حل لمشكلة ارتفاع حرارة الباثفايندر اثناء التطعيس

[غضنفر]

بسم الله
كيف الكشاتة ؟؟؟؟؟؟ عساكم بخير
في يوم من الايام منذ مبطي كنت ادردش مع احد الميكانيكين وقال لي
ان حل مشكلة ارتفاع حرارة الباث اثناء التطعيس ليست في اضافة مروحة اخرى
بل في نزع البلف الذي يأتي امام المكينة
حيث ان الباث له بلفين للحرارة احدهما امام والاخر خلف المكينة ولو نزعت احدهما لن يسبب اي مشاكل
فما رأيكم ؟؟؟؟؟
وهل يوجد اح قد جرب مثل هذه الطريقة او طريقة اخرى لتخفيض الحرارة ؟؟؟؟؟؟

[عمار السفينه]

حياك الله أنا أعرف ثنين من الزملاء معهم باثفندر باسالهم وارد ,, أن شاء الله

[غضنفر]

تسلم يا خلفهم
وبانتظار ردك

[salehhd]

السلام علكيم

حياك الله اخ بلاك

بما انك صاحب الاقتراح http://mekshat.com/vb/images/smilies/biggrin.gif فمن رايي انك تجرب اول وتقولي علشان اذا ضبط معاك اسوية بسيارتيhttp://mekshat.com/vb/images/smilies/smile.gif

اخوك
صالح

[غضنفر]

صالح
وش اخبارك
تبي تنكبني اجل
هههههههه
معصي والله
انا طرحت الموضوع لأجل اذا فيه احد سبق ان جرب هذه الطريقة يخبرنا بالنتيجة
اما من ناحيتي انا خواف ومنب مجرب شي جديد الا اذا كان مضمون 100%100 ومجرب

[الجنوبي]

الا خوه الأفاضل

بالنسبه لحرارة الباث
في طريقه مجربه
حيث قمت بتغيير البلف شد البلد وهو يفك على درجة حراره 82
ببلف اخر من الوكيل يفك على درجة حراره اقل اعتقد 76
الموتر باث 2002

[غضنفر]

الجنوبي
اسفرت وانورت
بعدي والله
هذا الكلام الي يجمد على الشارب
اذا كلام الميكانيكي لي صحيح <SCRIPT type=text/javascript> vbmenu_register("postmenu_426510", true); </SCRIPT>

[أبــومنــصور]

السلام عليكم
أبي أسئلك أخوي كم تاصل الحراره عندك
عندي واحد من الربع تاصل ثلاث أرباع عند التطعيس وهذي مشكله
يبيلك كل خمس دقايق توقف ............ يعطيك العافيه علي الموضوع

[غضنفر]

انا بالنسبة لي
تاصل للثلث اذا كنت اطعس بدون دبل
اما بالدبل ترتفع شي بسيط
وموتري قير عادي

[بواسامه]

الظاهر والله اعلم
ان اللي يرتفع من 2003 وفوق
انا معي المكينه الاوله اربع سنوات ما زد ارتفع ولله الحمد وقير تماتيك بعد
وتطعيس وخطوط وتمام لين بعته ما شفت منه حراره ولله الحمد

ورأي اخوي الجنوبي تراه في محله وزد سويته للدسن وفرق معي
وعساك تحصل هالرقم لانه منقطع من فتره حتى في الوكاله
ولكن ما يخلي الموتر يحمى زود
وفق الله الجميع

[تــــوني]

على قولة واحد من الزملاء حط ثلج هههههههههههههههههههه

فيه فرق بين الواحد لا صار يمشي ولا صار يركض
شلون لا صار شايل عفش ويركض به شلون ما تبيه يفطس وترتفع حراته !!!
واذا تبي تبريد عليك بمروحة كهرب ووكل الله ترى عندنا صهد خطر تشوي على الزفلت الله يكرم القرّاء والملائكة

[وحيد الدرب]

