ابي رايكم في مشكلتي مع المرور و شركة التامين

[الجيب عزوه]

اخواني اعضاء منتدى مكشات

السلام عليكم و رحمة الله

اعرض لكم مشكلتي مع المرور و شركة التامين راجيا ان اجد حلا لها

قدر الله على ابني و صدم سياره و الحمدلله على سلامتهم جميع

وحيث ان الابن عمره اقل من 21 سنه لم يغطيه التامين و قد تم تقدير السياره من قبل شيخ المعارض على انها تالفه و اجبروني بدفع 19 الف رغم امكانية اصلاحها مع العلم اني اصلحت سيارتي بـ 4 الاف ريال و الضرر في السيارتين مماثل و السيارات نفس الماركه مع اختلاف الموديل قليلا سيارة الطرف الثاني موديل 2009

حاولت اقدم اعتراض على التثمين و انه مبالغ فيه و ان السياره يمكن اصلاحها

فطلب المرور مني شيك مصدق بمبلغ 19 الف يكون لدى المرور امانه حتى انتها القضيه و ان لم ادفع لا يحق لي التظلم

ارجو ممن لديه درايه في مثل هذه المواضيع ارشادي مشكورا و ذلك لتعم الفائده

[كاشت وحداني]

اولا :الحمدلله على سلامة الابن ويحفظكم من كل مكروه .

ثانيا :نعم في حالة الاعتراض تدفع المبلغ او شيك مصدق لكن تشترط انه مبلغ كفاله لانك بتعترض ثم تتقدم بالاعتراض
اما بالنسبة للمبالغ اعتقد هناك ايدي خفيه في المرور تلعب العاب وسخه
مثال ذلك ما حصل مع احد الزملاء
حصل له حادث وكان الطرف الاخر متأثو الركن الايمن فقط واصطب الركن وطبعا الموتر فورد موديل 93
وقدرناها انها الف ريال بحكم الخبره في اسعار القطع وما تحتاج شغل يد يركب الاصطب ويلمع الصدام بالملمع فقط
قال لا ابي المرور
وجا المرور وكتب التقرير واليوم الثاني كانت المفاجاءاه عند ذهابنا لقسم مرور الغرب ( اسواء مركز على وجه الارض ) وهي ان السياره تالف وتكلفة اصلاحها 13الف ريال .
شئ لا يعقل
والعسكري رفض ان صاحبي يقابل خصمه رفضا تاما كانه هو صاحب الموتر .
انت ادفع المبلغ كتامين واطلب تحويلها شرع حتى يحلف صاحب السياره انها فعلا تكلف هالمبلغ
طبعا اذا كان انت على ثقة تامه انها تكلف اقل بكثير .

[الجيب عزوه]

جزاك الله خير اخوي كاشت

المشكله ان خصمي ما هو صاحب السياره خصمي الان شركة التامين
و عرضت عليهم تصليح السياره و رفضو و صاحب السياره يقول ابي تثمين ما ابي اصلح السياره و الشركه يقولون بنخفض لك و المرور يقول سدد او عطنا شيك مصدق و نحول المعامله للمحكمه


بس انا سمعت انه من الممكن تقديم شكوى لمؤسسة النقد من يؤكد ذلك

[ملك الفكتوريا]

للإسف ما فيه نظام واضح وصريح لمثل هذي الحالات



الدولة تعطي وتسمح بالرخص لمن عمره 18 فكيف التأمين من 21 وطالع


يا الرخصه تصير من 21 او التأمين لكل من له رخصه ومن 18 فأعلى

[abo aryam]

السلام عليكم
نعم اخي العزيز تقدم بشكوى لمؤسسة النقد اذا كان لدى ولدك رخصة سارية المفعول .
عندي تساؤل السيارة والتأمين بسم مين بالضبط انت والا ولدك . لأنه حصلت قصة مشابهة لزميلي في العمل ودفعت شركة التأمين التعويض رغما عنها . تحياتي للجميع ,,,

[أطلال نجد]

الله يعينا وياك أخوي
أنا لي مطالبة مالية على شركة تأمين تقدر بـ 11 ألف ريال والمعاملة الآن لدى مؤسسة النقد السعودي قسم المنازعات المالية ومنذ عام 1428هـ
وإلى يومك هذا ما أخذت حق ولا باطل

[ابوعمر1397]

