المساعد الشخصي الرقمي

مشاهدة النسخة كاملة : الباثفندر والبنزين ( صديقان ) .. مشكلة


أبو ستري
14/06/2006, 02:45 PM
:confused: :confused: :confused:
السلام عليكم .
شريت باثفندر 2005ولم أكن أعلم أن يصرف بنزين بالشكل هذا , صحيح أن الكثير قال لي أنه راعي بنزين ولكن لم أتوقع بالشكل هذا:eek:
الآن أنا في حيرة من أمري .
هل يوجد حل لصرف البنزين الغير عادي , أو أفكر في بيع السيارة :rolleyes:

شورو علي الله يرضى عليكم:o
غضنفر
14/06/2006, 05:14 PM
اذا القير تماتيك فهو يصرف بزود
اما اذا هو عادي فصرفه طبيعي جدا
ولا تنسى انه تانكي واحد
واذا تبي توفر بنزين لا تتعدى 120 وتشوف الفرق
تعبيه بعد التخفيض ب 35 ويمشيك 400 داخل البلد و 500 على الخطوط
بصراحة الناس يبالغون في سالفة صرف الباث للبنزين ويقرنونه بالاند ابو تانكيين
أبوبندر 2005
14/06/2006, 05:35 PM
انا مع اخوي بلاك باث

انا عندي 2005 قير عادي ومايصرف
أبو أسامة
15/06/2006, 03:19 AM
السلام عليكم ورحمة الله وبركاته

أخي الكريم أعانك الله ...............

لكن أريد أن أسئلك سؤال واحد وهو ماهو نوع سيارتك قبل الباث هل كانت صغيره أم جيب؟


لأنني أرى أن صرفية الباث ممتازه بالنسبه له كسيارة دفع رباعي ............ سواء العادي أو الأوتوماتكي منه ........


والسلام عليكم ورحمة الله وبركاته.......
نمر بن حثلين
15/06/2006, 09:28 AM
الظاهر انك متعود على الكرولا :d

الموتر مقارنه بالجيوب الثانيه تعتبر صرفيته متوسطة

وترا الصرفيه تقدر تقللها بشيئين

1- خفف رجلك عند القومه ولا تدعس بقوة
2- لا تسرع
أبو ستري
15/06/2006, 12:00 PM
سيارتي قير ( عادي ) ولكن سيارتي السابقة ( كامري ) .. أحتمال مثل ما قال نمر المقارنة تجيب الفرق الواضح .
والحمد لله ما أسرع تحت الــ 120 .

بعدين وش رايكم أنا أخلي السيارة تقوم بالــ ( الثاني ) مش بالأول هل هذا يساعد على صرف البانزين .. ؟
وهل من نصايح آخرى يا نشامة ;)
بواسامه
15/06/2006, 04:20 PM
أبو ستري (http://www.mekshat.com/vb/member.php?u=7504) http://www.mekshat.com/vb/images/statusicon/user_offline.gif<SCRIPT type=text/javascript> vbmenu_register("postmenu_426570", true); </SCRIPT>
عضو مكشاتي

نصيحتي لك
عض على موترك
وتراه اقل من الجيوب الاخرى في الصرف الا السزوكي
أبو ستري
15/06/2006, 05:38 PM
الله يجزاك خير يابوو اسامة ..
راح أعض على السيارة .. :)
تنوم
15/06/2006, 06:08 PM
السلام عليكم ليش ماتفك المروحه الي بالسير وتحط لك مروحت كهرب افضل واقوى عزم واقل صرف بنزين وتراه مجربه واغلب اهل القصيم هذا شغلهم والله يوفقك
نمر بن حثلين
15/06/2006, 08:13 PM
السلام عليكم ليش ماتفك المروحه الي بالسير وتحط لك مروحت كهرب افضل واقوى عزم واقل صرف بنزين وتراه مجربه واغلب اهل القصيم هذا شغلهم والله يوفقك

افرض تعطلت ذي المروحه وهو ما يدري ووصلت الحرارة h وانشعر راس المكينه !

