قصة مأساتي باختصار مع الحمراني ومازالت مستمرة

[شلفنطح]

عشت المأساة مع التأجير الواعد بالتمليك مع الحمراني

سيارتي نافارا اشتريتها قبل سنتين بالظبط
صدمت فيها قبل سنة بالتحديد في شهر رجب يوم 14 صدمة خفيفة جدا ، بعدها كلمت الوكالة لأن السيارة بأسمهم فقالو لي لازم تروح لورشتنا علشان تصلحها ،

المهم بعدها رحت لهم وأعطوني موعد اصلاح يوم 5 رمضان قعدت السيارة عندهم شهر دون اصلاح ، وكنت اتابعهم أسبوع بأسبوع لكن للأسف كل مره يقولي التأمين ماأعطانا رد ، جاء شوال وخلصنا عيدنا وجيتهم خامس أيام العيد ، سألتهم خلصت ولا باقي قالو للحين مارد التأمين بالإصلاح...تضارب معاه وقلت شهرين توصلو لهم التقرير..قلت له اعطيني تقريركم وأنا أتفاهم معهم،يوم دخل المكتب حق رسايل الفاكس قال اوووه اسف ماارسلناها .. المهم قلت له عطني الورقة وانا اتفاهم مع التامين اخذت الورقة

ورحت للتامين عطيتهم الورقة وقالي غريب المفروض الوكالة يوصلوها لنا ، قلت هم عجازين ،المهم قالي اربع ايام ويوصل الرد ،

تقريبا في 15 شوال وصل الرد المهم رحت الوكالة ، قلت لهم وصلكم الرد ، قالي طيب تعال اخر شوال علشان تستلم السيارة قلت 14 يوم تصلح السيارة ، قال لا في طابور سيارات قبلك ، قلت وانا صادم في رجب 14 يعني قبل ثلاث شهور فأتوقع انا الاولى منهم ، قال لا الرد وصل متاخر ، مشيتها لهم...

يوم جاء يوم التسليم قالو ادفع750 ريال مبلغ تحمل قلت اييييييييييييييش ، قالي هذا نظام التامين ، قلت له تقرير المرور الغلط على الثاني 100 بالمية وانا ماتنازلت ، وتصليح السيارة على تأمين الثاني ، المهم تضاربنا وماوصلنا لنتيجة ، رفع أخوي المحامي ملف في المحكمة على الحمراني ،وأستمرت القضية أربع شهور تقريبا ، كل الجلسات مايجي محاميهم جا مرة واحدة وبعدها ماجا ، فانتظره القاضي عدة جلسات فلم يأتي ، فحكم لصالحنا وأنه ليس من حقهم أن يأخذو المبلغ . فبلغتهم المحكمة بالحكم أعطوهم مهلة شهر تقريبا علشان يسلمون لنا السيارة ، لكن للأسف ماأعطونا هي ، فتم تحويلها للأمارة هذا الكلام في اجازة منتصف الفصل القريبة ، يوم درو فزو فزة وكلمونا تعالو استلمو السيارة ،

يوم رحنا لهم اثرهم رامينها بمخزن لشركة ثانية ، يوم شفنا السيارة توقعناها مو حقتنا لأنها مصدومة صدمة جديدة ومعدووومة وماشية 300 كيلو زيادة على يوم دخلناها ، والكراسي والفرش عليها زيت وفي اصوات في المكينة وريحة كلتش ، المهم عطيناهم السيارة وقلنا لهم شوفها قالو طيب بندور من الي سوا فيها كذا والان لهم شهرين على هالكلام وأكثر

فعشنا مع الحمراني أحلى القرف
لكن الحمدلله .

[يزيد 999]

الله ينصركم عليهم
ولا يوفقهم دنيا ولااخره والله انا مستغرب انك ماجلدتهم لانه بصراحة قهرررر

بالله باخر الليل صل ركعتين وادع عليهم (دعوة المظلوم مستجابة)

[sgl2002]

الله لايربح الحمراني

[شلفنطح]

مشكوووور يزيد999 عالتعليق

حقنا إذا ماأخذناه بهذي الدنيا راح ناخذة يوم القيامة

[شلفنطح]

أنا ناوي قريبا أن أقيم حملة كبيرة على الحمراني
تكون قاسمة لظهره ، وسنحاول التواصل مع اليابان في أمر وكيلها أو نتصل بالإمارات .