الاخوة الاعزاء
السلام عليكم ورحمة الله وبركاته
انا عندي باث 2001 قير تماتيك واعاني من مشكلة الحرارة سواء في التطعيس او غيره عند التطعيس اذا اخذت لي خمس دقايق توصل ثلاثة ارباع ولو ما اوقف يمكن الانبير حق الحرارة يكمل الدورة اما داخل البلد المشكلة السعة 2,5 وانا طالع من الدوام تخيلو من طريق الملك فهد الى الربوة توصل النص ..اجل لو ابروح للنسيم وش توصل ..اما مع الخط اذا كنت الظهر ووصلت السرعة 160كم/الساعة توصل النص ..صيخت الاديتر مرتين وغيرت بلف الحرارة من الوكالة وماء اديتر اصلي وثلاثة ميكانيكيين يقولون تماتيك المروحة سليم والمروحة الاضافية سليمة والخراطيش اذا ضغطت عليها اشوفها قاسية وشكلها جديد كل هذا ولكن بدون فائدة..ارجو من عنده علم او مرت عليه نفس المشكلة ان يفيدنا ..واذا هناك ورشه ينصح فيها بالرياض تدلونا عليها ..الصيف بدا والاجازة بدأت ..ولكن متخوف من الموتر...وجزيتم خيراً

[الكاسر23]

أخوي بلاك باث
أخوي وحيد الدرب
أولا ما أدري عن الباثفيندر ومشكلة الحرارة ، لكن أسباب الحرارة في السيارات من الأشياء التالية:
1- البلف : يمكنه قفل أو صلب السبرنك اللي فيه أو مع استخدام المويه العادية صدأ وعلق البلف، وفي هذه الحالة يمكن الكشف عنه وتغييره، وكما ذكر أخونا الجنوبي فإن أفضل طريقة هي تغيير البلف بنوع يفتح عند درجة حرارة أقل لان اللي يجي فيه مخصص لبلدان الشرق الأوسط عموما (يفتح عند 85 درجة مئوية) واللي تختلف فيها درجات الحرارة، وهذا ينفع في المناطق الأقل حرارة مثل الشام وشمال افريقيا لانها ابرد من جونا.
2- تماتيك المروحة، ويمكنك اختباره بانك تطفي الموتر والكبوت مفتوح وتلاحظ اذا ان المروحة تدور بعد ما طفيت الموتر والا ما زالت تدور وحرة الحركة، اذا انها وقفت على طول مع تطفية المروحة فمعناها ان الاتوماتيك حق المروحة ممتاز، لكن اذا انها استمرت حرة الحركة وتدور المروحة بعد ما طفيت الموتر فتحتاج الى تغيير اتوماتيك المروحة.
3- طرمبة الموية وهذا يمكنك ملاحظته إذا فتحت غطاء الأديتر قبل ما تشغل السيارة وهي باردة، فاذا شفت ان الموية تدور في الاديتر فمعناه ان الطرمبة شغاله واذا كان العكس فمعناه ان الطرمبة ضعيفه وتحتاج الى تغيير.
4- موية التبريد، يجب ان تكون من المياه المخصصة للأديتر، واذا كنت تستخدم مويه عادية فيجب عليك تسييخ الأديتر لازالة الصدأ والترسبات اللي تؤدي الى انسداد مجاري الموية في الاديتر وتعليق البلف. ويمكنك اضافة موية مقطرة على الموية الخضراء أو الحمراء لأنها خالية من الأملاح بدلا من الموية العادية.
5- تنظيف الأديتر من الخارج وأعني تنطيف الفراغ اللي بين مجاري الموية في الاديتر من الخارج، والتي تتقفل من الأتربه واوراق الشجر وغيرها مما يمنع دخول الهواء بينها لتبريد انابيب الأديتر ، وهذا يمكنك عمله في مغاسل السيارات بواسطة اللي ذو الضغط العالي.
6- خرطوش الماء الواصل بين الأديتر والماكينة، ويمكن فحصه والسيارة شغاله أو طافية، إذا كانت السيارة شغاله فيمكن ملاحظة الخرطوش، فاذا كان قافل (منضغط للداخل) فمعناه ان الخرطوش شافط هواء ومقفل المجرى ويمنع هذا وصول الماء للماكينة. اما اذا كانت السيارة طافيه، فيمكنك الضغط على الخرطوش بيدك فاذا كان متين فمعناه جيد ، اما اذا كان سهل ضغطه ويقفل تماما مع الضغط فمعناه ان الخرطوش اخذ حراره واصبح لين مما يعني عدم مقاومته للحرارة وهذا يؤدي الى قفل الخرطوش ويمنع وصول الماء الى الماكينة.
7- شدة سيور الماكينة ، بمعنى انك تضغط على السيور وتشوف هي مرتخيه والا مشدوده ، فاذا انها مرتخيه فيعني ان جزء من حركة الدوارن مفقودة، وتحتاج الى شد السيور التي تؤدي الى انخفاض دوران طرمبة المويه ومروحة التبريد.
8- السبب الثامن نادر الحدوث، وهو في حال أن السيارة اخذت وقت طويل على الحرارة، والحرارة احيانا تصل الى قرب H، ومع تكرار هذه الحالة يؤدي ذلك الى احتراق جدارن غرفة السليندر وذوبان راس السلندرات، وفي هذه الحالة مهما عملت من تغييرات لن تنزل الحرارة أبدا، والحل هو خرط الماكينة بدرجة تزيل معها اثار الاحتراق من جدران غرفة السلندرات واستبدال السلندرات.
هذا ما لدي وصلى الله على محمد
ان شاء الله افتدتكم بما لدي.
اخوكم
الكاسر

