المساعد الشخصي الرقمي

مشاهدة النسخة كاملة : دبل الجي اكس ار الثقيل .... معلق ووش السواة ؟؟


راعي الكيف
13/06/2006, 01:37 PM
السلام عليكم ...

مسيكم بالخير ياجماعة الخير ...

قبل كم من يوم ... كلمني خويي قال : وش رايك تخاويني للشرقية نوسع صدورنا بذاك ؟؟ قلت : قدام ... بس على موتري .... قال : حالفن اني ما اطب هاك الديرة إلا بموتري .... - جي اكس ار خليجي 2004 - .. قلت : تم

والله ونمت الموتر ووصلنا وتمشينا .... وقدر الله علينا اننا نروح يم الهاف مون - شاطئ نصف القمر ... الشاهد ان ذيك الاماكن فيها غراز طيب ... لا وعاد تراب المنطقة الشرقيه ينشب باللهات مو بالكفرات بس .... الكلام هذا على الساعة 6 الصبح ...

عاد خويي الله يجزاه خير ... غشيم سواقة من اصله .. وبالبران عاد اردى .... ويمين ويسار .... إلا وطحنا بهاك الغراز ....
قدم عدل بدل .... على طول خويي دق الدبل ولا تحرك الموتر ... ودق الثقيل - تراه دايم يدقه .. لوه مغرزن بالقار ههههههههه - ... الشاهد طلعنا عقب طلعت الروح ....

بس !!!!




هناا المشكلة .... الدبل الثقيل عجزنا نرجعه لمكانه .... وبلشنا به !!!

طبعا ماتقدر تفك الدبل لين ماتفك الثقيل اولا .... ويالللللللله البلشة !!! حاول عدل بدل ..... عجزنا عنه !!

الشاهد اننا تعبنا وحنا ماغير نجدع وجيهنا قدام هالعالم .... اللي يقول مجيم مافيه زيت ... واللي يقول السيارة محترة ... وبلشنا بهالموتر .... وانتم خابرين ان شاطئ نصف القمر يبعد 40 كلم عن الخبر اللي فيها السكن !!!

وخابرين ان الثقيل .... اكثر شي توصل له 80 كلم + يضر بالسيارة الممشى عليه !!

والله ياناس اني كرهت هالسفرة من التمرمط والبلشة !! ...... اخر شي قلنا نبي نوقف تحت هاللوحة - لوحة اعلانات كبيرة - ونتظلل تحتها ... ونتحرى هالعالم تجي مع العلم ان الساعة كانت عندها في حدود 9 صباحا - ولاتنسون ان الحر بدا يشتغل فينا + الرطوبة .... واااااااحومة تسبداااااااااااااااه - ... يعني يبي لنا اقل شي 6 ساعات عشان يجون الناس لذاك المكان ...

وحنا اللي نوقف .. ونفتح الكبوت ... ونفرش الفرشة .... وعسى احدن يمر وياقف لنا ...
ووقف لنا واحد ياجعله ووالديه في الجنة قولو امين .... ياحبي لذاك الوجه .... من اهل الشرقية .... وشكله توه جاي من الحداق .... ونزل هو وخويه .... سلام وعليكم السلام .... عسى ماشر يالربع ؟؟ قلنا ابد سلامتك ... بس هالدبل معلق ولا هوب راضي يفك .... قال بسيطة .... وسبحان الله .... بحركة مدري وشلون جاية ... دقه وضبطه !!!

بغينا نسجد له من الفرحة هههههههههههههههههههههههه استغفر الله

وتشكرنا منه بالحيل .... ومشينا

مايستفاد من هذه القصة مايلي :
- لاعمر اهلك تروح بجيب للشرقية ... خلك على الصغيرات ازين واقل صرفية بنزين وتعرف ان الغراز ماهوب لك .
- لاعمرك تخاوي واحدن غشيم بالسواقة وتخليه يجيب سيارته ... لان ضغطك يبي يرتفع من سواقته .
- لاعمرك تشغل الدبل الثقيل لاني انا خابرة للجبال والطلعات القوية مهوب للتطعيس والغراز .
- عز الله انك تبي تدج اذا تعطلت في طريق الهاف مون .... لان ماحدن موقفن لك ابدا ..... وكل ما اشرت لحد تسمع صوت ردة النمرة .
- لايفوتكم الشاطئ في الفجر ... مافيه زحمة + براد الى قبل الساعة 8.
- خلاص مافيه شي ...


