تركيب مروحة إضافة لاندكروزر

[فتى الوادي]

السلام عليكم :
اريد تركيب مروحة إضافية لسيارتي لاندكروزر جي أكس آر لتخفيض الحرارة أثناء وقوف السيارة .
الأستفسار :
1- اين ورشة الكهربائي المتخصص بالرياض ؟
2- ماهي أفضل مروحة للتبريد ؟
3- التكلفة المتوقعة ؟
4- نصائح وخبرات الأخوة السابقة في هذه الموضوع .

( سأقوم بعد التركيب بكاة تقرير مصور عن ذلك ) .
شكرا لكم وبارك الله فيكم .

[hamido]

والله انا معي جكس وركبت مروحة لكزز اماميه ممتازه... استخدمه فقط مع الوقوف او الزحمه مع مروحة شد البلد الكهربائيه وكلفت حوالي 200 -250 ماني متذكر بس ماتسوى عازته وبالنسبه للورشه يفيدونك الاخوان

[HAS5SAN]

ماخبرنا اللاند يشتكي من الحرارة
ممكن عندك مشكلة في الرديتر أو كلتش المروحة
و مروحة التبريد إلي تشتغل مع المكيف
شيك عليها افضل

[فتك الحر]

ابو سعود في الرياض من افضل من يشتغل مراوح بعد اذن الأداره 0503272878

[(((.ابوتميم .))))]

كان الموتر يتعدا النص ترا الموتر فيه عله وانت با المروحه الكهربائية منت حال المشكلة
شيك على اللديتر ومستوى الماء وشف الطبات والليات يمكن فيها شقوق وتهريب
تماتيك المروحه وبلف الحرارة وغطاء الرديتر شيك عليها كان الموتر حرارته زايده
الله ييسر امورنا وامورك ومن يقرا

[فتى الوادي]

والله انا معي جكس وركبت مروحة لكزز اماميه ممتازه... استخدمه فقط مع الوقوف او الزحمه مع مروحة شد البلد الكهربائيه وكلفت حوالي 200 -250 ماني متذكر بس ماتسوى عازته وبالنسبه للورشه يفيدونك الاخوان

وين ركبتها في أي ورشة ؟؟


ماخبرنا اللاند يشتكي من الحرارة
ممكن عندك مشكلة في الرديتر أو كلتش المروحة
و مروحة التبريد إلي تشتغل مع المكيف
شيك عليها افضل
هذا من طيب موترك .. مثل اللي يسأل ( إيش احمى ) .. ماشاء اله تبارك الله .


ابو سعود في الرياض من افضل من يشتغل مراوح بعد اذن الأداره 0503272878

فضلا وين عنوان ورشة ابو سعود ؟!


كان الموتر يتعدا النص ترا الموتر فيه عله وانت با المروحه الكهربائية منت حال المشكلة
شيك على اللديتر ومستوى الماء وشف الطبات والليات يمكن فيها شقوق وتهريب
تماتيك المروحه وبلف الحرارة وغطاء الرديتر شيك عليها كان الموتر حرارته زايده
الله ييسر امورنا وامورك ومن يقرا

الحرارة مع الوقفة الطويلة في عز الظهر ممكن توصل للنص ... لكن أنا أريد التبريد على السيارة على اي حال .
والأديتر جديد ماله إلا كم شهر .. وأنا أعتبر الحرارة طبيعية .. فقط اريد التبريد زيادة على المكينة حتى لا تتعرض للحرارة .

ما زلت في أنتظار الإفداة عن أفضل ورشة لديه الخبرة في تركيب المراوح وأفضل نوعية للمروحة .
بارك الله لكم وفيكم .

[ALBAROOD]

السلام عليكم ورحمة الله وبركاته


عندي جي اكس ار ومركب مروحتين وفي عز الظهر
ومع الوقفه الطويله توصل الحراره على النص عاديه
شوفلك اي كهربائي شاطر وركب عنده والمروحه

[فتى الوادي]

عندي جي اكس ار ومركب مروحتين وفي عز الظهر
ومع الوقفه الطويله توصل الحراره على النص عاديه
شوفلك اي كهربائي شاطر وركب عنده والمروحه

هذا هو المطلوب ! وين الكهربائي الشاطر !!!

