ازين هدرز؟؟

[سوبر مكشات]

السلام عليكم

سأل احد الشباب عن الهدرزات ووش افضل الانواع ومالي خبره فيهن
قلت الاخوان بمكشات ما يقصرون كثير من الاعضاء عنده خبره

اسمع عن هدرز بحريني و اماراتي وقطري وهدرز قايد اليماني وبالقصيم الصمعاني وكم واحد...

بس مدري ووش الفرق بينهن ووش ازينهن للموتر
ووش الهدرز المجرب او الاكثر بالسوق

علما ان الرجال مب راعي جلد لكن راعي مشاوير بها القوايل.. الله ييسر امره
ويبي ابرد لموتره واقل صرف واقوى عزم

موفقين

[RW7..ALBDAWA]

عندكـ البحريـني ممتآز 1
السويدي ممتآز وكل الشعب هآبن فيه . 2
وعندك الامريكي تحصله عند 4500 ممتآز مره مرره

غير هالانوآع لاتقربـه وقآيد هالشلأخ لأتآخذ من عندهـ ولا هدرز ركب بس لأتخليه يفصلك اصلن معآد صار يفصل الحين

[سوبر مكشات]

عندكـ البحريـني ممتآز 1
السويدي ممتآز وكل الشعب هآبن فيه . 2
وعندك الامريكي تحصله عند 4500 ممتآز مره مرره

غير هالانوآع لاتقربـه وقآيد هالشلأخ لأتآخذ من عندهـ ولا هدرز ركب بس لأتخليه يفصلك اصلن معآد صار يفصل الحين


لكن وميزة البحريني عن السويدي

وهل الشعب فيهن ستيل ولا حديد
4500 وين موقعه

[ابو خــــالد]

ألسويدي حار على المكينه ﻷنه حديد خالص ؛ أما البحريني يجي مخلوط حديد وستيل
ووفيه ماده ثالثه نسيت وشي ، المهم ميزة البحريني أنسى التنسيم وبارد على المكينه وأخف من السويدي ، السويدي ثقيييل

[السناعيس .f16]

انا نفس السوال ابي اركب على هلي دبل 2012..................هل له اضرار ..............

[سوبر مكشات]

طيب البحريني ذا وشلون احصله فيه توصيل ولا لازم اروح
خبرك احداث البحرين هالايام مظاهرات ومالتوف وخرابيط
وراس ماله هدرز
اذا كان فيه ارقام او وصف للكراجات لاتتأخر علينا لاهنت


بالنسبه
اضرار الهدرز اذا كنت بتجلد وتراقي (شغل ام حزم)
ينقص كل 5000 نص علبه واذا كنت مركب فلتر ينقص اكثر
والسيارات تختلف
اذا كان الموتر ماشي اكثر من 200 او 250 الف شي طبيعي انه ينقص بكل السيارات خاصه اهل السرعه العاليه


اما اذا كان وضعك بالطبيعي ما عليك خوف
واجوائنا البارده ما ينفع لها الا الهدرز
احد الشباب طبعه عادي يعني تمسك معه مره يجلد ومره لا وما ينقص
واذا ركبته زين ماينقص




بانتظار الاعضاء لإثراء الموضوع

[4800VTC]

لكل نوع من الهدرزات محاسن وعيوب
افضل نوع بالنسبه للمواد المصنوع منها الهدرز
هو
1-(السويدي)
وتميزه بسهوله عن انواع الهدرزات الاخرى
بحكم اللون المائل ل الاحمر:good2:
العيوب /
التنسيم اذا انت راعي مطامر بحكم ثقل الهدرز
طبعا السبب (الشيالات او الكراسي)
2- (البحريني)
يتميز بخفة الوزن و يكون اللون مائل ل الفضي
سهولة الصيانه
كما يعتبر افضل هدرز ل السيارات التي يوجد بها راسين
مثل الاند الجديد و اغلب السيارات الامريكيه
العيوب /
لا توجد عيوب تذكر اذا كان استخدامك ل السياره جيد

اما من ناحية القوه و التبريد فهي لصالح الهدرز السويدي
وبعده
اذا السياره (نيسان باترول)من 97وتحت
افضل هدرز لها (السويدي)
(((من واقع تجربه )))

اتمنى اني افدتك ب الي اقدر عليه
وحاضرين لك و للاخوان في منتدانا الراقي

[رااعي الفزعات]

موضوع رائع ..
بس ياليت يتكرمون أهل الخبرة ويفيدوننا عن اماكن بيع وتركيب الهدرز البحريني ،، والسويدي ..
ونكون شاكرين لله ثم لهم ..
تقبل مروري لاعدمناك ..

