اهل اليوكن فزعتكم ( بخصوص الكفرات)

[بسطويس]

السلام عليكم
شباب اليوكن انا عندي يوكن شريته قبل 5 اشهر وامس وانا راجع من سفر سمعت صوت كانه صوت ضربة رصاص وبعدين طلع عندي بالشاشة ان هوا الكفر منخفض المهم هو ماانسلخ
ركبت الاستبة وبعد ماركبتها تطلع لي بالشاشة ان جهاز مراقبة الكفر بحاجة تصليح وبعد كذا فيه كفرين ضربو لكن بدون بنشر السوال:
هل اغير باقي الكفرات رغم ان الموتر جديد ؟ وايش النوع اللي تنصحون فيه لمقاس 17 ؟ وبالنسبة للتنبيه اللي يطلع بالشاشة ايش الحل فيه؟
ولكم جزيل الشكر

[كاشت وحداني]

بالنسبة للصوت فهو صوت مسمار كان في الكفر ومع المشي انفك وضرب بطانة الرفرف والدليل ظهور التنبيه لحساس الهواء
وهذي مشكله الكثير لاينتبه لها ان الموتر الجديد احيان تكون كفراته مصنعه قبله بعشره شهور الى سنه. وكثير شرو مواتر وكاله وتلفت الكفرات في فتره. بسيطه
بالنسبة للتنبيه
اول شيئ تاكد من توازن الهواء في جميع الكفرات
واذا ماطفت
لها طريقة برممجه
او اعادة ضبط
لكن بتأكد من الطريقه الصحيحه واجيبها لك
وان جابها احد الشباب جزاه الله خير


Sent from my iPhone using Tapatalk

[بسطويس]

جزاك الله خير ورزقك من حيث لاتدري

[عنبري]

عل حد علمي ان الاستبنة لا يوجد بها حساس لجهاز المراقبة , ولذلك يظهر لك هذا التنبيه
موفق.

[patrol vtc]

أخوي أنصحكـ بكفرات ميشلان , جيدهـ حيييل ,

عن تجربة :)

[tevo]

عل حد علمي ان الاستبنة لا يوجد بها حساس لجهاز المراقبة , ولذلك يظهر لك هذا التنبيه
موفق.

هذا الكلام الصحيح
اول ما ترجع الجنوط الأصليه بتروح الكتابه ولكن ان ما رجعت كل كفر لمكانه سوي برمجه لها وطريقتها سهله ابحث بالمنتدي وبتلاقيه علطول والفايده من البرمجه ان السيارة تتعرف علي مكان كل كفر بعد ما تغير مكاناه مثلا الكفر الامامي لو حطيته ورا وبنشر بيقولك الكفر الامامي ناقص هواء.
والله يعوض عليك خير.
وان كان السيارة توها جديده احتمال الوكاله تبدل لك طقم .

[بسطويس]

بيض الله وجيهكم دنيا واخرة

[التمسساح]

طريقة البرمجه
1-تروحح لمحل بنشر
2-تنسم هواء الكفرات على الاخير يعني تحط فيهن مثلا هواء 10 او 15
3تفتح السويتش بدون تشغيل يعني بس لمبات الطبلون تشتغل
4-تظغط من الريموت على زر الفتح والغلق في نفس الوقت حتى تسمع صوت بوري
تروح للكفر الامامي الايسر تعبيه لحد ماتسمع البوري يدق لحاله توقف
5 تروح للكفر الاماي الايمن وتعبيه لحد ماتسمع صوت البوري
6-تعبي الكفر الخلفي الايمن حتى تسمع صوت البوري
7-تعبي الكفر الاخير اليسار الخلفي حتى يدق بوري
8-تشغل السياره وتطفيها بسرعه وترجع تشغلها راح تشوف لمبة التنبيه انطفت
طبعا مو شرط انك تعبي الكفرات بنفس الترتيب الي قلتلك عنه بس المهم يكون الترتيب بأتجاه عقارب الساعه
ادري اني كثرت بربره بس علشان توصل المعلومه

