أين توجد محطات تعبئة الماء الحالي للتوانك ؟؟

[ناصب الههلي]

أرجو المساعده يا اخوان أبيكم تعلمونن وين ألقى اللي يعبون لي الماء الحالي للتوانك في الرياض ؟؟ والله يوفقكم وييسر أموركم :good2:

[ذري1000]

فيه ويتات على دينات شفهم في الشوارع يدورون وقفه وخذ رقمه واتصل عليه يعبي لك اذا, كنت في غرب الرياض ارسلت ارقام

[ابو عبدالملك 2]

فيه مياه ابار حلوه في وايتات شفهم واقفين على طريق ديراب بعد حي الفواز مباشره على اليمين وانت متجه غرب

[ابو حمود 511]

فيها باالنسيم الشرقي بداية شارع حمزه من طريق خريص مياه ابار حلوه وايتات

[ناصب الههلي]

كفيتوا ووفيتوا الله يجزاكم خير ويجعله بميزان حسناتكم

[سرهيد]

السلام عليكم

وهذا رقم واحد راعي دينا عنده ما ء حلو

0557530703

تحياتي لك

[بروح معاكم]

فيه في بنبان على طريق الخزام الوصف اذا دخلت مخرج بنبان على طريق القصيم رح سيدة حتى يجيك لوحة الخزام رح يسار بعدين يمين سيدة يجيك دوار رح يسار مع الدوار يجيك سور استراحة على اليمين حاط ماء سبيل حلوة
الله يجزاه خير

[علي الشهري]

إخواني الكرام:
هل الوايتات اللي نشوفها في الرياض ويقولون موية آبار
هل هي مضمونة؟

[بليزر616]

اخوي توانك مخيم ولا سيارة
كانه مخيم وموقعك حول الثمامه او مزرعه الملك عطني رساله على الخاص
عندي رقم رجال يعبي للمخيمات

[ابو حمود 511]

إخواني الكرام:

هل الوايتات اللي نشوفها في الرياض ويقولون موية آبار

هل هي مضمونة؟

نعم مضمون اعرف كم واحد منها والماء من حفر العتيش

[تميمي عنقري]

اذا أنت في السويدي -والكلام لجميع الاخوان - في وادي لبن مزرعتين حاطين مشروع تحلية والوصف كالتالي :
حط الحجز على يمينك وأنت مسند الوادي يجون على اليسار الأول لي كبير للتريلات والثاني لي صغير للتوانك
بس خذ معك ليك لأن بعض ضعاف النفوس يسرقون لي المشروع
أنا أعبي منه وهو ماء آبار
تحياتي لك

[ناصب الههلي]

الله يفتح لكم باب رزقه ويجعل مآلكم الجنة

[دانة السنام]

يفيدونك الشباب

[أطلال نجد]

الله يجزاكم خير ..