفورد أصلية اللي مساميرها من فوق .
ثانيا : اللي يركب صح وأنا مجرب سبق أن ركبت عنده وصار لها سنتين بدون مشاكل ورشة احمد العثيم في صناعية الرواف ببريدة ، كذلك الشباب مركبين عند عروق الشمال في حي النهضة ببريدة وعندهم كهربائي فلبيني ولم يشتكوا منها .
ونسأل الله لك التوفيق،،،

اشكركم جميعاً على التفاعل والله يجزاكم بالخير
اخوي مواطن اصيل ممكن وصف دقيق لصناعية الرواف ....وكذلك عروق الشمال...
الله يجزاك بالخير

[ذيب الشفا]

يرفع للاهميه...........

[هيصم]

سبحان الله و الحمدلله