المشكلة سيارات نيسان قوية وفعاليتها جميلة ، وفيها مواصفات عالمية ، لكن إذا كان مسوقها لا يعرف ادارتها ، بل ويستغل عملائه .

[انا العيساوي]

الله يخلي لنا عبداللطيف جميل والله انه حليل

لونه يسرق المسجلات والاكسسوارات بس ماعليه

[قدر مكتوب]

اخوي اذا عرف السبب بطل العجب

اول سبب : نظام التاجير فيه شبه , وهناك تحفظ من بعض العلماء على الموضوع , عن النعمان بن بشير رضي الله عنه قال سمعت رسول الله صلى الله عليه وسلم يقول (إن الحلال بين والحرام بين وبينهما أمور مشتبهات لا يعلمهن كثير من الناس فمن اتقى الشبهات استبرأ لدينه وعرضه ومن وقع في الشبهات وقع في الحرام كالراعي يرعى حول الحمى يوشك أن يرتع فيه ألا وإن لكل ملك حمى ألا وإن حمى الله محارمه ألا وإن في الجسد مضغه إذا صلحت صلح الجسد كله وإذا فسدت فسد الجسد كله ألا وهي القلب) متفق عليه

انا ماالومك يااخوي واعرف الحاجة احيان واختلاط الامر احيان ايضا والكلام المعسول من الشركات في اول الامر يوقع الفرد بحيره , لكن نظام هالتاجير اساسه فيه شبه شرعاً ونظامه كله حماية للشركة من دون حماية للمستهلك

وعلاوة على كذا الحمراني مالقى احد يوقفه عند حده , لو حصل احد يخزمه والله مايسوى هالسويا لا هو ولا غيره من الوكلاء

الله المستعان , الله يزين الحال ويصلح الامور بس

[سوبر مكشات]

الله يصلح الحال

مادامك وصلت هالمواصيل
اشك لربك ظلم (الطواغيت)

وماضاع حق وراه مطالب
ولي رجعه للموضوع ان شاء الله

[صياد الجبل]

يالبى عبد اللطيف جميل

[ابونبيل]

يالبى عبد اللطيف جميل

كلهم بالهوا سوا
خويي اجار منتهي بالتمليك كامري 2003 ماخذها من قسم المستعمل يوم بقى شهرين ويتملكها صقع صقعه مو قويه سحبو السياره منه وقطعو الاقساط وقالو له توكل.!!! الوصخين بيصلحونها ويبون ينزلونها قسم المستعمل لو انه مصلحه بره كان ازين كان ع الاقل يقدر يبيعها مو فلوسه راحت كذا بلاش!!!

الوكلاء كلهم جشعين محد ازين من احد حتى هونداي اول نمدح فيه الحين زودوا اسعار سياراتهم

لا وابشركم واحد سأل موظف عند ابو جميل عن الهلي 2013 يقول 2012 اقبال قوي عليه
2013 بعد عيد الاضحى بينزل وسعره راح يكون 96 الدفرنس!!!:(
لوني من الي سأل كان نزلت العجره وارتكبت جريمه :mad:

[ابونبيل]

وزارة التجارة نهايتهخا بتخلي الشعب ياخذ حقه بيده وزاره خااملة

[شلفنطح]

المشكلة كنت ناوي أدفعها كاش لكن قلت خلني أجرب السيارة ، وإذا ماناسبتني رجعتها . لكن مادريت أن في وكالات قذرين بهذا الشكل ... لاحول لنا ولا قوة إلا بالله .

[شلفنطح]

أشكر الجميع على التفاعل
وأتوقع إن هاذي أول مشاركة لي في المنتدى
بل في كل المنتديات .

[رحال السراة]

أنا ناوي قريبا أن أقيم حملة كبيرة على الحمراني

تكون قاسمة لظهره ، وسنحاول التواصل مع اليابان في أمر وكيلها أو نتصل بالإمارات .



المشكلة سيارات نيسان قوية وفعاليتها جميلة ، وفيها مواصفات عالمية ، لكن إذا كان مسوقها لا يعرف ادارتها ، بل ويستغل عملائه .





انا معك وكل متضرر سابقا او الان !!