وعلموني بالله وش سالفة هالدبل لابوه لابو من سواه !!!!

واسف على الاطالة ...
فتى شنه
13/06/2006, 03:21 PM
مشكور اخوي راعي الكيف على القصه والله يعينك على هيك طرشه لكن المشكله من ويش يوم علق الثقيل
هاوي الله
13/06/2006, 06:50 PM
الموتر أوتوماتيك ولأ قير عادي ؟

بعدين وانا خوك ترى الدبل الثقيل مهوب للجبل والطلعات بس بالعكس إذا غرزت يعني وقفت في التغريزه في الرمل نصيحه لا تحاول إن الموتر يطلع بالدبل الصغير تراه يضره كثير ويضر الكلتش وخاصة الجيوب ترا ماترتاح إلا بالدبل الثقيل وعلى حسب التغريزه بعد يعني التغزيز الجامد أفضل شي له الدبل الثقيل .
غضنفر
13/06/2006, 07:29 PM
ما ادري عن الاند
لكن عندي في الباثفايندر
اذا بغيت ترجع الثقيل لمحله لازم تضغط الدبل لتحت ثم تسحبه >>>>> افلقني اذا فهمت شي
واذا ما ضبط حاول تدق ريوس ثم تعشق الدبل للفاضي
راعي الكيف
14/06/2006, 09:37 PM
فتى شنة /

حياك الله ... ويعيننا وياك .. وبالنسبة للدبل مدري وش بلاه والله ...

تحياتي

----


فتى البران /

القير اوتوماتيك ... وبالنسبة لكلامك اول مرة اسمعة صراحة ... واخاف على كثرة استخدام هالثقيل يتعب القير .. وانت خابرن الاوتوماتيك ... مايبيله معافر ... مسايس وان ما طاعك طعه !!

تحياتي لك


---

black path/

وكلامك على متمه ...ذكرتني بموتر كان عندي ... الله يذكر هاك الموتر بالخير ... عز الله اني حسيت بقيمته يوم بلشنا بقير هالموتر اللي رحنا فيه ... وفعلا كان - الموتر اللي كان عندي - نفس الطريقة اللي قلت لي عنها ... امصع وادفع >>>> صارت مسابقة هههههههه

يعطيك العافية
هاوي الله
14/06/2006, 10:44 PM
أنا أقصد إذا كانت السياره واقفه (السرعه صفر)(0 كم ) في تغريزه قوووووووووووووووووووووويه أو تدقيره قوووووووووووووويه ( الجبل وغيره من التضاريس الوعره ) = الدبل الثقيل أحسن وأفضل وأريح للموتر .

أما إذا كان الموتر يمشي أو يقدر يمشي ( تغريزه صغييييييييييره ) = الدبل الصغير ( الخفيف ) يكون أفضل وأريح للموتر .
راعي الاووله
15/06/2006, 08:36 PM
حل الموضوع جداً جداً بسيط

ان بغيت تشغل الدبل ارفع عصى الدبل على فوووق وانت مرجع العصا للخلف
وان بغيت ترده نفس الحكايه ارفعه لفووق ورده لقدام..

لكن فيه مشكله اذا صادفتك هذي يبغيلها فنيات شوي ( معاك خبره في الكروزر 13 سنه)
الا وهي
اذا شار الدبل ونشب ومابغى يرد لمكانه
اولا: اكسر السكان ( الطاره ) اعلى اليسار او اليمين
ثانيا: خل وضعية القير على الريوس ( الرجوع للخلف )
ثالثا: وانت راجع وكاسر على سكان الموتر حاول بارجاعه لمكانه واذا مارجع....... انشع الموتر قليلاً

