اي السيارات التالية أشتريها.......؟

[anas]

جرررررررررررررررررررررررررريتكم :p
معليش.. ارجو من الجميع المشاركة السلام عليكم .. عندي مبلغ 150الف ريال وصراحة انا من الناس اللي تحب تسوق سيارة وتكون فل كامل يعني المواصفات كاملة وطلعاتي للبر اسبوعيا وتطعيس على خفيف (((شبعنا تطعيس الجامد ايام الشيروكي الى ان انفرط القير وسط الصحراء الله لا يعيد الشر )))
والسيارات التي ارغبها هي :
1- جيب لكزس مستعمل موديل 2004
2- يوكون الجديد كليا فل كامل موديل 2007
3- شيفروليه ( تاهو ) فل كامل موديل 2007 (موجودة عند العيسى الآن اول مرة تدخل السعودية شبيهة باليوكون تماما ولكن تختلف من الخارج كما هو الحال في الفرق بين التريل البليزر والإنفوي )
4- الإنتظار حتى 2007 لعل اللاندكروزر يتغير( يمكن ما اصبر )
وآسف جدا على الإطالة... ودعتكم الله .

[غضنفر]

اذا تبي شوري
الــ Vxr يطيح سعره كثير اذا كان مستعمل
نصيحتي لك انك تدورلك فكسار تماتيك 2005
ماشي شي بسيط اقل من 30 الف
وما عليك من الشكل لا يهمك لو تغير اذا كنت مقتنع في الموديل الي بتشتريه وانت رجال بتستعمل منتب بياع
وش عليك لو تغير الموديل الي بعده
وهذي طبيعة السيارات كل فترة بتغير اشكالها ومكاينها

[ملاعب الريح]

نصيحة \أخ لا تبعد عن الياباني سواء اللكزس ولا الفكسار
ولا شاص هههههه

[anas]

بلاك باث وملاعب الريح شكرا لكم على الرد السريع ... السهرة زانت بوجودكم :)
يا راعي الباث انا جربت vxr فل كامل وجربت الجيب الكزس وبصراحة حسيت أن الجيب الكزس اخف بكثير من الفي اكس ار يمكن عشان الونش حتى في الطعوس

[هاوي الله]

أهم شي لا تبعد عن الياباني ( التويوتا أو أخوه من الرضاع >>>>>>>>> لكزس ) ههههه @@

[أبوبندر 2005]

نصيحتي أبـــــعــــــــــــد عن ألأمريكي
ورح للياباني

[تمساح]

السلام عليكم ورحمة الله وبركاته :)
أولاً:اخوي أنس إذاكنت تبي تشتري من التويوتا أو الكزس خذ من عند البازعي لأن البازعي يجيب خليجي أصلي وأفضل من جميل، على فكره ترا البازعي عنده وارد البريمي عماني و الإماراتي الفطيمي وعندك اليحي الي موجود باحي النسيم طبعن اليحي معرض يوزع يعني يعتبر موزع لاكن مشكلته اليحي ان السيارات الي عنده ماعليها ضمان ون كنت دور على الي عنده ضمان خذ من عند البازعي وعلى فكره إذا انت تحب المظاهر و الشكل الزين الي يواجه خذ الكزس الكبيرى الي هو Lx470 هذاالكزس هو الي ينفع في المدينه والبر وعلى فكره دفع الجيب 470 هو خلفي رباعي لا كنrx330 أمامي رباعي لاكن Rx330 ماينفع تدخل فيه البرلأن 1-الدبل زر مو قير وزي ما أنتو عارفين ان الدبل القير أفضل وأقوى من الزر وزر ممكن يعلق عليك أو مايشتغل أو يكون متعطل فنين أو ممكن يكون فيه خلل فني وترا ماقلت هذا الكلام الا لمصلحتكم وأحذر ايت واحد فيكم انه يبعد عن السيارات الدفع الامامي الرباعي أو الدفع الامامي و الأفضل والأقوى بالنسبه للسيارات الجيب أو السيارات الكبيره مثل الجمس السبربان أو اليكون أوالفورد أو لاندكروزر أو الباترول وعلى فكره ترا السيارات الي تم ذكرها تراه ذات دفع خلفي رباعي وأرجو الأخذ بالنصيحه وبالنسبه لسيارات الدفع الامامي والاخلفي لو نولاحظ إنا السيارات ذات الدفع الخلفي اقوى و أرسا في الخطوط من الدفع الامامي.ملاحظه:مشكلته العكوس والاذرعه وتراها مومشكله هينه لا ترا المشلكه هاذي تموت ونتبهو لا تستهونون بالعكوس أو الاذرعه تراهامشكله كبيره الكل عجز عن حلها . إذا هونت عن الكزس 470 خذ الهددالي هو لاندكروزر Gx من برا سياحي ستاندرد ومن الداخل نفس نفس الكزس 470 وتراعلى فكره إذاتبيه رح للمعارض النسيم أو البازعي وقله أبي جيب لاندكروزر Gx الي هو يسمونه الهدد وإذ مالقيته عند البازعي رح عند اليحي أو الفلاح أو نجد وراح تلقا عندهم أنشأالله ولله يوفقك بالموتر الزين الي تستاهله ويستاهلك وسلامي على الجميع و السلام ختام اخوكم تمساح

