محتاج رأيكم يالمكشاتية بخزان الوادي .....

[هملول السحاب]

السلام عليكم ورحمة الله وبركاته،،

اخواني انا قررت اشتري خزان الوادي واقف 90 لتر وياليت اللي جربه قبل لانشتريه ونتوهق

سعره رخيص انا حصلته ب 220 جديد مع ضمان سنتين.

واذا قسم الله وشريته ابغا نصايحكم كيف اخليه يوم او يومين معبأ مويا ولا فاضي.

[سهم نجد]

أخوي هملول انا مجرب هذا النوع من التوانك بس اللي عندي اللي يجي عريض وكلها وحدة وفيه واحد من الشباب عندة نفس اللي تقول الصراحة ما شفت منه الا كل خير لا طعم ولا غيره وبالنسبه يوم تقول اخلية يوم ولا يومين ما ادري وش قصدك لكن اذا كنت تقصد وهو جديد ابد اغسله مرتين ولا ثلاث ويصبح جاهز للاستخدام اما اذا كان على طول فما عليه لو تخلي الماء فية اسبوع ما يتغير ان شاء الله

نضيحة : بعد ما تفضي الما منه لا تخلية في الشمس يروح ويصير يطعم في الماء ... ليست تجربة ولكن نصيحة من خبير بالشي هذا والله اعلم

لا تنسانا من صالح الدعاء

[راعي طفات]

ممتاز وتعاملهم ممتاز

أذكر الضمان 5 سنوات

بالنسبه لي يعيبه صعوبة إخراج الماء عند الغسيل , لوجود زوائد أعلى من مكان التعبئة وأسفل من مكان الصنبور

وفقك الله

[الوافي 2007]

لاتكثر المشوره انا عندي 5 معي ومع النشاما صحبتي ماذكر نقدنا عليه 3 سنوات بس اهم شي عبه مويا تحليه ب5 ريال الله يوفقك

[هملول السحاب]

أخوي هملول انا مجرب هذا النوع من التوانك بس اللي عندي اللي يجي عريض وكلها وحدة وفيه واحد من الشباب عندة نفس اللي تقول الصراحة ما شفت منه الا كل خير لا طعم ولا غيره وبالنسبه يوم تقول اخلية يوم ولا يومين ما ادري وش قصدك لكن اذا كنت تقصد وهو جديد ابد اغسله مرتين ولا ثلاث ويصبح جاهز للاستخدام اما اذا كان على طول فما عليه لو تخلي الماء فية اسبوع ما يتغير ان شاء الله



نضيحة : بعد ما تفضي الما منه لا تخلية في الشمس يروح ويصير يطعم في الماء ... ليست تجربة ولكن نصيحة من خبير بالشي هذا والله اعلم


لا تنسانا من صالح الدعاء




بارك الله فيك اخي سهم نجد

اللي اقصده انا لما اشتريه يعني هل اعبيه مويا واخليه مثلا فيه يوم يومين ولا اغسله وعلى طول على ظهر الجيب.

وشاكر مرورك ومشورتك الطيبه ياسهم نجد

[هملول السحاب]

ممتاز وتعاملهم ممتاز



أذكر الضمان 5 سنوات


بالنسبه لي يعيبه صعوبة إخراج الماء عند الغسيل , لوجود زوائد أعلى من مكان التعبئة وأسفل من مكان الصنبور



وفقك الله



ياهلا وغلا براعي طفات

اشكرك على مرورك العطر ورايك الطيب اللي ان شاء الله مانستغني عنه.

[هملول السحاب]

لاتكثر المشوره انا عندي 5 معي ومع النشاما صحبتي ماذكر نقدنا عليه 3 سنوات بس اهم شي عبه مويا تحليه ب5 ريال الله يوفقك


الله يجزاك خير يالوافي 2007

بس مافهمت انك تعبيه مويا تحلية ب 5 ريال.

انا عندي بالبيت جهاز تحلية للمويا وماقد عبيت من محطات تحلية المياه ولله الحمد.

شاكر مرورك العطر يالغالي.

[هملول السحاب]

اخواني بقي راي اخير منكم

اذا شريته ابغا افصل له قماش تنزاني تلبيسه وفي كم سحاب علشان استفيد منه ياليت اللي يفيدن وين احصل الشغل الزين.

[ابوعدي]

خزان ممتاز ولكن يعيبه مثل ما قال احد الأخوان صعوية افراغ الماء باكمله
والشي الثاني وهذا ينطبق على جميع الخزانات اللي داخل السيارة وهي ان الماء اذا فاض او نسيت الغطا مثلاً او صار فيه تسريب من مكان البزبوز يكون الماء داخل السيارة وتطلع رائحه مزعجه
وعلى العموم لابد من الحرص الزائد في التعبئه
اما التلبيس فاتوقع ان لونه جميل وهو البيج والقريب من اغراض الرحلات اغلب الاحيان وبدون تلبيس اسهل للتنظيف
وبالتوفيق

[هملول السحاب]

بارك الله فيك ابو عدي على كلامك الطيب

[مياس العيون]

أنا جربته ممتاز جداً لا طعم ولا رائحه والماء يضل فيه ٣ اسابيع شهر وما يتغير

وشريته قبل سنتين ٥٦٥ ريال نفس اللي ذكرته وما زال موجود

[سطم]

بيض الله وجهك

عز الله انك كفيت ووفيت

[هملول السحاب]

بيض الله وجهك

عز الله انك كفيت ووفيت


ووجهك ابيض انت والسادة أعضاء المكشات اللي ماخاب ان شاء الله من استشارهم بعد الله.