استفسار عن الشاص

[حريملاوي2]

انا عندي شاص وشفت موضوع حبيب تعب http://www.mekshat.com/vb/showthread.php?t=351830
انا ان شاء الله بشيل نفسة اربع سست بس بغيت اسال القفيز الي غيرها وش حقته ركب هي ومسمار السست ارجو الفائدة من شخصيا او واحد يعرف وشكرا

[عكس التيار]

ركب قفزان وسنتر حق شاص ابو رفرف يجي اقصر من القفزان اللي معك

وسعرها في الوكاله تقريبا موب متأكد 4 قفزان وسنترين ب500 ريال وفيها الكلام هذا قبل سنه يمكن ارتفع سعرها

او تلقاها عند بلبيد في الصناعيه القديمه متخصص سست ولاعابات وقفزان وسناتر كل اللي عنده صناعه هنديه مر عليه وتأكد

[حريملاوي2]

مشكور ياعكس التيار بس ابسالك من وين شارها
وان كان حصل رقم القطع

[ابن عكاش]

هلا ومرحبا بولد ديرتنا اسمع رايي اللي انا مجربه على موتري
شل سست التحميل الصغار كلها ووحده من المساطر المجموع 5سست يبقى ست بتفرق مطب الموتر واجد ولاهوب نازل وان بغيت تركب لعاب 18انش ازين وان بغيت ادلك على الورشة اللي انا مشغل عنده ابشر

[عكس التيار]

حريملاوي والله ودي اخدمك لكن انا سألت الوكاله غاليه ولا شريتها ولا سحبت سست ولا شي شد بلد
ترى قفزان وسنتر ابو 11 سسته تختلف عن قفزان ابو 7 تجي قصيره

فيه الرشيد في الصناعيه القديمه اذكر لقيتها عنده واتوقع بتلقاها عند الضحيان

[حريملاوي2]

مشكوورين وياليت يابن عكاش تقول الورشة

[ابن عكاش]

الورشة في الصناعية القديمة
إذا جيت مع طريق الخرج ووجهك شمال تعد إشارة شارع العنوز وامش ليت تشوف لوحة العضيب اللي فوق العمارة على اليمين ادخل معها يمين اول شارع يسار ادخل معه بيصير العضيب عل يمينك ادخل بعده يمين بيصير وجهك شرق ثاني او ثالث ورشة على يسارك فيها هندي قل له ابي اخفف المطب وهو بيعلمك وش بيسوي ماعليك يشتري القفزان وكل شي
وهذا جوالي كان ضيعت 0552237788 ابوصقر

[حريملاوي2]

مشكور والله يكثر من امثالك يابوصقر

[afg-11]

انا عندي شاص 7 سست وبزود سست انت بي منطقه اذا ودك نتبادل

[sgl2002]

اخوي ترى اذا سحبت السست بيبقى الموتر ماهو بذاك الزود وفيه مناقز

اذا تبي تنسى المطب نهائي سو مثلي

ركبت عدد 4 مساعدات باترول والحين الموتر تقول سيدان حتى ماعاد ودك تنزل