[1 أبو يزن 1]

السلام عليكم
أولا / إذا موترك فيه مروحة تبريد شد بلد رح للتشليح خذ نفسه حقت بلد و حط له كتاوت و اشبكهن جميع
ثانيا / إذا ما فيه مروحة أصلا رح للتشليح وخذ نفس حقت البلد و تركب عندك بدون ترهيم قواعد أو تسليك كهرب لأنه موجده عندك أمام الأديتر فقط تحتاج كتاوت بلد اللي يجي بعلبة بالكبوت

[ابو فهد...]

مراواح غير الدغيري لاتتعدا

[فتى الوادي]

مراواح غير الدغيري لاتتعدا
ممكن عنوانه ؟ والوصف ؟

يا شباب أنا أريد الورشة المضبوطة وعنده خبرة في تركيب المراوح ويكون بالرياض .

[عمر الشريف]

السلام عليكم
أولا / إذا موترك فيه مروحة تبريد شد بلد رح للتشليح خذ نفسه حقت بلد و حط له كتاوت و اشبكهن جميع
ثانيا / إذا ما فيه مروحة أصلا رح للتشليح وخذ نفس حقت البلد و تركب عندك بدون ترهيم قواعد أو تسليك كهرب لأنه موجده عندك أمام الأديتر فقط تحتاج كتاوت بلد اللي يجي بعلبة بالكبوت



كلام أبو يزن سليم أنآ مركب مروحه آخذهّآ من التشيليح حقت فكسآر ومركبهأ عآدي أضفت كتآود بعلبه الفيوزآت والسلك موجود جنب البوري وميه ميه شغآل ولله الحمد

[هيصم]

سبحان الله والحمد لله

[فتى الوادي]

سبحان الله وبحمده سبحان الله العظيم ...

نفس السؤال : وين الكهربائي اللي عنده خبرة في التركيب بالرياض ؟
هذا هو سؤالي واستفساري ...

[خبايا انسان]

الدغيري ممتاز ,, بالصنعيه القديمه

[فتى الوادي]

وين وصف الدغيري ؟!

[فتى الوادي]

الصيف يتنهي ومحد رد علي ...!
وين الورشة الل عندها خبرة بتركيب مروحة تبريد كهربائية بالرياض عى جيب جي أس آر موديل 2000 ؟

[ms662]

اخوي عندك الدغيري في الرياض لكن سمعت انه وقف شغل
وفيه سليمان الخطيب الرياض صناعية ١٨
وبارسل لك رقمه على الخاص
لكن باقولك شغله راح له وحد من الربع بيركب مروحه مرسيدس قاله ٤٥٠ ريال
وركبناها في البيت التكلفه مروحه مرسيدس جديده ١٤٠ كتاوت ١٥ سلك ببلاش فيوز بالقاعده ١٥ مشكوبيات ١٠ ريال مايه حبه
قطع حديد ومسامير من محل سباكه ١٥ وسلامتك واحسب انت الفرق

واذ كانت سيارتك فيها فيش جاهز بس يبي كتاوت تركبه له زي ماقالوا الاخوان في ردودهم فموضوعك اسهل بكثير من الي قلتلك سابقا

[فتى الوادي]

اشكرك اخوي ms662 وياليت وصف الورشة او رقمه هنا لتعم الفائدة ..

[ms662]

0504209258
والوصف اخوي ماضبطته
لكن والله اعلم اول شارع مسارين في صناعيه18 يتجه شمال جنوب ورشته عليه
والافضل تتصل عليه تاخذ الوصف
وبالتوفيق

[البديع 828]

المراوح انا جيت الوكاله لقيت قيمة المروحة حقت الفي اكس ار٦٥٠
وسألت كهربائي يقول اداءها ضعيف اذا تعبت اتعب مره وحده وركب مراوح بنز او سوبارو لأن دفع الهواء قوي على السيارة ويحصل المراد وهو تبريد السيارة لكن صارت مروحة البنز مزعج بالحيل وشغل يده غالي ياصل تركيبه مع المروحه ٤٥٠
ولا أدري الى الحين....!!

[aan9007]

اخوي انا عندي مروحه تركب ورى الشبك يابانيه
كانت راكبه على لاند
كامله كتاوت وفيوز وفاصل علشان تشغلها ومعها حدايد علشان تركبها وحدي فيها ٢٠٠ ريال

[البديع 828]

اخوي انا عندي مروحه تركب ورى الشبك يابانيه
كانت راكبه على لاند
كامله كتاوت وفيوز وفاصل علشان تشغلها ومعها حدايد علشان تركبها وحدي فيها 200 ريال

اذا تبي تبيع هذا رقمي للتواصل واتس اب0555921101
بعد اذن راع الاعلان ان سمح لي والادارة