الله يعينك والحمد لله على سلامة الولد
اذا كان مكتوب في عقد التأمين ان الشركة ما تغطي اقل من 21 ما راح تحصل شي منهم
مالك الا الاعتراض على التقدير
الوالد صار عليه حادث وقدر سيارته عند شيخ المعارض وعطاه سعر عالي يوم راح للتأمين علشان ياخذ الفلوس رفض التامين تقدير شيخ المعارض وطلب تقدير الورش لان السيارة قابلة للاصلاح
الزبدة تقدير شيخ المعارض خرابيط ولهف فلوس والتأمين ما ينظر له والضحية المواطن
اذا يتمشي في اجراءات الاعتراض والمحاكم فطول بالك يبيلك سنة اقل شي رايح جاي محكمة ومرور
اذا حصل تحلون الموضوع ودي مع الخصم يكون اريح لكم

[الجيب عزوه]

للإسف ما فيه نظام واضح وصريح لمثل هذي الحالات




الدولة تعطي وتسمح بالرخص لمن عمره 18 فكيف التأمين من 21 وطالع



يا الرخصه تصير من 21 او التأمين لكل من له رخصه ومن 18 فأعلى



اخوي ملك شاكر مداخلتك

وهذي من اكبر المشاكل اللي نوجهها مع التامين




السلام عليكم
نعم اخي العزيز تقدم بشكوى لمؤسسة النقد اذا كان لدى ولدك رخصة سارية المفعول .
عندي تساؤل السيارة والتأمين بسم مين بالضبط انت والا ولدك . لأنه حصلت قصة مشابهة لزميلي في العمل ودفعت شركة التأمين التعويض رغما عنها . تحياتي للجميع ,,,

حياك يا ابو اريام

و التامين و الاستماره باسمي و ياليت تعلمنا وش حصل مع زميلك لتعم الفائده



الله يعينا وياك أخوي
أنا لي مطالبة مالية على شركة تأمين تقدر بـ 11 ألف ريال والمعاملة الآن لدى مؤسسة النقد السعودي قسم المنازعات المالية ومنذ عام 1428هـ
وإلى يومك هذا ما أخذت حق ولا باطل

الله يعينك يا اخوي اطلال لكن المسأله انهم هم اللي يطالبوني






الله يعينك والحمد لله على سلامة الولد

اذا كان مكتوب في عقد التأمين ان الشركة ما تغطي اقل من 21 ما راح تحصل شي منهم
مالك الا الاعتراض على التقدير
الوالد صار عليه حادث وقدر سيارته عند شيخ المعارض وعطاه سعر عالي يوم راح للتأمين علشان ياخذ الفلوس رفض التامين تقدير شيخ المعارض وطلب تقدير الورش لان السيارة قابلة للاصلاح
الزبدة تقدير شيخ المعارض خرابيط ولهف فلوس والتأمين ما ينظر له والضحية المواطن
اذا يتمشي في اجراءات الاعتراض والمحاكم فطول بالك يبيلك سنة اقل شي رايح جاي محكمة ومرور
اذا حصل تحلون الموضوع ودي مع الخصم يكون اريح لكم


جزاك الله خير يا ابوعمر
و المشكله انهم متمسكين بتقدير شيخ المعارض لاني انا اللي ابدفع الفلوس اما مثل ما حصل مع والدك الله يطول في عمره اعترضو و لم يفرض عليهم اي قيود
و الامر الثاني هم مطلعين صاحب السياره من المسأله و صايرين هم الخصم و رافضين مبداء تصليح السياره رغم امكانية اصلاحها مكان الصدمه باب السائق و الرفرف الايسر الامامي و الشمعه و الاسطب ايضا و اصلاحها لا يتجاوز الـ 5 الاف




.

[ربع اشهب]

اولا الحمدلله على سلامة الجميع

بحكم خبرتي بالمرور والتاأمين

أولا :التأمين مايغطي من تحت 21 واضح من كلامك ان السياره باسمك وعمرك فوق الـ 21

التأمين يغطي تحت 21 بس يدفع زياده تقريبا 400 ريال على التأمين

ثانيا : انت تقول انهم طلبو منك 19 الف والسياره لاتستحق ذلك
لو عندك صوره للسياره المتضرره كان اقدر افيدك اكثر له هل يستحق المبلغ والتقدير من شيخ المعارض او لا

ثالثا : كيف تعرف كم تكلفة السياره اذا كانت السياره لم تصدم من قبل مع المكان الي صدمه ابنك فعليك الأتي
احسب كم قيمة كل شيء تلف من الوكاله نفسها مثلا رفرف وكبوت وباب طبعا كل شيء جديد مافي شيء من التشليح ولا سمكره احسب كل شيء جديد تلف وتقدير شغل اليد عاد يختلف من ورشه الى ورشه بس على كلامك ذاباب ورفرف فقط يعني رش بويه بس مايكلف الرش اكثر من 2000 ريال مهما كانت الورشه


