نصيحة بخصوص جنزير دبل الباترول

[مطر وربيع]

السلام عليكم ورحمه الله وبركاته

احيانا ينفرط جنزير الدبل بسبب الحرارة والجور ويفوت ويطلع صوت طقة قوية
تطلع الطقة بشكل واضع في الزفلت بتعشيق الدبل الثقيل ثم لف الدركسون الى اخر شوي والمشي
او النتع بقوة او المشي سيدا في طعس قوي
والجنزير سعره غالي عند الحمراني حول ال900 ريال وشغل اليد ب400
والحل هو جنزير دبل ياباني اقوى تحمل حتى من جنزير الوكالة ويركبونه محل العتيبي (والمحلات
المجاورة له)
في الصناعية القديمة في الرياض ب450 ريال شامل التركيب ويركبه بدون فك الدبل بس يفك
عمود الكردان والجلنط وصدر الدبل ويركبه ووفر حول ال900 في جيبك !!
واذا مانت من اهل الرياض دور في التشاليح دبل ياباني وخذ جنزيره...........
ومزيد من الامان غير زيت الدبل بزيت امريكي ثقيل عالي الاداء العلبة ب75 (يحتاج علبتين ) تلقاه عند البناشر لمزيد من التبريد وتقليل الاحتكاك

[patrol-fa]

اهلا فيك ..

خذ لك مستعمل وكالة بالصناعية بــ 600 مع التركيب والضمان ..

[النامون]

مشكور يالغالي على النصيحه الطيبه بس والله وانا اخوك راحت على :mad: انجبرت اغير قير مع الدبل مستخدم
تمنياتي لك بالصحه والعافيه

[مطر وربيع]

اهلا فيك ..

خذ لك مستعمل وكالة بالصناعية بــ 600 مع التركيب والضمان ..

الياباني ارخص واقوى
والمستعمل يمكن مقصوص والمقصوص مايعيش فتره ويطلع صوت

[تميم2222]

بيض الله وجهك على النصيحه

[ابوالولد]

غيرت الياباني مرتين وعند العتيبي ويرجع الصوت
ارجع لموضوعي بخصوص الجنزير

[مقناص الخبر]

نفس المشكله عندي وطلعت فجاه ونصحوني اغير الجنزير مثل ماقال بترول تاخذه ب900 وشغلهم ب400

[مطر وربيع]

غيرت الياباني مرتين وعند العتيبي ويرجع الصوت
ارجع لموضوعي بخصوص الجنزير

تبغى الصراحة ماركبت عنده ركبت عند محل بجواره
جنزير ياباني وجلته جلد وما اشتكى ماشاء الله
لكن اتوقع انه غاشك عطاك مقصوص لاني قريت في الردود يسبون الورشه
او التروس الي يركب عليها الجنزير عندك متاكله او ماغيرت الزيت ومع الحرارة انفرط

الزيت الي يحطونه خفيف اول ماتركب الجنزير على طول على البنشري حط زيت امريكي عالي الاداء ثقيل
عموما الورش هذه محترفه تركب الجنزير بدون تنزيل الدبل يعني لو شريت جنزير جديد اصلي
ركبه عندهم ارخص غيرهم يركبه ب400 ريال وينزل الدبل

[كسير الحظ]

وعليكم السلام

الله لا يهينك يا صاحب الموضوع على الافادة

ودي بورشة بالشرقية ( الدمام الخبر الاحساء ) تضبط لنا الجنزير بياباني بدون تنزيل القير
الي يخبر لنا ورشة يفيدنا وله الأجر

[اذاني]

صارت معي الزنجير يفلت ويطلع صوت كانك تضرب حديد بمطرقه واذا زدت زاد

وديته للورشه عند فلبيني قالي جب زنجير وعدد 2 ترس قلت التروس مافيها شي قالي فيها تاكل بسيط

اذا غيرت لك زنجير بس احتمال كبير يرجع يفرط الزنجير قلتله غيره وغيره واستخدام 4 سنين

والدبل تمام.

الاهم هو التروس اذا متاكله ماينفع تغير زنجير فقط لازم معه تروس

[تميم2222]

جزاك الله خير وكثر الله من امثالك ^_^

[مسلم سني]

عندي قره بالسياره مدري الدبل ولا لا الوكاله يقول الجنزير مو صوته قره تكسيير ! والورشات بعضهم يقول الدبل وبعضهم يقول التحظيره انا مرهم له فرارات برازيلي وورشه تقول العكوس الاماميه اللي داخله بالكارونه مبروده وهذا الصوت تسمعه اذا عشقت الدبل واذا هي خربانه ماينفع لازم تحط دفرنس امامي جديد !

مادري وش المشكله بالدبل ولا الدفرنس الامامي ؟

[محب الهيف]

جزاك الله خير على التنبية

[مطر وربيع]

عندي قره بالسياره مدري الدبل ولا لا الوكاله يقول الجنزير مو صوته قره تكسيير ! والورشات بعضهم يقول الدبل وبعضهم يقول التحظيره انا مرهم له فرارات برازيلي وورشه تقول العكوس الاماميه اللي داخله بالكارونه مبروده وهذا الصوت تسمعه اذا عشقت الدبل واذا هي خربانه ماينفع لازم تحط دفرنس امامي جديد !

مادري وش المشكله بالدبل ولا الدفرنس الامامي ؟

الفرارت اشبكها وامش واذا طلع صوت بدون دبل فهي منها في الغالب
واذا ماطلع عشق الدبل الثقيل ولف الدركسون الى اخر شي في الزفلت واذا سمعت صوت طقة
قوية كنه طرق مطرقة فهو من الجنزير