معلوممات بخصوص مراوح السوبارو

[قلايد الخيل]

السلام عليكم ورحمة الله وبركاته
مثل ماهو بالعنوان ياخبراء التعديلات,,,
انا بركب مراوح على هايـــلكس دبل 2008
لاني بركب كفرات وجنوط هلل..وعشان السبب هاذا ابغى اعرف ايش راح يفيدني لو ركبت مراوح لان معلوماتي ضعيفه فيهن..؟
واهم شي ابغى اعرف السلبيات وثم الايجابياات وشكرااا

[اوف لاين]

الفائده بتخف السياره عليك شي بسيط
وتروح حنه المروحه
وانت واقف ومشغل المكيف هي احسن تبريد من مروحه الوكاله
السلبيات لو طفت او صار فيها مشكله فبتتعطل لان السياره بترتفع حرارتها
يعني تحتاج متابعه

[ابوعبودوحمودى]

السلام عليكم
كم سعرها

[قلايد الخيل]

الفائده بتخف السياره عليك شي بسيط
وتروح حنه المروحه
وانت واقف ومشغل المكيف هي احسن تبريد من مروحه الوكاله
السلبيات لو طفت او صار فيها مشكله فبتتعطل لان السياره بترتفع حرارتها
يعني تحتاج متابعه

يعطيك العافيه على ردك السريع بس السلبيات الي ذكرتها غطت على ايجابياتها:mad:
ومشكور وماقصرت
وياليت الي يعرف تفاصيل اكثر يذكرها حجمها سعرها وين احصلها
الله يعينكم اساله واجده الي مايعررف معذوووور والي ماله خلق يرد معذور هههه:good::D

[قلايد الخيل]

السلام عليكم
كم سعرها


هلاابك والله,, تابع الموضوع وان شاء الله احد يفيدك

[يكفيني نظرة]

انا ركبتهن بعنيزه عند واحد وداني له خويي على هايلكس 2006 دبل قبل سنتين وجلسن على الموتر شهرين وخرب عندي الدينمو حق الكهرب وقيمته 1600 ريال مع ان تركيب المراوح ممتاز بس الظاهر الدينمو قدرته محدوده ولا تحمل العبء..

[ابوعبودوحمودى]

اريد وضعها على مكيف صحراوي
على الطاقه الشمسيه

[يكفيني نظرة]

سعرهن خابره 400 وحولها ..

[مطر وسم]

الترهيم مامنه الا التعب والخساير اسئل مجرب واسئل واحد غيري جرب

يمكن يضبط معك الترهيم شهر وبعدها بتصير صديق دايم ومعروف بالورشات :D


السياره على وكالتها احسن شي :good2:

[شايب السبيت]

مركبها على كرسيدا 94
وانا الي ركبتها بيدي
ولها الان 4 سنوات
وافضل من مروحة الوكاله الميكانيكية بمليون مره
ومن باب الاحتياط حاط المروحه معي في الشنطه
والحمد لله ما احتجتها
من مميزاتها انخفاض درجة الحراره في وقت الزحمات
الميكانيكية وقت الزحمة والوقوف اكثر من عشر دقائق يبدى المكيف ما يبرد زين
اما مراوح السوبارو وقت الزحمة تعمل بالعكس تنخفض الحراره
والمكيف يصير جليد

[اوف لاين]

اريد وضعها على مكيف صحراوي
على الطاقه الشمسيه
انت في بحر وحنا في بحر
وبالنسبة لسعرها 600 ريال تقريبا

[اوف لاين]

هلاابك والله,, تابع الموضوع وان شاء الله احد يفيدك
بالنسبة لسعرها 600 ريال تقريبا
اللي يركبونها في الرياض واجد لكن هذولي من المشهورين
الخطيب0504209258
الدغيري0552222006
كلهم شغلهم ممتاز بس شف الارخص
وبالمناسبه هي حظوظ ناس تسلك معهم زي الورده وناس لا
على العموم ركبها واذا ما نجحت معك اعرضها في المنتديات باغراضها كامله
ويجي زبون على طول

[كبسولة2]

تفضل أخي الكريم أقرأ هنا قبل تركيب مروحة السوبارو

http://www.mekshat.com/vb/showthread.php?t=493278

[abo aryam]

السلام عليكم
للمعلومية كل السيارات اللي مكاينها بالعرض مراوحها كهربائية واغلب السيارات الالمانية ان لم تكن كلها كهربائية بس الحاصل ان اغلب اللي يرهمون يركبون لك مراوح مستعملة وبعضهم يشبكها على السلف بالسرعة القصوى وهذه الطريقة تستنزف البطارية والدينمو وتقلل العمر الافتراضي للمروحة .
التجربة الاولى : كامري 99 ماشية 300 الف كيلو لم تتعطل
التجربة الثانية : جيب شيروكي 2001 تم تركيب مراوح سوبارو جديدة واستخدمتها لمدة سنتين ولم تتعطل .
وللمعلومية الميكانيكية اكثر اعتمادية اذا كان شغلك خارج الطرق المعبدة .تحياتي للجميع ,,,

[قلايد الخيل]

يعطيكم العاافيه ماقصرتووو بس تحيررت والله وراح اعطيكم خبر اذا تم تركيبهاا وراح اشوفلي كهربائي شاطر واستفسر,,,, وشكرا لكم