حبيت اوضح لك نقطة الأمارات حاولت لين تعبت
وخاطبتهم وردوا برد غير لائق خلاصته بأن هذا الموجود !!
عارفين إننا سعوديين وبنرضى بأي شيء
فلا تتعب نفسك من جهتهم !!
المشكلة كانت عدم قبول الوكيل للسيارة بحجة أنها
خليجي !! ( بعد التفكير والبلاوي اللي شفتها من صيانتهم الحمد لله أنه ماقبلها ) !!

اليابان ماعليه وسو صفحة في الفيس وتويتر وأبشر بالفزعة !!
ياليت تنزلها موضوع وأرجوا من الأدارة التعاون لأن هذا في مصلحة
المواطن أولا وأخراً والرقي به وإطعامه بعضاً من حقوقه ...

مع أني غاسل ايدي من الوكلاء حتى لو جاء غيرهم لأن
مابيدهم شيء بل بعضهم ورطان بس البلا في المالك
الحقيقي لهذه الوكالات !!

[ملك الإحسآس]

ما عمري شفت وكيل عندنا ممتاز
كلهم فاشلين واولهم ابو جميل

[جنط]

الله يعينك وعقبال ما تفتك من التقسيط وتطلع كاش



في حفظ الرحمن

[rpk]

الله يعينك امييين اذا كان المذنب قاضي فمن تقاضي

[الهرفي]

لاحول ولا قوة الا بالله

الله يعينك

[@قرناص@]

الله يكون في عونك ..

راسل شركة الام ... وان شاء الله بتطلع بنتيجه..

[فواز الشيباني]

حسبي الله ونعم الوكيل
على كل ظالم
ياناس لاتذلون انفسكم
للشركات اركب موتر بعشرة الاف
والا اكشخ بموتر ما املكة هذا فيض من غيض

[المشراق]

أحسن شيء للي يبي يشتري سيارة بالتقسيط
ياخذ له قرض شرعي ويدفع للشركة نقد ويرتاح منهم ومن تلاعبهم وانا مجربها ومرتاح
وبالكاد نتحمل الضمان والتلاعب فيه
شركاتنا ما عندك احد كلهم طمع وجشع والضعيف ما له سند عندهم

[snnar]

اصلا الوكالة انسحبت من الحمراني راح يمسكها واحد ثاني سحبتها شركة نيسان لسواء التسويق
الحين مسوي عروض على موديل 2011 وما نزل 2012

[يارييس]

الله لايوفقه
انا سيارتي مكسيما جديده حكيت بالصدام حكه بسيطه وخليت التامين يصلحها وجلست السياره حول الشهر ونص عندهم وفي الاخير صارو صابغين الرفارف يمين ويسار يعشان يطابق لونهم السيئ والحين الصدام متشقق كنك مصحه في اسوا ورشه بالعالم

[صاحب فتك 2005]

انا معكممممممممممم وفي الي تبون لان صارت لي مشكله بحساس القير الورشه الي بمخرج 18 يقولون الحساس يكلف 5000 ريال ويوم رحت للوكاله الي على طريق خريص طلع مو حساس القير ويكلف 700 ريال شوفوا التناقض كيف ؟ يعني تقريبا 4300 ريال سرق

[HAS5SAN]

والله ثم والله
اننا
نحن السبب
ثم
نحن السبب
ثم
نحن السبب
شوفو بلاد الكفار حقه مضمون مضمون
ناس تعرف تأخذ حقها خلون نتكاتف
على ها الوكلاء
اذا خربت سيارة شخص وقاموا يماطلونه
المفروض نهريم اتصالات وإيميلات
اقل شيء 50 إيميل في اليوم
( تروه بلاش )
ونوقف مواترنا عند باب الوكالة
وهاتك تصوير وفضايح إعلامية
وشوف كيف يتعدل الوضع

[السومر]

لله درك يعجبني الرجال اللي مثلك راعي مطالبات و وسيع صدر

تكفى لا تخليهم دامك وصلتها محاكم

[الصافي1]

الله يعينك

[بن سليمان]

الله يخلي لنا عبداللطيف جميل والله انه حليل




لونه يسرق المسجلات والاكسسوارات بس ماعليه





يالبى عبد اللطيف جميل

تدرون ليش الوكلاء اكلين حقوق الناس علشان العينات من المشاركات
والا بعض الناس يكتب انواع القصايد في السيارات وينشدونها في اشرطة وكأنه وهو اللي صناعها أو على الأقل مصنوعة في ديرته وما درا أنه مجرد زبون يركب السيارة ويعبي بنزين ويمشي

