السلام عليكم ورحمة الله وبركاته ....لاصحاب الترهيم ارجو الدخول

[السناعيس .f16]

يااخوان انا معي موتر هلي دبل 2012 .من سكان الرياض
عندي اساله وياليت اتجاوبوني الله يطول بعماركم و نصيحتكم مسموعه.


س1 ابي اغير المكينه اب مكينة فورشنر 6سرندل

وكم حدود سعر المكينه

س2 ابي اركب دفرنس فورشنر او (دفرنش)كامل الي يجي فيه قفل دفرنس ابي اركبه خلفي للهلي المكينه حصلت بحاير في الرياض بس ما ادري وين الورش الي تركب المكينه و الدفرنس يعني توليف وياليت يا اخوان ينشاماء تفيدوني

[ابو زياد 90]

وعليكم السلام

والله يالغالي مالي علم بهذي الامور

وان شاء الله الاخوان موب مقصرين


والله ييسر لك يالغالي


تحياتي لك ,,,

[الحر 6]

وعليكم السلام بعطيك الي عندي بس الباقي علي الله بنسبه للمكينه نفسهم اهل التشاليح اهم يركبونها لك ام الدفرنس سمعة فيه جده ورشه متخصصه له وبحاول اجيب لك اسمها او رقم جول صاحب الورشه وانشالله الاخوان مو مقصرين

[دائرة 11]

وعليكم السلام

وانا اخوك خلك على جنيك لا يجيك اجن منه .. موترك جديد لا تخربه

[mjjjed]

تقرد بقردك لايجيك قرد اقرد منه سيارتك جديدة ماشاء الله تبارك الله .الله يعطيك خيرها ويصرف عنك شرها

[Salamah.y]

ياخي بدل ما تلعب بموتر جديد و تولف و لفة طويلة عريضة
خذ لك شفر سلفرادو او جمس سييرا او تويوتا تاندرا
كلهن نشاط و حوض ، وبهن راحة ، موتر شد بلد بمصاريف اقل و مردود اقوى
و ان كانك معزم على الترهيم ، ياخي دور لك مكينة فكسار ثمان سلندر ، اتوقع ارخص لك
و الراي الاخير لك اكيد ~

موووفق ~@

[السناعيس .f16]

انا مو داخل مزاجي الى هلي وتوليف ملزم يانشاماء
لان الهلي ما اقدر اغيره اسحرتن من جد ههههه

[moooj]

خذ هايلكس كويتي يجي 6 سلندر شد بلد (نفس الفورشنر) بس حوض

[السناعيس .f16]

خذ هايلكس كويتي يجي 6 سلندر شد بلد (نفس الفورشنر) بس حوض
مع احترامي لك اخوي بس ماتجي الكويتي

[escape_man]

استشر خبير الترهيم ابوعبدالله الصمعاني بتشاليح الباطن ببريده

تلاقي رقمه بالنت

[ذيب زلفاوي]

ياخيو موترك جديد والله حرام تلعب فيه افرض ان الترهيم ماضبط بيروح عليك الموتر
انا اقوول دورلك 2006 مخبط ولا مجلود ولو بدون دبل انا شايف غمارتين بدون دبل عليها مكينه فوتشنر ماشاء الله مايرده شي
وبعدين انت بتغير المكينه والدفرنس يعني دور لو بدي لحاله

[درب الصحراء]

اذا تبي النصيحة خل عنك الترهيم لانه

اولا: بيكلفك قد نصف او اكثر من قيمة السيارة

وثانيا :اذا غيرت المكينة لازم تغير الدفرنسات مع القير

ثالثا: عمود الكردان احتمال القديم ما يركب والجديد طوله يكون مشكله

رابعا: الضفيره بتتغير اذا كانت المكينة بخاخات والله يعينك على مشاكل الكهرب الي ما تخلص

خامسا: الشكمان والاديتر لازم يتغير لان المكينة اكبر

واخير واهم شي دور ورشة شغلهم ترهيم وعارفين الشغلة صح

اما شغلة فك وركب فمن الان الله يخلف عليك في موترك

وبالتوفيق

[مودع الخلان]

يالذيب اسال مجرب ولاتسال طبيب كانت معنا 2012 وعزمه بلد ضعيف لاكن عدلنا على المكينة ومن ابدع مايكون
ركب هدرز كامل ومراوح سبارو وجنوط هلل صينيات اخف وبنزينك 95 والله تطلع الغمارتين الدفرنس كعزم

[السناعيس .f16]