[السناعيس .f16]

يا اخوان الهدرز له صوت مزعج يعني مثل صوت عادي اي سياره ولا لا ولا كانك شاق الكنداسه
وهل فيه اصراف بنزين
وتنصحوني اركبه هلي 2012 .وهل هو ينشط المكينه عزم وغيره ولا لا انا شغلي مراقاء تطعيس بس ؟؟؟؟؟انشاء الله تفيدوني .............

[RW7..ALBDAWA]

الهدرز صآرله على موتري قريب السنه ماشاء الله لاتنسيم ولا اي حآجه وصوته كآتم يعني مآكنك مركب هدرز
اضرآر الحمد لله مآشفت منه اضرار لحد الان حتى نقص زيت ماشفت منه لأكن الحين لونه صار يقلب الى الاحمر
وصآدق اخوي هاوي الذيب فيه مخلوط هذآ اللي سمعت عنه من رجآل فاهم اللي ركبـه لي

[الفلاني فلان]

انا معي باترول 93

تنصحوني اركب البحريني او السويدي ؟

[shark-400]

الهدرز البحريني وين مكانة بالبحرين او رقمهم لا هنتو

وكم بيكلف ابية الين النص H بايب لليوكن 96 باب واحد

[RW7..ALBDAWA]

طبعاً هدرز موتري بحريني .. وجربت السويدي صوته يفرق عن البحريني . لأكن اشوف الاداء البحريني يعطي عزم اقوى وتحس ان الموتر صآير اخف وفزته اقوى

والامآكن تحصله بـ محل بالبحرين اسمه قزوز مآرت لأكن سو عليه طلب وانشآء الله بتحصله عند احد الاعضاء

[فالنتينو]

السلام عليكم

هل فيه محل بالرياض او الدمام عنده هدرز بحريني جديد يصلح حق بترول 2000 مكينه 4500
ارجوا الافاده

[ابو خــــالد]

موتري فتك2002 ومن سنه تقريباً صار القزوز ينسم وكل ماله يزود وبعض الأحيان تنكتم من ريحة الشكمان بالفتره الأخيره دوّرت وسألت لقيت حق الوكاله بحدود 1500 غير حق التركيب يعني بيطلع حدود ال2000 والبديل الأرخص راس هدرز والنوعين المشهورات البحريني والسويدي بغيت أشري سويدي ب550جديد بس بيطلع علي مع التركيب بـحدود الألف وزود على كذا أنه حديد خالص(يعني حار على المكينه) وثقيل ,,,
والنوع الثاني البحريني اللي خامته المونايز(اللي يجيك مخلوط) وبارد على المكينه وأخف من السويدي سألت عنه ولقيت كم ورشه عندنا بالرياض تفصّل بحريني(المونايز) لكن اللي شفت شغله على كم موتر وسألت عنه (الصفدي) بصناعية الدائري مخرج18 وهو أفضلهم ،،
المهم رحت له أمس واتفقت أنا وياوه راس هدرز فقط مع الماصورة إلى نص باب السواق بـ1200مع التركيب واليوم وديتله الموتر الصبح الساعه10 وعلطول بدأ يشتغل وخلص بعد العشاء مباشره ،،،
الفرق الموتر صار أخف بشي بسيط
_____
لكن كانك تبي نصيحتي لاتركب كامل لأن الكامل على كلام اللي مجربين يدمّر المكينه ويبدأ ينقص زيته ومقدار النقص يختلف من موتر لموتر،،، واحد من الشباب مركب هدرز كامل بحريني لما الأخير على فتك يقول كل3500تقريباً إلى 4000 ربع علبه
ـــــــــ
وأي استفسار حاضرين:type:

[السناعيس .f16]