[قناص 28 عفيف]

الله يخلي لنا عبداللطيف جميل والله انه حليل




لونه يسرق المسجلات والاكسسوارات بس ماعليه

مااخس من الحمراني الا عبداللطيف جميل اجل حليل وسياراته كل يوم يرفعها فوق لدرجه ان الهايلكس ب 100 الف وقطع غياره نااار وش خلى للالماني

[صياد الجبل]

عبداللطيف يعتبر اهون بكثير من الحمراني

ياخي يكفيك وكلات عبداللطيف قسم الصيانه والسمكره وغيره

الحمراني الناس يشتكون من صيانته ومن سمكرته

هم كلهم سيئين بس الحمراني اسوء من عبداللطيف

[التعـ King ـديل]

اي شركه مثل الحمراني او عبداللطيف او اي سياره لها عروق بالماء على قولتهم

مايمشي معهم الكلام اللطيف لازم دق خشم ومحاكم وتاخذ حقك

[ابو محمد1111]

انا ماخذ باترول من الجبر موديل 2009 اصفطهم ثلاث شهور ماعندك مشكله مره وحده ارسلولي رساله و هاوشتهم
و اعتذرو لي و لا عاد شفتهم مرسلين شي و مره اخوي خذ الموتر و خربه و اوديه لهم و طلع قطعه بالقير و حطوه غلط مصنع و غير القير كامل على حسابهم

[شلفنطح]

ياشباب الي تصير له زي مشكلتي ويطلبو منه مبلغ تحمل ومو هو الغلطان ، يتواصل معي على الايميل علشان اعطيه صورة من صك المحكمة على منعهم من اخذ مبلغ تحمل في حال المخطئ الطرف الثاني ..

ايميلي
abo.yosef93@hotmail.com

الامر الاخير انا اسعى بجد في اقامة حملة لمحاولة ابعاد الزبائن من التعامل مع نيسان بأي انواع من انواع تقسيطه ، وأريد أن تكون الحملة محققه بأوراق ثبوتية وقصص واقعية وليست العاطفة بس .

ومشكووووووووورين

[تميم2222]

رقم شركه نيسان بالامارات +997148817500

ايميل الشركهcustomercare@nissan-me.ae



راسلتهم على هالايميل ... وردو علي ..باتصال هاتفي اكتب لهم وانشالله تلقى حل مع هالوكيل الزفت الله يكرم السامعين

[أبن ثعلي]

حسبنا الله ونعم الوكيل شوف بارك الله فيك واعانك ..
حكم القاضي جاء في وقته صور السياره بعد الاضرار واتمنى يكون عندك صور قبلها عموماً ارفع قضيلة تعويض على الحمراني ولا ترضى الا بعد ان تزود بسياره جديده من الحمراني او تعوض بقيمة سياره جديدهـ حتى ولو قالوا لقينا المتسبب يمكن يضحون بأحد او يوهقون احد .. المهم لا تاخذ سيارتك ابد النظام معك والحق معك اذا المكينه فيها اصوات ماتصلح واذا الموتر ملعوب فيه وزيوت ما يصلح ابد بعدين اعتقد انك كرهته وطاح من عينك (( ارفع الصوت تاخذ حقك )) بعد توفيق الله بهذلهم وعند مراجعيهم المهم ارفع شكوى قضائيه ووثقها بالصور واطلب تعويض وارسل شكوى لشركة نيسان بالموضوع كاملاً باللغة الانجليزيه على موقع الشركه في اليابان وانا عندي استعداد اترجم لك الشكوى اذا حبين الله يكتب لك التوفيق ويعينك

[شلفنطح]

الآن بنكمل ملف المحكمة بإذن الله ونطلب التعويض بكل يوم والسيارة عندهم،وبنطلب تعويض محامي ، وبنطلب تعويض عن سعر التأمين الخيالي الي زرفوه مننا وهو 9000 ريال شامل ثلاث سنوات يعني السنة ب3000 يوم سألت التأمين قالي التأمين ب1900 ريال للنافارا لكن حسبي الله عليهم ، والله يعين متى يجينا مبلغ السيارة لأن أنت خابر المحكمة بتطول في الحكم وفي طلب المبلغ منهم لكن الله يعين ويسهل .