بيض الله وجيهكم
و يحرم اوجيهكم من عذاب النار
و شكلي ابي اركب هدرز بس افضل نوع وش ؟ وهل له خرابات او ضرر للمكينه ..... علمن يا اخوان ان موتري غمارتين دبل 2012 ما ادري يركب ولا لا

[عكس التيار]

الحمدلله انك هونت :)


اعطيك معلومه

الدفرنس اذا غيرته بدفرنس فورنتشر لازم تغير الدفرنس اللي قدام لان لازم تتطابق الكرونات مع بعض مايصلح وحده يكون ترسها 40 سنه والثانيه 39

[السناعيس .f16]

والله شكلي ابي اهون عن الدفرنس بس ابي اركب هدرز وشرايكم اي نوع هدرز

[راعي الطلعات]

لا يا خوك انتبه تغير مكينه او دفرنس السيارات الجديده صار لها كمبيوتر وبتدخل متاهات الله يغنيك عنها

خذ لك جمس سيرا 8 سلندر مكينه و سياره وسيعه وصندوق كبير و الاستخاره زينه

[راعي الطلعات]

اذا تقصد ترهيم بسيط ركب مراوح كهرب و فلتر امريكي K&N بواجي رياضيه اسلاك بواجي رياضيه وراس هدرز والدبه وكاله علشان ترتاح من الازعاج

وبالتوفيق

[السناعيس .f16]

بس اخوي الفلتر ما يضر ؟

[راعي الطلعات]

بس اخوي الفلتر ما يضر ؟

الامريكي ما يضر المكينه لانه فيه طبقه تمسك الغبار و لزيادة الحرص يجي له جراب يلبس وان شاءالله ما يضر و انضفه بالشهر او الشهرين بالمنفاخ و ماء وله بخاخات تجي معه او تباع في محل 4500 بشرق الرياض
مع ان الهليكس الي كان معي كلبيتر والله انه يطرب

[السناعيس .f16]

س1 اخوي محل 4500 وين في شرق الرياض ياليت توصفلي
س2 الفلتر هل له صوت مزعج ولا لا ؟.........وش الفرق بيت الفلتر و الهدرز
و اسفين على الازعاج .........راعي الطلعات

[راعي الطلعات]

س1 اخوي محل 4500 وين في شرق الرياض ياليت توصفلي
س2 الفلتر هل له صوت مزعج ولا لا ؟.........وش الفرق بيت الفلتر و الهدرز
و اسفين على الازعاج .........راعي الطلعات

وش دعوه لا ازعاج ولا يحزنون :good2:

ج1: تروح الدايري الشرقي وانت متجه جنوب خذ المخرج 15 ولف يمين واذا انت جاي شمال خذه يسار و خذ الخدمه حتى تقابلك اشاره لف معها يمين وسيد بتقابلك اشاره ثانيه لف معها يمين وسيد الطريق فيه مطبات شوي المهم المحل بتشوفه على يسارك يبيلك تديور له بس

ج2: الفلتر يطلع له صوت خفيف وحلو لانه مكشوف فرق عن فلتر الوكاله مكتوم

ج3: الفرق طالع عمرك ان الفلتر يسحب هواء بشكل اقوى ويعطي المكينه قوه و نشاط و الهدرز وضيفته يخرج الهواء او الكربون بسرعه علشان ما تنكتم المكينه شوي و له صوت مقبول اذا ما تبي الازعاج توصله مع دبة الوكاله بس بدون ما يقص في دبة الوكاله

بس انا اشوف ان المراوح و الفلتر يغنونك ان شاءالله عن الهدرز مهوب ضروري مره يعني وجوده

[السناعيس .f16]

ياليت توضح لي المحل وينو عن اسواق المجد مخرج 15 اتجاهي جنوب

[السناعيس .f16]

افضل وحل اركب الفلتر الرياض وين لو ماعليك امر وبيض الله وجهك

[RW7..ALBDAWA]

اخوي ركب فلتر كي إن مع الشرآب حقه وفك شخالات البيئه ومن نآحية هدرز لأتركب لأنه ماراح يفرق معك وانآ مجرب هالشي لأن قزوز الوكآله وسسسسسسسيعه فـ مآتحتاج لهدرز تحتاج لـ فتر كي إن كبير ومعه الشرآب وتفك الشخالات وتركب جنوط هلل صينيه بحيث انهآ تكون اخف بالخط على الموتر

[السناعيس .f16]

4500 محل غالي الهدرز 2000ريال ليش