ما مثل الموتر شد بلد
بواسامه
15/06/2006, 08:21 PM
مروحة شد بلده افضل وهي اعتماديه اكثر
واليابان ابخص ويعرفون هالحركات قبلنا
وشفهم حطوها للكامري والمكسيما لانها تناسبها المراوح الكهربائيه
اما الدفع الرباعي ماتوفي معه الا شد بلده ومرواح صدق لتحريك الطرمبه ولقفل التماتيك للتبريد اكثر على المحرك

نصيحه التعبث مووووب زين
الشد بلده لقوى واضمن

هذا رأيي قابل للرفض وبكل سرور
وكلا بعقله راضي
salehhd
15/06/2006, 09:06 PM
السلام عليكم

الموتر مثل ماقالو الشباب انه صرفيتة معقولة بس عيبة ثانكية صغير ويخلص بسرعة

وبعدي الموتر يعطيك عزم وهذا له ضريبة

ومثل ماقالو الشباب التدعيس يطير البنزين

وانا عندي باث 2004 قير تماتيك وصرفيتة تمام (نوعاً ما )
أبو ستري
16/06/2006, 01:35 AM
ما رديتوا علي على سالفة أني أحرك الموتر بالــ ( الثاني ) بالنمرة الثانية ..
هل يؤدي لصرف البنزين أكثر ولا كويس ... ؟
ملاعب الريح
17/06/2006, 07:41 PM
السلام عليكم ورحمة الله وبركاته
أتوقع إن تحريك الموتر بنمره 2 يعدم عليك فحمة الكلتش هذا والله أعلم لاكن جرب تعشق بدري يعني لا تحن الموتر إحتمال كبير يفرق الصرف
Waleed1
19/06/2006, 09:32 AM
السلام عليكم

ابوسترى، خطئ كبير أن تقوم السيارة بالثانى لانة مش فقط يعدم الكلتشات زى ماقال أخونا ملاعب الريح راح بل وزيادة راح يعدم المكينة عليك لان قومت السيارة بتعتمد على الماكينة اكثر من القير. ومن ناحية أخرى راح تزيد الصرفية للبنزين

أخونا بلاك باث صدق القير العادى أقل صرفية من الاتماتيك جربناها فى الكروزر قير عادى 8 سلندر و أتوماتك 6 سلندر الفرق ريال واحد ياجماعة لصالح القير العادى مع العلم أنة 8 سلندر وعلى خطوط طويلة جداً

بالنسبة لصرفية الباث ترى هى توهم زى ماقال أخونا بلاك باث نعبى تانكيين ونقارنة بالتانكى أبو 60 لتر وبعدين مين اللى قال أن الكروزر مايصرف واللة أنة يشفط بنزين بعكس الفكرة ألسائدة أن اليابانى مايصرف لاكن فكرة قديمة راسخة يوم المكاين 4 سلندر ومرة أخرى كلام البلاك باث أكثر من رائع وتحليل ممتاز وشكراً للجميع
شبح الصحراء
19/06/2006, 02:51 PM
فعلاً يا وليد اكثر الناس تظن ان الياباني ما يصرف بنزين مع انه يصرف اكثر من الأمريكي خصوصاً الموديلات الجديدة شف اليوكون اقتصادي مقارنة باللاند والباترول مع ان محرك اليوكون 8 سلندر واقوى بالأحصنة والكلام بعد ينطبق على الصغار الفورد كراون فكتوريا مثلاًُ يصرف اقل من الماكسيما مع ان الفورد 8 سلندر والماكسيما 6 سلندر ، صحيح الياباني كان اقتصادي في موديلات السبعينات والثمانينيات ولكن الآن الأمريكي اقتصادي اكثر من الياباني مع ملاحظة قوة المحركات .
المنتفش
02/07/2006, 05:39 PM
كلامك صحيح اخوي بلاك التماتيك يصرف اما العادي طبيعي جدا.
العادل
02/07/2006, 06:00 PM
http://www.mekshat.com/pix/upload/images17/mk29411_10.jpgمشكوووووووووور
الساهي 2
03/07/2006, 06:55 AM
أنا معي 2005 عادي باث
اشوف صرف البنزين عادي جدا
أبوأسامة
03/07/2006, 01:25 PM
بع بع بع







أخوي حبيت أمزح معك لكن أقول أمسك مهبولك لا يجيك000