[الضاري]

على طاري الـ 150 ألف ماعندك سلف 5 آلاف ريال :D


الوكاد لاتبعد عن الياباني مثل ماقالوا الشباب

والله يوفقك ويعطيك خيرة ويكفيك شرة

[شبح الصحراء]

الفي اكس آر افضل خيار وما خاب من استشار .

[فال الخير]

ابعد عن الأمريكي


تحياتي

[Abu Faisal]

انا صراحه ماعندي جيب لكن لو ابشتري جيب باخذ ياباني وخصوصاً تويوتا .........

ولا تنسى الاستخاره

و لين شريت الله يعافيك نبغي كذا تمشيه ...........زين

[عقيد الخيل]

والله كل كلامكم كلام شنبات وهو الراي وخاصة اخوي تمساح
ياباني وبس

[الكابتن]

وما ازيد على الاخوان ولاتتعدى الاند كروزر


والا اقولك حطها بالاسهم (الاتصالات---------- سابك------------ الكهرب واصبر شهر وباذن الله راح تعين خيييييير ؟؟؟؟؟؟؟؟؟؟؟؟)

[نكهة الهيل]

أقول الياباني ما يترك راعيه

ولا الأمريكي أنذل منه مافي خاصة بالبر

عند أول طعس يقولك أفزعلي بجيب ياباني يشيلني

والله يوفقك

[هواوي]

لاند كروزر وانت مطمئن خذها نصيحه مجرب

[عابد]

اخوي أنس
السلام عليكم ورحمة الله وبركاته

أنا أنصحك بالفتك إذا عندك 150000 ريال حطها في سوبر سفاري كامل مواصفات وماراح تندم بإذن الله .
اخوك عابد

[aziz2727]

تكفا يا خوك
الياباني وخاصه التويوتا وبس

[العودالازرقhk]

تايوتا وبس

[الكايف2]

اخوي انس عليك بالياباني عطي الله وتوكل علي الله

[anas]

اشكر جميييييييييييييييييييييييييييييييييييييييييع الأخوة الأعزاء كل واحد باسمه ... وآسف على طول الغيبة لأني مسافر ودخولي على الانترنت قليل .. وبإنتظار المزيد :)

[هاوي خلا]

أخوي anas تبي نصيحتي اشتغل بالأسهم كلها كم شهر وتفلس ولا تتعب نفسك بالتفكير (ههههههههههه) أمزح معك والله السيارات واجد ولكن انصحك بالتايوتا اسأل مجرب ولا تسأل خبير والله يختار لك الصالح .
أخوك / هاوي خلا .

[نيشان نجد]

جيب لكزس ولا لاند

[anas]

اعتقد يا اخوان ان الجيب الكزس افضل من الفكسار الفل كامل واقصد المستعمل ان العادة اللي يشري الكزس ما يكرفه لذلك تشتريه وانت مطمن اما الفكسار ما باعة إلا بعد ما جاب العيد فيه في الطعوس .

[السهم الأول]

في اكس آر أفضل شيء اذا تبي الشور ..


إلا على طاري الفكس آر كم يسوى بالمعارض 2005 و 2004 نظيف ممشاه ماتعدى 40 الف كم

[أبومناحي]

أنا شريت فيكسار ولحين شريت يوكون

وطلع اليوكون أقوا من حيث العزم والقوة

[anas]

أنا شريت فيكسار ولحين شريت يوكون

وطلع اليوكون أقوا من حيث العزم والقوة

اخي ابو مناحي / هل جربت الفكسار واليوكون في الطهوس ؟ وايهما افضل في الطعوس وتحس انه افضل من الثاني وطبعا اقصد الفكسار التوماتيك .. ارجو الاجابة للأهمية ..وشكرا لك .