تحذير : فك دبات التلوث

[وااضح]

سلام عليكم
كتبت الموضوع بعد تجربة من فك دبات التلوث وتركيب ماصورة مع وجود الحساس
الشكمان
نبدأ بالسلبيات 1- نقص الزيت نصف علبة كل 500 كيلو
2- صوت مزعج إذ شديت على السيارة
3- صرف بنزين
الإيجابيات : 1- خفة السيارة وعزم فقط

ولله الحمد يوم فكيت الدبات ما بعتها يوم رجعت الدبات رجعت السيارة كما كانت
السيارة هايلوكس
نصيحة مني لا احد يفكها
دعواتكم لي بالتوفيق

[ددسن مسدرك]

والله يا عزيزي أكيد إن الوكلات ما يحطون شي إلا مسوين له ألف دراسة لكن معليش ما أتوقع إنها تاخذ نص علبة كل خمسمئة كيلو كل الشعب فاكين دبات ولا إشتكو شي لا نقص زيت ولا شي إلا إذا كان فيه حالات نادرة يمكن .. و أنا معك في هذه المعلومة أن أساس الدبة هو الأفضل ..

بارك الله فيك

[وااضح]

نص علبة اقصد مع الخط موب داخل الديرة

[الهوى جنوبي]

فكيت الدبه وامشي اكثر من خمسة آلاف ولا في نقص زيت بالعكس اللي يشوف لون الزيت يقول ماشي عليه 1000كيلو تحياتي ،،،،

[abohmad]

السلام عليكم وش دخل نقص الزيت فى دبة التلوث انا شايلها من سيارتى الددسن 2011 ولم تنقص دهن ولا تصرف بانزين على العموم الله يعطيك العافية

[رااعي الفزعات]

مجرد عادم للحماية من التلوث ..
ماله دخل بالمكينه والزيت ،، بس يفتح للموتر شوي بدال مايكون كااتم .. ماقصرت الله يعطيك العافيه

[فرخ قطا]

انا فاكه من فتره ولا فيه نقص ولله الحمد
لكن صرفية بنزين وازعاج
وافكر اني ارجع حقت الوكاله

[الربذي]

انا فاكها من ددسن دبل ولا فيه فرق الا صوت مزعج وبس

[SAS2]

فكيتها من كابريس 2004 وماتغيرالزيت معي عادي نفس اول مع ان حساسات الكابريس اكثر

المهم ان الورشه ماعرفوا يلحمون الشكمان مره ثانيه بعد يومين انطلق من مكانه وسلامتكم

[ابو محمد 2011]

ياطويل العمر انا فاكها من لاندكروزر من اكثر من سنة

والحمد لله مافيه نقص ولا شي

والمميزات خفة النفس والعزم وصرفية البنزين تحسنت اكثر

[التمسساح]

الظاهر موترك مكروف وانت تهون على نفسك تقول نقص الزيت من الدبه

[قناص 28 عفيف]

يمكن تحط زيت خفيف
حط زيت30 × 50

[ابونبيل]

اخوي الموتر المفروض تزيد صرفيته مو ينقص زيت اذا ينقص فمعناه ان زيتك زيت تويوتا وانت تطاعس عليه

[المقناص 9]

ياشباب انا موتري هايلوكس 2009
هل يضر اذا فكيت دبات التلوث وهل ينقص الزيت ولا يخرب شي ثاني

ارجو الافاده برساله على الخاص وشكراااااا

[وااضح]

الظاهر موترك مكروف وانت تهون على نفسك تقول نقص الزيت من الدبه

الموتر شارية وكالة
وانا الي فاك الدبات وطلع النقص عندي بعد ما فكيتها
لأكن يوم رجعة الدبات صارت مثل قبل

[وااضح]

اخوي الموتر المفروض تزيد صرفيته مو ينقص زيت اذا ينقص فمعناه ان زيتك زيت تويوتا وانت تطاعس عليه

الزيت سوبر شل اصلي اشري كرتون بالجملة من محلات معتمدة
والسيارة ما عمري طعست عليها

[ابونبيل]

الزيت سوبر شل اصلي اشري كرتون بالجملة من محلات معتمدة
والسيارة ما عمري طعست عليها
غريب موترك ..بس انصحك بـ زيت سوبر جيتي فوكس تراه ازين:good2:

[كايد]

صبحكم الله بالخير ....

وش احسن ورشة بالرياض يفكون ......

[awn050]

لاتفك فاكها من ماركيز ذبحني بريحة الكربون اذا نزلت القزاز ونا واقف جنب جدار تفوج علي الدخنه وجيت الفني قال عذروبه الوحيد ريحة الكربون تحوسك حوس كنت ابي افكه من لاند لاكنت هونت اما خفة نفس عزالله في خفه عاد زايده دبه مفرغه وخذلك عزم