[بسطويس]

طريقة البرمجه
1-تروحح لمحل بنشر
2-تنسم هواء الكفرات على الاخير يعني تحط فيهن مثلا هواء 10 او 15
3تفتح السويتش بدون تشغيل يعني بس لمبات الطبلون تشتغل
4-تظغط من الريموت على زر الفتح والغلق في نفس الوقت حتى تسمع صوت بوري
تروح للكفر الامامي الايسر تعبيه لحد ماتسمع البوري يدق لحاله توقف
5 تروح للكفر الاماي الايمن وتعبيه لحد ماتسمع صوت البوري
6-تعبي الكفر الخلفي الايمن حتى تسمع صوت البوري
7-تعبي الكفر الاخير اليسار الخلفي حتى يدق بوري
8-تشغل السياره وتطفيها بسرعه وترجع تشغلها راح تشوف لمبة التنبيه انطفت
طبعا مو شرط انك تعبي الكفرات بنفس الترتيب الي قلتلك عنه بس المهم يكون الترتيب بأتجاه عقارب الساعه
ادري اني كثرت بربره بس علشان توصل المعلومه
الله يجزاك خير ويازينها من بربرة

[أبوحمزه]

ياخي العزيز الشغله بسيطه جدا انا احد عشاق اليوكن توني امس مركب كفر جنرال مقاس 17 تصنيع شهر 6 سنه 2012 الكفره 650 ركبت اربع 2600 ريال ضمان سنه الصنع امريكي تحمل الحراره a الافضل والسرعات العاليه h والافضل لليوكن ماشاء الله ممتاز وتمت التعبه هواء النوترجين وتم البرمجه الكفرات
1- قم بفصل الاصبع الموجب اذا كنت واقف امام المحرك على الاصبع على يدك اليمين قم بفصله ربع ساعه وقم بتركيبه يتبرمج معاك على طول وبتوفيق

[بسطويس]

ياخي العزيز الشغله بسيطه جدا انا احد عشاق اليوكن توني امس مركب كفر جنرال مقاس 17 تصنيع شهر 6 سنه 2012 الكفره 650 ركبت اربع 2600 ريال ضمان سنه الصنع امريكي تحمل الحراره a الافضل والسرعات العاليه h والافضل لليوكن ماشاء الله ممتاز وتمت التعبه هواء النوترجين وتم البرمجه الكفرات
1- قم بفصل الاصبع الموجب اذا كنت واقف امام المحرك على الاصبع على يدك اليمين قم بفصله ربع ساعه وقم بتركيبه يتبرمج معاك على طول وبتوفيق
الله يرفع قدرك دنيا واخرة

[قمرنا]

أخوي السلام عليكم
انا استخدم كفرات هانكوك الكوريه وكيلها بن شيهون
وهذي ثاني مره أركبها مريحه بالحيل و لينه على الموتر
وبالخط ممتازه وبالبر ولا احلى منها....لكن راقب الهواء فيها

والله مامدحتها لك الا من تجربه شخصيه
و وصف المحل بنهايه شارع الريل لما ينتهي السيدين شفه
قدامك على اليمين افضل واحد يركبها و ارخصهم

الله يوفقك....

[بقايا راحل]

السلام عليكم..
انا معي يوكن 2005 وابحث عن كفرات ممتازة للسيارة ومحتار بين ميشلان و هناكوك وجنرال وقوود يير
فأبغاكم تعطوني الزينة و المريحة في الخط والمطبات
وشكرا..
محبكم.. بقايا راحل

[remth]

السلام عليكم..
انا معي يوكن 2005 وابحث عن كفرات ممتازة للسيارة ومحتار بين ميشلان و هناكوك وجنرال وقوود يير
فأبغاكم تعطوني الزينة و المريحة في الخط والمطبات
وشكرا..
محبكم.. بقايا راحل
نفس السؤال عندي تاهو 2006 عليه كفرات برجستون عليها قساوه ومطب يالطييييييف
الصراحه مليت منهن