موتري فتك2002 ومن سنه تقريباً صار القزوز ينسم وكل ماله يزود وبعض الأحيان تنكتم من ريحة الشكمان بالفتره الأخيره دوّرت وسألت لقيت حق الوكاله بحدود 1500 غير حق التركيب يعني بيطلع حدود ال2000 والبديل الأرخص راس هدرز والنوعين المشهورات البحريني والسويدي بغيت أشري سويدي ب550جديد بس بيطلع علي مع التركيب بـحدود الألف وزود على كذا أنه حديد خالص(يعني حار على المكينه) وثقيل ,,,
والنوع الثاني البحريني اللي خامته المونايز(اللي يجيك مخلوط) وبارد على المكينه وأخف من السويدي سألت عنه ولقيت كم ورشه عندنا بالرياض تفصّل بحريني(المونايز) لكن اللي شفت شغله على كم موتر وسألت عنه (الصفدي) بصناعية الدائري مخرج18 وهو أفضلهم ،،
المهم رحت له أمس واتفقت أنا وياوه راس هدرز فقط مع الماصورة إلى نص باب السواق بـ1200مع التركيب واليوم وديتله الموتر الصبح الساعه10 وعلطول بدأ يشتغل وخلص بعد العشاء مباشره ،،،
الفرق الموتر صار أخف بشي بسيط
_____
لكن كانك تبي نصيحتي لاتركب كامل لأن الكامل على كلام اللي مجربين يدمّر المكينه ويبدأ ينقص زيته ومقدار النقص يختلف من موتر لموتر،،، واحد من الشباب مركب هدرز كامل بحريني لما الأخير على فتك يقول كل3500تقريباً إلى 4000 ربع علبه
ـــــــــ
وأي استفسار حاضرين:type:


مرحباء اخوي
س1. يا ليت توضح مكان المحل الي فصلت عندو اذا كان في الرياض
وهل الافضل كامل الماصور للاخر ولا لا نص و وش الفرق
وهل حسيت باختلاف عزم الموتر
و الافضل وش بحريني ولا السويدي وهل له تاثير للمكينه
و اسفين على الازعاج بس مافي احد مركبه الى انا و ابي اسالك .........و المثل يقول اسال مجرب ولا تسال طبيب ..و انت مجرب و انا بانتظار ردك اخوي . . . ؟

[ارفع مقامك]

السلام عليكم انا لاحضت الكثير يبي يعرفون المحل اللي يبيع الهدرز اللي اسمة 4500 هذا الله يطول باعماركم وانت جاي من مخرج 13 الى 14 تصعد مع مخرج 14 و تروح مع الاشارة سيدة وتستمر الين تشوف العثيم مول قبل ما توصل العثيم مول لف يمين اللفة اللي قبل العثيم على طول استمر يبي يجي المحل على يمينك اسمة 4500

[السناعيس .f16]

رحت للمحل من شوي غالي ....................................هدرز بحدود 2000 ليه .

[الفلاني فلان]

ابي هدرز بس الراس ياليت من يخبرلي ابي للباترول 93 مكينة شد بلد

[ابو خــــالد]

مرحباء اخوي
س1. يا ليت توضح مكان المحل الي فصلت عندو اذا كان في الرياض
وهل الافضل كامل الماصور للاخر ولا لا نص و وش الفرق
وهل حسيت باختلاف عزم الموتر
و الافضل وش بحريني ولا السويدي وهل له تاثير للمكينه
و اسفين على الازعاج بس مافي احد مركبه الى انا و ابي اسالك .........و المثل يقول اسال مجرب ولا تسال طبيب ..و انت مجرب و انا بانتظار ردك اخوي . . . ؟

هلا حياك الله،،المشكله كل أجوبة أسئلتك بمشاركتي السابقه لكن نرد وش المانع:D
بالنسبه لنوع الهدرز أكيد البحريني أفضل ولافرق من ثلاث نواحي : البروده والخفه والوزن(أخف( واﻷفضل كانك ملزم رأس مع ماصورة يعني يلغي دبة البيئه ويحط ماصورة ولاهوب شرط كل المواتر به دبة تلوث ،،الفتك2002 و2003وأول دفعه من 2004مابه دبة تلوث لكن لازم يركب ماصورة ،،،
وبالنسبه للعزم حسيت بفرق بسيط ،، وبالنسبه لسؤالك أنه يأثر أو لا الكامل يأثر والراس مايأثر بدليل واحد من الشباب معه فتك2005 مركب له راس قبل 5سنين وإلى اللحين معه الموتر وماشي فوق ال300ألف وماشاء الله ماينقص ولا أثر ،،،،
واللي أنا ركبت عنده الصفدي اسم ورشته تميز بلا حدود بمخرج 18 صناعية الدائري خلف ورشة الثنيان علطول

[السناعيس .f16]

بيض الله وجهك يعني اركب بس راس
و الماصورة شد البلد صح كذاء الافضل

[خبايا انسان]

يا اخوان ,, الهدرز بتوسع مجاري الهوا الخارج من المكينه << الي هي الشعبه ( راس الهدرز ) اوكي !!

