ابي اركب شاشه

[كرم1]

السلام عليكم


ابي اركب شاشة في سياره اكسبدشن 2012

اللي عنده معلومات يفيدنا عن انواعها واسعارها واماكن تركيبها جزاه الله كل خير

[SAS2]

ارشحلك الرود ماستر ممتازه وقطع غيارها وتصليحها متوفر لان فيه شاشات ب3000 وماتلاقي لها قطع غيار

والمحلات بالغرابي محل دبي والي حوله كلهم يركبون بنفس الجوده لانها مجرد اسلاك جاهزه للتركيب بدون

تقطيع اسلاك الزبده قارن الاسعار ودور الرخيص بالتركيب وبالتوفيق

[الدوسري2010]

أنا مع كلام sas2

[كرم1]

يعطيكم العافيه

[تمنيتك لي]

إن شآء يفيدونك بقية الآخوآن

[ولد وايل 2010]

بس انتبه يلتغي عليك ضمان الوكالة اسأل عن هالنقطة اهل الخبرة

[ذيب زلفاوي]

انا ركبت شاشة رد ماستر على ماركيز والله حلوهبس القهر اني جيت زياره للرياض وانسرقت الله لا يحلل الي سرقها القهر انه خرب علي الربل حق القزاز الي يمين كله حتى المثلث لان القزاز كان عليه تظليل عازل ويصعب كسره وحاول بالمثلث والقزازه الي ورا وقزازت الراكب ومانكسرت معه الا حقت الراكب

[العبيطلي]

الرودماستر يمدحونها

[لاتكب البيالة]

الصدق اني مثلك ودي بشاشة
طيب يا جماعة هل هالشاشة الرود ماستر به جي بي اس
وهل تقديم المقطع على طول مثل الكمبيوتر او كود تعلق على الزر

[كاشت وحداني]

عندي لك شور
تجنبا لسرقتها من السياره
وايضا لايحوس كهرب الموتر
وخصوصا ان الاكسبديشن طبلونه كبير
في اجهزة دي في دي محموله
تقدر تشيله وتحطه عالطبلون وتقريبا كل اللي بالسياره يشوفونه
وعلشان ما يتزحلق فيه قطعه تجدها بمحلات الزينه والاكيد تلاقيها عند العليان بطريق خريص تحطها تحت الجهاز وتخليه ما يتزحلق مع حركة الموتر
موفق خير


Sent from my iPhone using Tapatalk

[SAS2]

الصدق اني مثلك ودي بشاشة
طيب يا جماعة هل هالشاشة الرود ماستر به جي بي اس
وهل تقديم المقطع على طول مثل الكمبيوتر او كود تعلق على الزر




اغلب الشاشات فيها جي بي اس بس تقدر تشرط انه يركبلك خرائط الصحراء وتلاقيها باغلب

المحلات

تقديم المقطع لديفيدي من الريموت ومثل الفيديو تقديم سريع او بطئ

واليو اس بي غالبا تقديم كامل المقطع وعموما ال يو اس بي امره بسيط لان اغلب المقاطع

عليه مدتها قصيره هذا اذا كنت بتزل من اليوتيوب مقاطع وبالتوفيق

[GMC 111]

ارشحلك الرود ماستر ممتازه وقطع غيارها وتصليحها متوفر لان فيه شاشات ب3000 وماتلاقي لها قطع غيار

والمحلات بالغرابي محل دبي والي حوله كلهم يركبون بنفس الجوده لانها مجرد اسلاك جاهزه للتركيب بدون

تقطيع اسلاك الزبده قارن الاسعار ودور الرخيص بالتركيب وبالتوفيق


نفس الكلام انا مركبها من عند محل دبي قيمتها 1450 ريال والا الحين وهي تمام

[slman]

السلام عليكم
انا ركبت شاشة رود ماستر ممتازة وما فيها كلام وموجودة بالغرابي
بس إذا تبي رأيي لا تركبها ؟
أنا ركبتها يشتغل فيها السيدي والذاكرة والراديو بس الجي بي إس متخلف خرايط مدن فقط
اشريت جهاز جالكسي تاب 7.7 إنش وحملت فيه خرايط قارمن +خرايط المدن ويلتقط الأقمار
بشكل ممتاز وأحمل فيه مقاطع وأناشيد وأشغلها للعايلة في السيارة وركبت للجهاز حامل خفيف على السيارة متنقل آخذه معي للبيت وأستخدمة للنت
انصحك فيه بدل شاشة السيارة

وتقبل تحياتي