يا اخوان ابي مساعدة لخيمة افطار صائم كبيرة

[ثرمدا]

يا اخوان ارجو المساعدة الى يعرف وين احصل خيمة كبيرة على شان احطها افطار صائم ولة الاجر عندنا مسجد كبير بس وفي حي تجار بس ماعمرهم سوو خيمة افطار واشوف الهنود العام يدورون قدام المسجد ماحصلو افطار واخرة يشربون قارورة موية ويدخلون يصلون طقتني العبرة والسنة هذي قررت اسوي المشروع وعلى الله الاجر ابي منكم المساعدة على شان تدلوني وين استاجر خيمة كبيرة وتكون بمكيفات والله يجزاكم الف الف خير ولكم ان شاء الله الدعاء

[محرين باالخير]

الله يكتب لك الاجر ويحسن عملك
رئيي تمر علي التميمي او القاضي وتطلب منهم ايجار خيمه مناسبه وتخبرهم انها افطار صائم اتوقع بيعطونك بسعر منا سب ترا كلن يدور الاجر وانا خوك واي مساعده او خدمه راسلني خاص .

[ثرمدا]

الله يطول بعمرك انا كلمت شركة الخيام المطورة وقالي بحوالي 40 الف وانا راصد للمشروع 50 الف ريال والعمال في الموقع مرة كثير واخاف اتوهق بالافطار كامل اقولهم افطار صائم يقول مالنا دخل ههههههههه يعني الى يعرف واسطة والا احد يقرب لة ويجيب لنا الخيمة ويضبطها بسعر رمزي

[ابو الشبرميات]

الله يجزاك خير ولايحرمك الاجر
محلات تأجير الزل وتجهيز الحفلات
عندهم تأجير خيام وتأثيث بالكامل
,,,

[حيهلا]

ارسل لي على الخاص نشوف باي مدينة انت ومالك الا تتسهل باذن الله لان صاحبي عنده خبره بالمجال الدعوي والمخيمات الدعوية
وجزاك الله خير على طرح الموضوع ذكرتنا بالعمل الخيري والتجارة التي لن تبور،،، ماغير لاهين ندور دافور بريموس ووشلون نرهم الراس واللي هههها جزاك الله خير

[واي فاي]

الله يوفقك ويسهل أمورك

الله يكتب أجرك ويرفع قدرك

[محرين باالخير]

ارسلي رقمك علي الخاص لو تكرمت

[بليزر616]

الله يكتب لنا ولك الاجر وين موقعك بالرياض

[ابشر بسعدك]

والله يااخواني ان فيه عوايل تحسبهم اغنياء من التعفف واللي يبي يرصد مبالغ كبيرة علشان يفطر عمالة اكثرهم بوذي ومسيحي وغيرهم مايعرفون من الاسلام الا اسمه فقط دور لك عائلة محتاجة وتدفع ايجار وادفع عنهم حق سنة قدام اخير من تطعيم عمالة بعضهم وانا شفتهم كثير يدخل المسجد بدون وضوء خصوصا برمضان علشان الصدقات والله العظيم تدفعها لعجوز بايجار ولا مصاريف تكفيهم سنه قدام اخير والله العظيم فكونا من هالعمالة اللي يحقدون عليكم ياناس خافوا الله في فقرائكم والاقربون اولى من غيرهم ياخي فية عندك فلوس زايدة اشتر سيارة لضعيف والله اخير لهم من تفطير بوذي ومسيحي

اللهم اني بلغت اللهم اشهد

[جيبي جايزلي]

الله يجزاك الف خير

برغم الفساد اللي نشوفه من هالعماله والغش والنصب والجريمه الا اننا تمادينا كثير بإعطاء الثقه والطيبه الزايده منا

العامل يسرق وينهب وينصب
ونجي نكافئه ونوكله ونشربه ونحترمه ولاحد يجي ويقولي بالعكس بهالطريقه نغير سلوكياته ومثاليات

لا تقدم ولا تاخر

والبعض منا يعتقد اخراج الصدقات وفعل الخير مربوط بالعماله

الاقربون اولي بالمعروف مثال لو بغيت تسوي خير شف احد الاخوان او الاقارب او الاصدقاء او المقربين او فيه احد من جيرانك ولا يمنع السؤال عن هل تعرف احد سعودي ولد البلد محتاج
او عليه ديون ماليه او يمر بضيقه ماليه المهم انه محتاج احد يوقف معه والسلام

اللي ذكرته فوق هو اللي انا اشوفه يحتاج للمسانده والوقوف معه وفك ضيقته وهو اللي فيه خير
اما غير ذلك اشك في فعل الخير له والوقوف معه

وانا اجزم انك لو بحثت عن سعودي محتاج لان تطول المده بالبحث وبالتوفيق للجميع لفعل الخير