وياليت لو تذكر لي نوع السياره وموديلها ولو حصل صوره يكون افضل
وترى شيخ المعارض يقدر كم نقص من قيمة السياره بعد الحادث
واي سؤال او استفسار بخصوص الحوادث ومشكلة المرور انا جاهز
وياليتك خليت نفسك انت السائق بدال ابنك
واذا كان تعرف احد بشركة نجم تحاول انه يدخل الموضوع على حساب التأمين افضل
والله يعينك على خصمك اذا كان ضالم
وتري سجلت بالمنتدى عشان ارد على موضوعك

[ربع اشهب]

ونسيت اقولك خذ الاوراق حقت التقدير من خصمك
وتأكد لايصير غاش بالتقدير ولا مزور شيء

وعطني خبر بأي شي يصير واعلمك عن نظام المرور لأن نظام المرور حق الحوادث نظام مغفل وسهل التحايل عليه بأي طريقة

[volcano]

يا اخي امر ربعنا عجيب ليش ما يستفيدون من نظام المرور في اوروبا وامريكا اكيد عندهم حلول لها المشكلات فالحين بس يقلدونهم في ساهر!! وليتهم قلدوه صح !!

كان الله في عونك وعون كل مظلوم

[الجيب عزوه]

اولا الحمدلله على سلامة الجميع

بحكم خبرتي بالمرور والتاأمين

أولا :التأمين مايغطي من تحت 21 واضح من كلامك ان السياره باسمك وعمرك فوق الـ 21

التأمين يغطي تحت 21 بس يدفع زياده تقريبا 400 ريال على التأمين

ثانيا : انت تقول انهم طلبو منك 19 الف والسياره لاتستحق ذلك
لو عندك صوره للسياره المتضرره كان اقدر افيدك اكثر له هل يستحق المبلغ والتقدير من شيخ المعارض او لا

ثالثا : كيف تعرف كم تكلفة السياره اذا كانت السياره لم تصدم من قبل مع المكان الي صدمه ابنك فعليك الأتي
احسب كم قيمة كل شيء تلف من الوكاله نفسها مثلا رفرف وكبوت وباب طبعا كل شيء جديد مافي شيء من التشليح ولا سمكره احسب كل شيء جديد تلف وتقدير شغل اليد عاد يختلف من ورشه الى ورشه بس على كلامك ذاباب ورفرف فقط يعني رش بويه بس مايكلف الرش اكثر من 2000 ريال مهما كانت الورشه


وياليت لو تذكر لي نوع السياره وموديلها ولو حصل صوره يكون افضل
وترى شيخ المعارض يقدر كم نقص من قيمة السياره بعد الحادث
واي سؤال او استفسار بخصوص الحوادث ومشكلة المرور انا جاهز
وياليتك خليت نفسك انت السائق بدال ابنك
واذا كان تعرف احد بشركة نجم تحاول انه يدخل الموضوع على حساب التأمين افضل
والله يعينك على خصمك اذا كان ضالم
وتري سجلت بالمنتدى عشان ارد على موضوعك

اولا جزاك الله الف خير وكثر الله من امثالك والله يسلمك من كل شر

نوع السياره فورد مونديو م 2009

شيخ المعارض قدرها 43 الف قبل الحادث و 24 الف بعد

ومكان الصدمه باب السائق و الرفرف الامامي الايسر و الشمعه و الاسطب و وجه الفيبر و الصدام الامامي سليم بس انه نازل تحت الصدمه من جه السواق بالنسبه للخصم و سيارتي من جهة الراكب و نوع سيارتي فكتوريا 2005

و غيرت الرفرف الامامي الايمن مع واجهة الفيبر و ربلة الصدام والشمعه و الاصطب الايمن بـ 4000

2800 قطع غيار و 1200 شغل يد عشان كذا اقول ان التثمين مبالغ فيه و الواجب انهم يفبلون باصلاح السياره او اخذ قيمه مناسبه لاصلاح السياره

ثالثا المرور هو اللي حقق في الحادث وانا ما جيتهم الا في المستشفى بعد ان نقلو الولد لحدوث حالة اغما له و الحمدلله على سلامته



ونسيت اقولك خذ الاوراق حقت التقدير من خصمك
وتأكد لايصير غاش بالتقدير ولا مزور شيء

وعطني خبر بأي شي يصير واعلمك عن نظام المرور لأن نظام المرور حق الحوادث نظام مغفل وسهل التحايل عليه بأي طريقة

ان شاء الله و ابرسل لك رقم الجوال على الخاص

و اخيرا جزاك الله خير على حرصك


يا اخي امر ربعنا عجيب ليش ما يستفيدون من نظام المرور في اوروبا وامريكا اكيد عندهم حلول لها المشكلات فالحين بس يقلدونهم في ساهر!! وليتهم قلدوه صح !!

كان الله في عونك وعون كل مظلوم


جزاك الله خير