[الكاسر23]

اضافة بسيطه
في حال ان كل شي على ما يرام، فمعناه ان السيارة غير مناسبة للضروف البيئية المحلية، نظرا لارتفاع درجة الحرارة عندنا، وبالتالي فإن الحل المناسب للحالة هي زيادة رصات الاديتر او استبداله بأكبر منه.
مع أطيب تحياتي
الكاسر

[ولـد الدوادمي]

اي واحد يطعس لازم ترتفع حراره موتره

والسلام

[ولد الشايب]

السلام عليكم ورحمة الله



يمكن أقدر أفيدكم يا اخوان في المشكلة لأني جربت كل شي انذكر

1- البلف : شلت البلف و صار الموتر بارد في الشارع الحرارة أقل من الربع وصار مع التطعيس ترتفع إلى النص وما ترجع بسرعة على عكس لو كان فيه بلف كانت ترتفع وتنزل وزياده على ذللك كانت تصرف بنزين تقريبا 30-40 كيلو في التعبية الفل

2- المراوح : غيرت مروحة الوكاله السير وحطيت سوبارو الحرارة نفسها ما تغيرت لكن اللي فرق الموتر عزمه نشط والصرفية قلت شوي ( ماتلاحظها ) والزين فيها أن الحنه اللي تموت العزم في الصيف والتطعيس راحت وصار الموتر نشيط وحطيت بعد مروحة مرسيدس قدام جنب مروحة المكيف مزعجة لكنها تنزل الحرارة واستخدمها أنا في التطعيس

3- ذاك اليوم اسولف مع مكانيكي متخصص وفاهم بالمكاين الجديدة قال لي ان مكينه الباثفيندر من تحت الومونيوم مهوب مثل الباترول واللاندكروزر حديد فهذا السبب اللي مخليها ترتفع الحرارة وميزه الالمونيوم يزيد من عمر المكينه وخفيف الوزن . ويقول ان الراديتر حقه مناسب جداً ( يعني ما ينفع تحط صفتين أو ثلاث ولا يصلح له مبرد قير )
بعدين قال لي ان الموتر أفضل شي تكون الحرارة على النص لأنه يقلل استهلاك البنزين ويحافظ على المكينه .
وعلى طاري الكلتش يقول أن الكلتش الرياضي أفضل شي يتركب على الباثفندر ( مقارنه مع كلتش الوكالة )



وأي سؤال حاضرين يا شباب ....:d

[باث2001]

شباب هل رديتر الباث 2001 قير اوتوماتيك اديتره نفس رديتر القير العادي ؟؟
وفقط عند لتطعيس ترتفع عندي الحرارة الى النص تقريبا وفي الخط والسرعات 140 ماترتفع ,وش الحل اللي تنصحوني فيه ؟؟

لا أحد يستهبل يقول لا تطعس وترتاح <<< خخخخخخخخخ


باث 2001 مكينه 3000 سعودي قير اوتوماتيك رديتر الوكالة اللي فيه الآن .