وهذي التجربه 100000000%
وصادفتني كثير

اخوك راعي الاووله من قطر
تــــوني
15/06/2006, 10:13 PM
يا حبيلك يا راعي الكيف ذكرتن بواحد سوابي نفس سواتك بس غرزنا بمسف

الي سويته قلت خل غشامتك تبهذلك خذت دلتي ونزلت فرشت فرشتي وجلست اتفنجل لين دخت
وهو جالس يحبرش ويحورف ... وانا عارف شلون بيطلع .. وجالس اراقب الرجال وانا في حضن الدلّة
المهم لين عجز وخذ له يجي ساعة وهو يحورف .... الين طفى وطاح عندي على الفرشة ... قلت له خلاص طفيت
قال لا بروح اجيب سطحة قلت مايخالف خليته يروح وقلت له خل مفتاح السيارة وبجلس عندها وان جالس ابوس في الدلة .. لين ماشفت الا شماغه من بعده وهو ناصي الشارع ... واجيك عاد انا سوبر مان واطلع السيارة واضف عفشي واركبه للسيارة وانصاه ويحمد ربه اني ما دعسته ها الغشيم مشخص بجيب وهو مايعرف له ,,, وبدلت مكاني وقلت له مشينا للرياض وقلت له خذ كورسات في الانجليزي عشان ماعاد تغرز في القواعد الخاصه بشعبه المرور والسلامة في حي الغالة

تسلم لنا يا راعي الكيف بس راعي الأوله خبيييييييير لا تتعدا علمه ....
راعي الكيف
16/06/2006, 01:06 AM
الاخ راعي الاوله /

ياهلا وغلا ... وكلامك على متمه .. جربنا هالطريقة .. طبعا بعد استنفاد كل الحلول ومكالمة كل الناس اللي سبق ومرو بهالتجربة .. بس ماش مانفعت ... حتى جربنا من الدي للإن مع تحريك الدبل للخفيف ... بس ماش ... وياسبحان الله ... جا راعي الحداق ... وبتكة بسيطة ... رجع القير لوضعه الاول .... وحنا جالسين ماغير تمصيع بالدبل بغينا نفكه !!!

بس اللي ماجربناه كسرة الطارة !! وش لها دخل ؟؟ تهقى انها هي السبب ؟؟

بس ولو شكلي ابرسل لك رفيقي .. شكلك عندك دبلوم بالجي اكس ار ... ماشاء الله تبارك الرحمن الله ينفع بك

ماقصرت يالحبيب ... وعساك دووم ذخر .. تحياتي



الاخ توني /

هههههههههههههههههههههههههههههههه ياحبي لك والله .... اثاريك راعي لكاعة ؟؟ يارجال شرهتك على اللي يبي يخلي عندك المفتاح - اقصد خويي - ... المشكلة انه لاهوب مخليك تسوق .. ولا سواقته زي الناس !!

ولي عدة تجارب معه ... منها ... مرة من المرات مسوي لي فيها شوماخر ... ومنسم لي الكفرات ... ومشغلن الدبل .. وجالس لي يطاعس ... ويسوي حركات تتسبب في ان الكفرات تسحل - تنفصخ - ... الشاهد ... والله وانسحل احد هالكفرات وهو ماسكن الردمية يبي القار ... يمين يسار ... يبي يفك السبير ... حاول بها ... انت خابر الجيب اللي خلفيته خلفية لكزس كفره غثيث ... فجلس له حول الساعة وهو يحاول يركب الماسورة حقت البكرة اللي تنفر وتنزل بها الكفر .... المهم عجز .... انا قلت له : يخوي انا خابرن انه عندك ماطور هوا ؟؟ قال : ايه ... قلت : ياحلالات من لخك بهالحديدة اللي معك !!! ... الحين عندك الماطور و جالسن تبي تفك السبير ؟؟

رحت وشبكت الماطور ونفخت الكفر - طبعا وهو مرفوع بالعفريته - ... والله وبدا يتواسى لين ركب ... قلت مشينا
قال : عز الله انك جبتها .. قلت : عز الله انك ماينغزا بك .... حدك برحات البيوت وانت جاي .. طبعا والذكريات كثيرة معه ..

واعتذر لك عن الاطالة .... تحياتي