لمن اراد تلميع انوار السيارة

[بروح معاكم]

السلام عليكم ورحمة الله وبركاته
اخواني اعضاء هذا المنتدى الطيب من باب الفائدة لأعضاء هذا المنتدى وجدت محل متخصص في تلميع انوار السيارة واي شئ خاص بأنوار السيارة .
صاحب هذا المحل ابومشعل رجل فاضل خلوق ونصوح ويشتغل بيده مع عمال المحل خبرته 13 سنة تقريبا رقم جواله بعد اذن ادارة المنتدى موقع المحل في الغرابي بالرياض

[لاتكب البيالة]

بيض الله وجهك
لكن الشغلة ما تحتاج خبرة 13 سنة او روحة بزحمة الغرابي
فقط ورقت صنفرة انعم شي بريال ورش على النور شوي ماء وصابون وصنفره يرجع وكالة

[مخ سعودي]

وانت الصادق معجون اسنان وصنفره ناعمه ١٠٠٠ ودقيقتن واحلى لمعه

[كاشت وحداني]

فعلا ابو مشعل معروف
واعرفه من عام ١٤١٦هـ وجدا خلوق
واللي ما يبي يلمع بيده يروح له
موقعه خلف التمران للتنجيد بالضبط
بعد التمران تجد محل مسجلات صغير وايضا فيه مهندس ممتاز للمسجلات اسمه فيروز تلف بعده يمين تجد محل ابو مشعل



Sent from my iPhone using Tapatalk

[بوراجح2011]

يعطيك العافيه /_/ ولد وطن لا بد من تشجيعه الله يوفق الجميع

[ابوسليمان12]

حبيت اضيف معلومة يجهلها الكثير وهي ان شمعات الموتر يلمعها ابومشعل حتى لوكانت قزاز يعني مهب بس البلاستك اللي يتلمع بل وحتى القزاز. وانا استغربت يوم سألت ابومشعل وقالي المعها وارجعها لك وكالة

[بروح معاكم]

بيض الله وجهك
لكن الشغلة ما تحتاج خبرة 13 سنة او روحة بزحمة الغرابي
فقط ورقت صنفرة انعم شي بريال ورش على النور شوي ماء وصابون وصنفره يرجع وكالة

الله يعطيك العافيه على المرور لكن انا شفت شغله يستاهل ليس مجامله بعدين لازم يفك الشمعه من السيارة علشان مواد التلميع ممكن تضر بوية السيارة

[بروح معاكم]

الله يعطيكم العافية على المرور
مخ سعودي/ هذي وجهت نظرك نحترمها
كاشت وحداني
بوراجح٢٠١١
ابوسليمان ١٢

[.أبوعبدالرحمن]

يغلق


الموضوع يحتوي على دعاية ولابد من أخذ الإذن من الإدارة