وبعد الهدرز تحط مواصير البلد !!؟؟ ماينفع ياخي بتحشر الهوا كذا ؟

يعني بيصير عندك الراس وسيع والباقي مواصير البلد بالعربي كأنها مزاز عصير سنتوب !!!!!!!

المتعارف عليه ان الناس تركب هدرز كامل ويكون الشغل نظيف عشان تطلع بنتائج ممتازه او تركب مواصير اوسع من شد البلد وراس القزوز تخليه شد بلد ,,


طبعا الهدرز تختار الصوت الي يعجبك ,, انواع واشكال الدبات والاصوات ,, او اذا تبي الموتر هادي فلا تتجنب عن دبة اليوكون


البحريني ممتاز , وهذا محل اقزوز مارت بالبحرين 0097317785717
والسويدي الاماراتي ممتاز
والصفدي تفصيله ممتاز

غيرهم لا تتعب نفسك وتدور


انا موتري ربع موديل 93 4200 كربريتور, مركب هدرز سويدي وله فوق السنه وماشي زي الحلاوه ولله الحمد ,,,

[رااعي الفزعات]

خبايا انسان ،،،
بيض الله وجهك كفيت ووفيت ..

[abo naser 1]

السلام عليكم

وش نوع السيارة

[ابو ف]

صراحه جربت الهدرزات استيل استرالي ،، وسويدي اماراتي

كلها ممتازه ولكن انصح الاخوان بعدم تركبيها الفرق بسيط الشي الثاني مع الفك والتركيب تتلف مسامير الراس

حقت الاكزوز امابالنسبه لصرف الزيت اذا يرجع للمكينه ونظافتها من واقع تجربه ،،

نصيحه لايركبه الا راعي مراقى وتطعيس يمكن يخفف على الموتر شوي وخاصه مع فك السدات ،، وشكرا ،،

[السناعيس .f16]

يا اخوان انا ابي هدرز بحريني على هلي دبل 2012 و ابي المواصير شد بلد و الدبه افكر شد بلد ولا يوكن ما ادري الافضل وش في الدبات ؟ وياليت افضل مكان قريب لي شرق الرياض غير محل 4500

[خبايا انسان]

يا اخوان انا ابي هدرز بحريني على هلي دبل 2012 و ابي المواصير شد بلد و الدبه افكر شد بلد ولا يوكن ما ادري الافضل وش في الدبات ؟ وياليت افضل مكان قريب لي شرق الرياض غير محل 4500


محل 4500 يبيع فقط وما يركب ,, وقايد بالصنعيه القديمه تركيبه ممتاز ,, وفيه محل بحي الشفاء جنوب الرياض اسمه تسعه وستون ,, توه فاتح وعنده هدرزات اقل من سعر السوق , مسوي تخفيضات يبي يكسب سمعه

[سوبر مكشات]

بيض الله وجيهكم
ورفع الله مقداركم
ماقصرتوا

موفقين

[ابو محيسن1]

الله يعافيكم .

انا ابي اركب هدرز بحريني
ومدحوا لي محل قزوز مارك بالبحرين
بس م لقيت له رقم عشان اتواصل معاه قبل لا اروح له
اللي عنده يعطيني ..

[Abo_Faisal_506]

افضل الهدرزات
البحريني لأنه المونايز وهي ماده باارده ما يحتمي الموتر وتبرد بسرعه
ثمن العتيبي بالدمام اقل درجه منه ولاكن زين
ىفيه محل بالقصيم نسيت اسمه
بعدها السويدي لأنه ثقيل وحار
واتكلم عن تجربه البحريني والعتيبي

[Abo_Faisal_506]

الله يعافيكم .

انا ابي اركب هدرز بحريني
ومدحوا لي محل قزوز مارك بالبحرين
بس م لقيت له رقم عشان اتواصل معاه قبل لا اروح له
اللي عنده يعطيني ..

0097317785717
0097339897369

[موسم المراويح]

الحين الهدرز وش فايدته

[Abo_Faisal_506]

الحين الهدرز وش فايدته

يسهل خروج الهوا ويقلل صرفيه البنزين قييلاً
وتقل الحراره شوي

[بومالك]

شي غريب . طيب الشركه المصنعه للسياره ليييييييييه ماتوسع مخارج الهوى علشان يعطي عزم اكثر هل هو جهل منه او عبث منا